Euskal enpresaren blog-a Zure enpresarentzat garrantzitsua den eguneroko informazioa

15 martxoa, 2018
Inspira proiektuak emakumezko teknologoak bilatzen ditu nesken artean STEAM ikasgaiak sustatzeko

Irailean hasiko da ekimenaren 3. edizioa.
Koaderno bat Inspira proiektuaren itsasgarriekin.

 

Irailean hasiko da ekimenaren 3. edizioa.

Bi urte baino ez dituen arren, Inspira ekimena erreferentziazkoa bihurtu da zientziarako eta teknologiarako bokazioak bultzatzeko belaunaldi berrien artean. Euskadin aitzindaria den proiektu horrek taldekako mentoring saioak antolatzen ditu, zeintzuetan emakumezko zientzialari, ikerlari eta teknologoek tutoretza-lanak egiten baitituzte 11 eta 13 urte bitarteko neskatoekin. Ikasgela barruko topaketa horiek aukera ematen diete ikasleei zientziaren arloko lanbideetara hurbiltzeko, zalantzak argitzeko edota genero estereotipoak hausteko.

 

3. edizioa martxan jartzeko, Inspira ekimenak kanpaina bat abiarazi du, datorren ikasturtean programa horretan parte hartu nahi duten emakumezko tutoreak eta ikastetxeak bilatzeko. Tutoreen kasuan, deialdia bereziki zuzentzen zaie zientzia eta teknologia arloetan lan egiten duten eta STEAM bokazioak sustatu nahi dituzten emakumezko profesionalei. Lehenik eta behin, parte-hartzaileek prestakuntza jasoko dute generoari, teknologiari eta mentoring dinamikei buruz, eta eskura izango dituzte behar dituzten materialak eta baliabideak. Hortik aurrera, sei topaketa egingo dituzte ikasleekin.

 

Inspira proiektua programa pilotu gisa sortu zen 2016an 17 tutorerekin, eta iazko edizioan 104 profesional boluntario eta 44 ikastetxe parte-hartzaile bildu zituen EAEn. Aurreko bi edizioetan 1.300 ikasle inguruk parte hartu dute ekimen horretan, eta ikusirik nolako arrakasta bildu duen, antzeko programak aktibatzen hasi dira Madrilen, Bartzelonan eta Sevillan ere. Topaketa horietan parte hartu duten neskek posible izan dute beren aukera profesionalak zabaltzea, auto-estimua hobetzea, eta zientzia zein teknologia arloetako karrerei buruzko aurreiritziak gainditzea.

 

Inspira proiektua Deustuko Unibertsitateak bultzatzen du Innobasque zentroaren eta Elhuyar Fundazioaren laguntzarekin, eta Araba, Bizkaia eta Gipuzkoako Foru Aldundien finantzaketa jasotzen du. Tutore gisa izena emateko epea zabalik dago datorren apirilaren 12ra arte.

sede innobasque
Berrikuntza 30 uztaila, 2020
Innobasque, 2020 prospektiba-txostena

Berrikuntza lankidetzan, jasangarritasuna eta digitalizazioa, Covid-19ko errealitate berrirako...Leer más

“Orbea kooperatibak irismen handiko argiak izan behar ditu, eta baditu”

Orbea hitzarekin Euskadin pisu industrial handienetakoa duen marka bat izendatzen ari gara; eta...Leer más

First Lego League España
Berrikuntza 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Berrikuntza 24 uztaila, 2020
371 euskal erakundek Europako berrikuntza funtsaren ia 700 milioi euroko dirulaguntzak eskuratu dituzte

  Euskadi da nanoteknologia eta bioteknologia arloetan Horizontea 2020 programaren...Leer más

Oveja Latxa Ternua

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?