INCONEF, termodinamika- eta kontrol-ingeniaritza, mahasti artean
INCONEF balio erantsi handiko ingeniaritza bat da, Moredan kokatua, Arabako Errioxan, Nafarroaren mugan. 300 biztanle eskas dituen udalerri txikia da Moreda. Bertan, ETE honek ardoen tenperatura egokia kontrolatzen laguntzen die inguruko upategiei, softwarearen eta hardwarearen garapenaren bidez. Hala azaldu du enpresaren fundatzaileak, Antonio Aguirrek.
Ingeniaritzaren jardueran sakondu aurretik, arreta pizten du tokiak, egoitzaren kokapenak: Moreda. Zergatik erabaki hori?
Proiektuarekin amesten hasi ginenean, egoitza kokatzeko lekuak bilatzen hasi zen lantaldeko kide bakoitza. Garai hartan beste eraikin batera lekualdatu zuten Moredako Udala. Hortaz, alokatzeko eskatu genien, proiekta aurkeztu genien, eta onartu egin zuten. Hasieran balio izan zigun, baina bost urteren buruan txiki geratu zitzaigun, eta beste kokaleku bat bilatu behar izan genuen. Orduan berriz galdetu genion gure buruari Moreda leku egokia ote zen, eta argi ikusi genuen baietz. Herriaren sarreran 700 m2-ko harrizko eraikin bat zegoen, erortzeko zorian. 1900. urteko eraikina zen, bere garaian ukuilu bat izan zena. Birgaitu egin genuen, eta laborategiak, bulegoak eta tailerrak prestatu genituen. Eta ni Moredakoa naizela gehitu behar zaio horri guztiari.
Aurreko krisi baten emaitza dira INCONEFeko lantaldea eta proiektua…
Bai. Enpresa sortu genuenok instalatzaile baten ikerketa-sailean lan egiten genuen. 2008ko krisiaren ondoren, desagertu egin zen instalatzaile hura. Upategiei soluzio berritzaileak ematen hartu genuen esperientzia eta egin genituen ikerketa-proiektu europarrak aprobetxatuta, proiektu bat muntatzeko lan-ildo ona zela erabaki genuen.
Zer egiten du, zehazki, zuen ingeniaritzak?
Bi ildotan banatzen da gure ingeniaritzaren jarduera: termodinamika eta kontrola. Termodinamikaren atalean, beste ingeniaritza eta arkitektura batzuentzako proiektuak egiten ditugu; edo, batzuetan, amaierako bezeroarentzat. Eta, kontrolari dagokionez, fabrika industrialetako softwarea garatzen dugu, eta hardware industriala edo guk diseinatutako hardwarea erabiltzen dugu. Era berean, zunda oso bereziak garatzen ditugu lan egiten dugun sektoreetarako. Adibidez, ardoaren mundurako, zunda bat garatu dugu; haritzezko upeletarako tapoi bat da, eta hainbat adierazleren berri ematen du, hala nola murrizketa, tenperatura, erredoxa…
Ba al duzue kontatzeko moduko beste adibide disruptiborik?
Bezero batek honela deskribatu gintuen: “Adituak gauzak lehen aldiz egiten”. Eta, egia esan, eremu horretan gaude. Hainbat helburutarako zundak garatu ditugu. Esaterako, bezeroak hestebeteak onduta noiz dauden jakiteko, langileek pabiloietan eta lantokietan zer kokapen duten jakiteko, ardoaren hartzidura kontrolatzeko, eta beste askotarako. Proiektuei dagokienez, ardogintza-sektorerako eguzki-hotzeko sistemak diseinatu ditugu, xurgapen-sistemekin. Eta upategiko sistema guztiak, ekoizpenetik hasi eta bisitetara, barne hartzen dituen kudeaketa-software bat ere diseinatu dugu. Orain biki digitalen proiektu bat egiten ari gara, ardo zuriaren hartzidurarako.
Zuen xede-bezeroa ardogintza-sektorea bakarrik al da?
Ardoaren sektorean daude gure bezero gehienak. Baina, azken urteetan, beste sektore batzuetan ere ari gara proiektuak garatzen. Makineria-sektorean, makinen kontrolak egiten; hirugarren sektorean, eraikinen gune handietako kontsumoa kontrolatzeko hardwarea eta softwarea egiten. Orain, esaterako, Errioxan dagoen museo bateko kontrol osoa egiten ari gara. Museoko sistema guztiak kontrolatzen ditugu: klima, kontsumoak, edukiera, argiztapena…
Zer ekarpen egiten dizue, egiten badizue, kokatuta zaudeten lekuak, inguruneak?
Ez ginateke berdinak izango beste leku batean. Moredan eta eraikin honetan egoteak izaera ematen digu. Nor garen eta gauzak nola egiten ditugun erakusten du. Puntako teknologia erabiltzen dugu mahastiz inguratuta dagoen 220 biztanleko herri batean. Lan egiten dugun sektore nagusiari oso lotuta gaude. Ekonomikoagoa izango litzateke enpresa teknologia-parke batean muntatzea, baina ez litzateke gauza bera izango.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa