“Ferchau” ingeniaritza alemanak egoitza berria inauguratu du Euskadin
Ingeniaritza eta IT zerbitzuak eskaintzen dituen “Ferchau Engineering” enpresak lantegi berri bat jarri du martxan Euskadin, Estatu mailan hazteko abiatua duen bere estrategiaren barruan. Enpresak erabaki hori hartu du, bere bezeroei interesatzen zaielako Automozio, Aeronautika eta Astronautika, Elektronika eta IT, Energia eta Ingeniaritza Mekanikoaren arloetako zerbitzu-katalogo bat izatea ipar zonaldean.
Nazioarteko hainbat enpresa garrantzitsuk erabaki dute Euskadin instalatzea, besteak beste, langileko produktibitate-tasa handiena duten EBko eskualdeetako bat delako. 2016an Financial Times egunkariak esan zuen Euskadi zela “Konektagarritasun arloko Europako eskualde ertain onena”. Era berean, Euskadi da Estatuko dentsitate industrial handiena duen lurraldea, eta hemen sortzen da Espainiako barne produktu gordinaren %23,5. Testuinguru horretan, FERCHAU ingeniaritza alemanak zerbitzu-proposamen diferentzial eta irudimentsu bat aurkeztu du, bezeroaren prozesuak hobetzera eta eraginkorrago egitera bideratua dagoena.
Zamudioko zentro berriaren inaugurazioa
Inaugurazio ekitaldia datorren ekainaren 13an egingo da, Bizkaiko Teknologi Parkeko Klub Sozialean. Frank Ferchau-k (konpainia alemaneko zuzendari nagusiak) zuzendaritza-taldea aurkeztuko du, eta ekitaldi horretan parte hartuko dute orobat Igotz Lopezek (herriko alkatea) eta Alex Arriolak (SPRI, Euskadiko Garapen Agentziako zuzendari nagusiak), zeintzuek azalduko baitute zein den beren ikuspegia zentro berriak enpleguaren eta lehiakortasunaren hazkundean izango duen inpaktuari buruz, enplegua eta lehiakortasuna funtsezkoak direlako Eusko Jaurlaritzak 4.0 Industriaren eta enpresa-sarearen garapen teknologikoaren alde egin duen apustuarekin batera.
Ekitaldian izango dira halaber Sito Alonso saskibaloiko entrenatzaile profesionala eta Juan Carlos Meléndez, “Airbus Defence and Space” enpresako HO Resource &S.M, zeintzuek “antolakundeetako taldeen gardentasuna” hartuko baitute hizpide.
AVIATION sektoreko FERCHAU Engineering GmbH enpresari buruz
FERCHAU enpresaren AVIATION nazioarteko negozio-unitatea beraizik espezializatu da industria aeroespazialerako ingeniaritza zerbitzuetan eta ingeniaritza orokorrean. Gaur egun 1.000 langile baino gehiago (ingeniariak, garatzaileak, diseinatzaileak, hardware/software profesionalak eta proiektu kudeatzaileak) ari dira lanean enpresak Alemanian, Ingalaterran, Frantzian, Indian eta Espainian dauzkan 15 sukurtsaletan. Aipatzekoa da AIRBUS korporazioaren lehentasunezko hornitzailea dela eta lehen mailako konpainia industrialekin kolaboratzen duela.
2016an, bere AVIATION negozio-unitateak 70 milioi eurotik gorako salmenta bolumena izan zuen.
Gaur egun, FERCHAU Engineering GmbH enpresak 9.000 langile baino gehiago ditu bere bulego teknikoak, proiektu taldeak, sukurtsalak eta bestelako kokalekuak kontuan hartuta. Konpainiak hainbat sektoretan egiten du lan, besteak beste, ingeniaritza mekanikoan eta instalazioetan, ingeniaritza elektrikoan, automozioko ingeniaritzan, informazio teknologian, ingeniaritza aeroespazialean eta baita ere itsasontzi eraikuntzan eta itsasoko ingeniaritzan.
info+: www.ferchau.com
https://www.ferchau.com/aviation/de/de/standorte/bilbao/
Lotutako albisteak
Garaia Parke Teknologikoa, berriro ere ekintzailetza eta inbertsiorako topagune ekainaren 3an
Debagoiena euskal ekintzailetzaren epizentroa izango da berriro, ekosistema enpresarial eta berritzailea indartzea helburu duen topaketarekin.
BRTA sariek Euskadiko 17 zentro teknologikoren bikaintasunezko ikerketa aitortzen dute
Ikerketaren alorrean ibilbide sendoa duten hiru pertsona eta etorkizun oparoko hiru gazte saritu ditu BRTA aliantzak.
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak