European Digital Innovation Hubsen bigarren bilera nazionala egin da Bilbon
Gaur, Europako Berrikuntza Digitaleko Zentroen (EDIH) bigarren bilera nazionala egin da Bizkaiko Zientzia eta Teknologia Parkean (Zamudio). 22 EDIHetako 60 ordezkari baino gehiago azaldu dira jardunaldi honetara, haien lankidetza-sarea indartzeko, nazioko eta nazioarteko enpresekin lankidetza-esperientziak partekatzeko eta eraldaketa digitala edo teknologia aurreratuen gorakada bezalako erronkei aurre egiteko. Garrantzi handiko ekitaldia izan da hub hauen garapena sustatzeko, eskualdeetan duten presentziak eskaintzen dituen hurbiltasuna eta nazioko eta Europako lankidetzatik sortzen diren baliabideak eta aukerak konbinatzen dutenak.
Bilera SPRIko (BDIHko kordinatzaileak) Trantsizio Estrategikoen saileko Susana Larrearen hitzaldiarekin hasi da, eta bertaratuei ongietorri instituzionala emateaz eta jardunaldiaren ildo nagusiak aurkezteaz arduratu da. Sandra Pérez ACCIÓko 4.0 Industriako arduradunak, Kataluniako Enpresaren Lehiakortasunerako Agentzia, ere hartu du parte. Erakunde horrek EDIHen sare nazionalaren koordinatzaile gisa jarduten du Europako Batzordeari begira, eta bilera honen lehen edizioa hartu zuen 2023an. Gainera, Industria eta Turismo Ministerioaren laguntza izan dute ere, Industria Digitalizatzeko eta Lankidetza Inguruneetako zuzendariorde María Jesús García Martínen agerpenarekin.
Aurkezpen eta sarrera instituzionalen ondoren, EOI Fundazioko Miguel Sánchez Galindok eta Victoria Sánchez Fuentesek Digital Innovation Hubs Laguntza Programaren (PADIH) egungo egoeraren berri eman diete EDIHei. Programa hau Industria eta Turismo Ministerioaren ekimena da, eta ETEen lehiakortasuna hobetzea du helburu, teknologia digitalak ezartzeko aholkularitzaren bidez. PADIH programa 2023ko urtarrilean ireki zitzaien Espainiako enpresa txiki eta ertainei, eta jardunaldi honetan EDIHek nazio-mailan ematen dituzten zerbitzuen eguneratzea egin da. PADIH 2025eko irailera arte luzatuko da, eta Europako Batzordearen Europa Digitala programaren barruan ezartzen da.
Ondoren, David Vidalek Digital Transformation Acceleratoren (DTA) bilakaerari buruzko azken berriak aurkeztu ditu. Europako Batzordeak sustatutako zerbitzu-ekimen horren helburua EDIHen sarea sendotzea eta zabaltzea da, networking, hedapen, lankidetza eta ezagutzaren transferentzia jardueren bidez. DTAren bidez, EDIHen gaitasun digitala handitu nahi da, prestakuntza, orientazio eta aholkularitza-saioen bidez; EDIHek, aldi berean, Europako ekonomiaren eraldaketa digitalean lagundu ahal izan dezaten.
Jardunaldi Honetan, gainera, denbora egon da EDIHen eta beste eragile ekonomiko batzuen arteko lankidetzak eragindako hamar kasu arrakastatsu azaltzeko, hala nola enpresa nazionalak, nazioartekoak edo administrazio publikoak. Espazio honetan, Susana Larreak hartu du hitza BDIHren eta Cyber Surgery Gipuzkoako ETEaren arteko lankidetzaren emaitzak aurkezteko, bizkarrezur-operazioetan laguntzeko gai izango den robot kirurgiko baten garapena. BDIH Konexio programaren bidez, Cyber Surgeryk Vicomtech (Viulib) zentro teknologikoaren errealitate areagotuan oinarritutako software-liburutegia erabiltzeko aukera izan du, teknologia hori bere robot kirurgiko berritzailean txertatzeko asmoarekin.
Jardunaldia ixteko, bi saio paralelo egin dira. Alde batetik, EDIHek Helena Rodrigues Europako Batzordeko Project Officeren balorazioak entzun ahal izan dituzte, DTAren lehen 18 hilabeteko funtzionamenduari eta etorkizuneko jarraipenari buruzkoak. Saio honetan DIH4CATeko Jesus Fernandezek ere parte hartu du, ekimen honen lehen “reporting”-ean izandako esperientzia azaltzeko. Bestalde, “Seal of Excellence” kalifikazioa duten eta, beraz, Digital Europe programaren zuzeneko finantzaketarik jasotzen ez duten hub-ak (BDIHek, adibidez) Susana Larreak moderatutako mahai-inguru batean bildu dira. Hemen hiru gai nagusiren inguruko esperientziak eta ezagutzak trukatzeko aukera izan dute: finantzaketa, proiektuen gauzatzea eta Europako konexioa.
BDIHren aktibo teknologikoen erakustaldia
Hitzaldiak amaitu ondoren, bertaratuek BDIHko ekosistemara eta azpiegituretara hurbiltzeko aukera izan dute, Fabrikazio Aeronautiko Aurreratuko Zentroaren (CFAA) instalazioetara bisita pribatua eginez. CFAAk ekoizpen aeronautikoko aplikazioekin lan egiten du, bai eta fabrikazio-teknologia aurreratuetan ezagutza berria sortzeko eta prest jartzeko ere. Gainera, Basque Digital Innovation Hub osatzen duten 33 erakundeetako bat da, eta, beraz, aktibo hauek euskal enpresa txiki eta ertainen eskura jartzen ditu.
BDIHk 265 aktibo teknologiko baino gehiago ditu gaur egun, zazpi nodotan banatuta, eta euskal enpresek BDIH Konexio programaren bidez eskura ditzakete. BDIHren helburu nagusia da enpresek teknologia horiek probatu eta prozesuan zehar laguntza aditua jaso ahal izatea, produktu berritzaileak garatzeko eta beren produkzio-prozesuak hobetzeko.
Lotutako albisteak
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.
Landatu Solarrek, bere produktu berritzaileen bidez, eguzki-panelak instalatzea errazten du
Bilboko ingeniaritzak bi sistema sortu ditu: Landblock, teilatu eta zoruetan instalatzeko, eta Lamaru, eguzki-energia flotatzailerako soluzioa.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.
Fecin, industriako eskuilagintzan espezializatuta 60 urte daramatzan Gipuzkoako ETEa
Deban kokatuta dagoen enpresa da Europa mailan sektore honetako bost fabrikatzaileetako bat eta SPRI Taldearen zibersegurtasun-programaren laguntza jaso du