Albisteak 19 ekaina, 2023

Durangaldea, Busturialdea, Lea-Artibai eta Debabarreneko 60 enpresak jaso dute gaur enpresa berritzailearen Hazinnova akreditazioa

Ermuko ekitaldi hau EAEko hainbat eskualdetan egingo diren bost topaketen parte da, eta beren bitartez EAEko 321 ETEk berrikuntzaren euskal ekosisteman sartzeko egindako ahalegina aitortuko da

Bizkaiko Durangaldea, Busturialdea, Lea- Artibai, eta Gipuzkoako Debabarrena eskualdeetako 60 enpresak enpresa berritzailearen ziurtagiria jaso dute gaur, Eusko Jaurlaritzako Ekonomiaren Garapen, Jasangarritasun eta Ingurumen Sailaren, SPRIren eta Innobasque-Berrikuntzaren Euskal Agentziaren eskutik. Ziurtagiria jaso duten enpresa horiek berrikuntza ez teknologikoko mikro-proiektuak ezarri dituzte beren erakundeetan merkatuan duten posizioa hobetzeko.

Ziurtagiri honen banaketa-ekitaldia gaur goizean egin da Ermuko Izarra Center-en, eta bertan izan dira Alberto Fernández, Eusko Jaurlaritzako Teknologia eta Berrikuntzaren zuzendaria, Gotzon Bernaola, Innobasque-Berrikuntzaren Euskal Agentziaren berrikuntza koordinatzailea eta Juan Carlos Abascal, Ermuko alkatea.

Ermuko ekitaldi hau EAEko hainbat eskualdetan egingo diren bost ekitaldietatik bat izango da. Beren bitartez EAEko 321 ETEk berrikuntzaren euskal ekosisteman sartzeko egindako ahalegina aitortuko da.

Topaketa honetan, ETEen ondoan izan dira sareko tokiko agenteen ordezkariak, laguntzaile izan dituztenak berrikuntzako mikro-proiektuen ezarpen-prozesuan: Ermuko Udala, Durangaldeko Enpresen Elkartea, Debegesa Debabarreneko

garapen-agentzia, FVEM Metaleko Enpresen Bizkaiko Federazioa, Bizkaiko Merkataritza Ganbera, Arrantzarako Tokiko Ekintzarako Taldea (GALP), Lea-Artibai Fundazioa, Basque Food Cluster, Lanbide Ekimenak, Euskadiko Mugikortasun eta Logistika Klusterra, Konfekoop Euskadiko Kooperatiben Konfederazioa, Mendinet Landa Garapenerako Elkartea eta Habic, Euskadiko ekipamendu, altzari eta diseinuaren klusterra.

Ziurtagiri hau gaur jaso duten Durangaldea, Busturialdea, Lea- Artibai eta Debabarreneko enpresa txiki eta ertainek 76 proiektu osatu dituzte Hazinnova 2022 deialdiaren bidez. Berrikuntzak produktuetan zein negozio-prozesuetan, fabrikazioan, logistikan, merkaturatzean, administrazioan edo finantzetan egin dituzte.

Banaketa-ekitaldiaren ondoren, berrikuntzako kasu praktikoak aurkeztu dira. Horietan, Hazinnova 2022 programan parte hartu zuten enpresetako hiruk beren esperientzia praktikoak eta lortutako emaitzak partekatu dituzte: Jeremías Ingeniería e Innovación, Iurretakoa, Plastibor, plastikoak injekzio-prozesuen bidez eraldatzen dituena eta Amorebietan dagoena; eta Boj Olañeta, Eibarko konpainia, sukalderako era guztietako tresnak egiten dituena.

Datorren ekainaren 26an, beste 47 enpresak, oraingoan arabarrak, Hazinnova ziurtagiria jasoko dute Arkauten egingo den ekitaldian.

2022ko deialdian, Hazinnova programak 2.760.000 euroko aurrekontua izan du.

Hazinnova 2023 deialdia

Hazinnova 2023 deialdia zabalik dago jada eta interesa duten enpresa berriek urriaren 26ra arte eskatu ahal izango dituzte laguntzak. Programak 2,7 milioi euroko aurrekontua du esleituta urte honetarako.

HAUEXEK DIRA HAZINNOVA ZIURTAGIRIA JASO DUTEN Durangaldea, Busturialdea, Lea-Artibai ETA DebabarrenEKO 60 ENPRESAK

DURANGALDEA

ACABADOS AERONAÚTICOS DE BIZKAIA SL	Mallabia
AIRTALDE S.L.	Berriz
AMILIBIA Y DE LA IGLESIA, S.A.	Amorebieta-Etxano
AUXILIARES HIRUKOBAT S. L.	Berriz
AZAROS 21, S.A.	Atxondo
BILBU S.L. MATERIALES DE CONSTRUCCION	Amorebieta-Etxano
BLUM NOVOTEST IBERICA SL	Ermua
HARAKAI S. COOP	Amorebieta-Etxano
INDUSTRIAS G.ARIZAGA	Zaldibar
INDUSTRIAS ITTE, S.A	Zaldibar
INNOCUT, S.L.	Ermua
JEREMÍAS ESPAÑA, S.A.	Iurreta
JEREMIAS INGENIERÍA E INNOVACIÓN S.L.	Iurreta
JEREMIAS LOGISTIC SERVICES S.L.	Iurreta
KATIAK, S.A.	Izurtza
LARRAKO HARAGIAK SL	Amorebieta-Etxano
MANUFACTURAS GES, SA	Ermua
MECANIZADOS INDARPAK, S.L.	Iurreta
MUELLES ZALDUA, S.L.	Zaldibar
PACK&PAL MINTEGUI, S.L.	Abadiño
PLASTIBOR SLU	Amorebieta-Etxano
POLYPAL STORAGE SYSTEMS, S.A.	Iurreta
SOLDADURA LAGUNAR SL	Ermua
SORKUNTZAREN LURRALDEA SORLAND, S.L.	Abadiño
TALLERES ASCA, S.L.	Abadiño
TALLERES UNAMUNZAGA S.A.	Abadiño

BUSTURIALDEA

COFRADIA DE PESCADORES SAN PEDRO BERMEO	Bermeo
DISEÑO DE BAÑO DISBAINU S.A.L.	Busturia
EBAKI XXI S.A.	Muxika
EXCLUSIVAS GERNIKA S.A.	Gernika-Lumo
HIJOS DE JOSE SERRATS S.A.	Bermeo
LGK S.L.	Gernika-Lumo
METALTÉRMICA GAI S.A.	Gernika-Lumo
TRANSPORTES URRUTXUA S.L.	Gernika-Lumo
TRANSPORTES Y LOGÍSTICA CARMELO S.L.	Gernika-Lumo

LEA ARTIBAI

COFRADIA DE PESCADORES SANTA CLARA ONDARROA	Ondarroa
CONSERVAS AGUIRREOA	Ondarroa
EZENARRO AROZTEGIA SL	Etxebarria
HIGH IDENTITY BUILDINGS SOCIEDAD LIMITADA	Ondarroa
PESCADOS LLORENTE	Ondarroa

DEBABARRENA

ALIMEK SERVICIOS EN GESTION DE ALIMENTOS S.A	Elgoibar
APLICACIONES PRACTICAS ELECTRONICAS, S.A.	Eibar
BALENZATEGUI S.A.	Elgoibar
BOJ OLAÑETA, S.L. UNIPERSONAL	Eibar
CENTRO DE MECANIZADOS ARILAN S.L.	Elgoibar
CONSERVAS ZIZZO S.L.	Mutriku
EITEK IT&SECURITY FOR BUSINESS S.L.	Eibar
ELECTRICIDAD URKI, S.A.	Eibar
FERRETERIA UNCETA SA	Elgoibar
GRUAS APALATEGUI SL.	Elgoibar
HANNA INSTRUMENTS, S.L.	Eibar
KARAKATE SA	Elgoibar
KORPION S.L	Mutriku
MANUFACTURAS RESORT S.L.	Eibar
NUMATOR, S.A.L	Soraluze/Placencia De Las Armas
QUIMICA VASCA SA	Mendaro
REC ACCESORIOS, S.L.	Eibar
SORALUZE MAKINA BEREZIAK S.L.L.	Soraluze/Placencia De Las Armas
TORNILLERÍA ORUESAGASTI S.A	Soraluze/Placencia De Las Armas
XUNZEL ENERGY S.L.	Mendaro

Lotutako albisteak

23/06/2025 Berrikuntza

José Jainaga industrialak Joxe Mari Korta 2025 saria irabazi du

Epaimahaiak aho batez erabaki zuen 25. Joxe Mari Korta saria pertsona bakar bati ematea: José Jainaga industrialari, industria errotzearen, industria bikaintasunaren, berrikuntzaren eta kalitatezko enplegua sortzearen aldeko konpromisoagatik.

05/06/2025 Berrikuntza

Innobasquek 2024ko ekitaldiko emaitzar aurkeztu ditu, eta guztiz bat datoz Zientzi, Teknologia eta Berrikuntzako Euskal Planarekin

Gaur egin da urteroko topaketa Getxoko Itsas Geltokian (Olatua), eta bertan bildu dira Innobasqueko entitate bazkideak –administrazioak, enpresak eta hezkuntza, gizarte, zientzia eta teknologia arloetako eragileak-, baita Agentziaren Zuzendaritzako 60 kideak ere, Euskadin berrikuntza bultzatzen duen aliantza publiko-pribatuaren goi ordezkariak guztiak

30/05/2025 Berrikuntza

Euskadik ikerkuntzarako eta berrikuntzarako duen giharra erakutsiko du Berrikuntzaren Euskal Agentziaren Batzar Nagusiak

Ekitaldian bilduko dira Innobasqueko entitate bazkideetako kideak –administrazioak, enpresak eta hezkuntza, zientzia eta teknologia arloetako eragileak- eta Agentziako zuzendaritzako kideak; Euskadin berrikuntza bultzatzen duen aliantza publiko-pribatu horretako 60 goi ordezkar

30/05/2025 Berrikuntza

+INDUSTRY 873 enpresa baino gehiago bilduko ditu

Smart manufacturingari eskainitako Espainiako urteko topaketarik handiena, ekainaren 3tik 5era bitarte, Bilbao Exhibition Centren ospatuko da

15/05/2025 Berrikuntza

Horizon Europe 2025: 7.300 milioi euro enpresa berrikuntza bultzatzeko Europan

SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena

09/05/2025 Berrikuntza

Eusko Jaurlaritzak 13,65 milioi euro bideratuko ditu enpresen berrikuntzara

SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak

07/05/2025 Berrikuntza

Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra

Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.

02/05/2025 Berrikuntza

ETEentzako produktuen eta prozesuen berrikuntza babesten dugu Hazinnovarekin

Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.

24/04/2025 Berrikuntza

ESGI 188 (European Study Group with Industry) Bilbon izango da 2025eko maiatzaren 26tik 30era

Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.

15/04/2025 Berrikuntza

Kontsulta irekia: Spri Taldearen laneko prebentzio-zerbitzuak definitzeko zure aukera

Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.

Joan blogera

Bilaketa iragazi