Cadinoxek zehaztasun handiko piezak berritzen eta fabrikatzen ditu industria aeroespazialerako edo energia sektorerako
Duela mende erdi baino gehiagotik, Cadinoxek doitasun eta tamaina handiko ekipo kritikoen fabrikazioan jardun du, fabrikazio mekano-soldatuan oinarrituta. Fabrikazio mekanikoko proiektuen kudeatzaile integral bihurtu da, eta proiektu bakoitza neurrira eginda dago. “Tamaina handiko pieza metalikoak, konplexuak eta doitasun handikoak fabrikatzen ditugu, eta hainbat aplikaziotarako erabiltzen ditugu. Guztiak ere proiektu aipagarrietan erabiltzen dira”, Peio Lakarta Cadinoxeko zuzendari komertzialak ziurtatu duenez.
Proiektu horien artean daude, besteak beste, Alemanian fenomeno meteorologikoak ulertzen laguntzeko hodeiak simulatzeko erabiltzen ari den huts-kamera bat, sateliteak probatzen diren Estatu Batuetako simulazio espazialeko beste kamera bat, edo munduko handiena den espalazio bidezko neutroiak sortzeko kamera, Suedian, arlo zientifiko eta teknologiko ezberdinetan aplikazioak dituzten material berriak ikertzeko.
Euskal enpresak 85 langile ditu, eta “ura ponpatzeko sistemetarako piezak, energia sortzeko turbinak, industria aeroespazialerako osagaiak edo munduan zehar banatutako instalazio zientifikoetarako huts-kamerak fabrikatzen ditu, konpainiaren ordezkariak aitortu duenez.
Horrela, Gipuzkoako enpresak 17 milioi euro fakturatu zituen iaz, 2021ean baino % 54 gehiago. Fakturazioaren % 60 esportaziotik dator, batez ere Alemaniatik eta Frantziatik. “Gainera, eskaeren errekorra lortu genuen 2022an, 29 milioi eurokoa”, Lakartak zehazten duenez.
Lan egiten duen sektoreen artean energia sortzeko modu desberdineko soluzioak daude: hidroelektrikoa eta eolikoa, neutronikoa, partikula-azeleragailuak, fusioa… Bezero ugari ditu, hala nola CERN (Ikerketa Nuklearrerako Europako Erakundea), ESS (Espalazio bidezko Neutroien Europako Iturria) edo ILL (Laue-Langevin Institutua). “Sektore batzuekin sortu ginenetik, lanean ari gara, ia 60 urtez, paperaren industria, esaterako”, aipatu du.
‘Cadinox Technology Center’
2021az geroztik, Gipuzkoako enpresak ‘Cadinox Technology Center’-a garatu du, “fabrikazioan erabili daitezken prozesu eta teknologia berriak ikertzeko gunea, etorkizuneko digitalizazioaren eta robotizazioaren erronkei aurre egiteko”, zuzendari komertzialak aitortu duenez. Gainera, enpresak berrikuntzaren aldeko apustua egiten du, bere produkzio-sisteman bi lan-ildo ezarrita. “Digitalizazio globaleko prozesu batean gaude, eta erabakiak hartzera bideratutako software adimendun bat dugu, 4.0 industrian oinarritua (AXON), adimen artifizialeko simulagailu eta tresnekin, epeak optimizatzeko eta gero eta zorrotzagoa den merkatu batean lehiakorrak izateko aukera ematen diguna”, aurreratu du Peio Lakartak.
Etorkizunari begira, “gure nazioarteko presentzia areagotzea, berriztagarrietan inbertitzea eta jasangarriagoak izatea, eta prozesuak optimizatuz (digitalizazioa, prozesuen automatizazioa, soldaduren robotizazioa) gure lehiakortasuna handitzea” dira euskal konpainiaren helburuak, zuzendariak aipatu duenez.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean