Bizintekek eskalatzen jarraitzen du produktu elektronikoen fabrikazioan
Zenbakiak arigarriak dira berez: 2021ean lortutako emaitza bikainen ostean, ia % 30eko hazkundea lortuta, oraingo erronka da erritmo jasangarrian hazten jarraitzea, eta horretarako beharrezkoa da produktu elektronikoak fabrikatzeko ahalmena handitzea, bai bolumen aldetik eta bai teknologia eta kalitate aldetik.
Merkatu teknologikoan beharrezkoa da etengabe mugitzea, hazten eta prozesuak txertatzen jarraitzea, kalitatearen kontrola ahalik eta gehien bermatzeko produktu elektronikoen garapenaren fase guztietan. Era horretan, Bizintekek Seho Power Wave olatuaren bidez soldatzeko makina berri bat jarri du bere ekoizpen-lerroetan, hau da, eskala handian ekoizteko teknika bat, non osagai elektronikoak zirkuitu inprimatuaren plakan soldatzen baitira. Guztiz automatizatuta dagoen sistema berritzaile horrek ahalbidetuko du produktibitatea eta efizientzia handitzea, kostuak mugatzeaz batera.
Ekoizpen-kapazitatean eskalatzeko eta bezero berrienganaino iristeko ezinbestekoa den abangoardiako makineria hau txertatu eta gero, orain Bizintekek beste urrats bat egin du aurrera eta txanda berri bat ezarri du plantan, bere ekoizpen-ahamena ahalik eta gehien aprobetxatzeko eta proiektu bakoitzaren kalitateari eusten jarraitzeko.
Era horretan, Bizinteken ekoizpen-lerroek puntako prozesu berriak txertatu dituzte (https://bizintek.es/fabricacion-producto-con-calidad-garantia/), eta horrek ahalbidetzen dio Bizkaiko ingeniaritza-enpresa honi kalitatean oinarritutako proiektu bat hazarazten jarraitzea, produktu elektronikoen garapenaren prozesu integralaren kontrolaren bitartez, hasierako zirriborroetatik merkatura atera arte.
Teknologian inbertitzea: produktu elektronikoen fabrikazioaren gakoa
Produktu elektronikoen fabrikazioa garatzerakoan, badira funtzio berbererako eskuragarri dauden teknologia ugari. Hona hemen gakoa: zenbait eta ekoizpen-ahalmen handiago izan, orduan eta aukera gehiago daude irtenbide optimizatu bat aurkitzeko, bezeroarekin etengabe komunikatuz, produktua beraren beharretara zuzentzeko.
Eragile industrial gutxik dute prozesuaren osoko kontrola maila guztietan bermatzeko beharrezkoak diren ekipoak, hau da, bezeroarekin izandako lehen kontaktutik merkaturatzeko prest dagoen kalitatezko produktu funtzional bat entregatu arte. Gaur egun bizi dugun boom teknologikoak are gehiago zabaltzen ditu produktu elektronikoen fabrikazioaren kalitatea modu exhaustiboan kontrolatzeko beharrezkoak diren teknologiak eta bitartekoak.
Zer makinak erabiltzen ditu produktu elektronikoen fabrikazioak?
Produktu elektronikoak fabrikatzerakoan Bizinteki diseinu-proiektu ia guztiei aurre egiteko ahalmena ematen dioten teknologia horien artean, orain dela urte batzuk ezarritako SMD ekoizpen-lerroaren garrantzia azpimarratu genezake (https://bizintek.es/nuestra-linea-produccion-smd-cumple-ano-repaso-gran-rendimiento/). Produktu elektronikoak garatzerakoan funtsezko den ekoizpen-dibisio bat da, eta berari gehitzen zaizkio soldadura selektiborako beharrezkoa den makineria eta 3D ikuskapeneko AOI bat, abangoardiako beste ekipo batzuen artean: orduka 48.000 osagai ekoizteko ahalmenari eta prozesuaren kontrol integralari esker, produktuaren trazabilitatea, kalitatea eta fidagarritasuna maximizatzen dira.
Horren ostean, orain dela gutxi, Bizintekek osagaien coating edo tropikalizatze selektiboko lerro bat instalatu zuen, hau da, balio erantsi handiko sektore askotara –adibidez: automobilgintza edo industria aeronautikoa- zuzendutako osagai elektronikoak babesteko ezinbestekoa den tratamendu bat. Guztiz hornituta eta automatizatuta dagoen instalazio bat da, bernizak eta silikonak hotzean soldatzeko IR labe bat barnean daukana, horren bidez efizientzia eta kalitatea handiagoak lortzen dituena azken produkturako. https://bizintek.es/coating-que-es-y-para-que-sirve/.
Produktu elektronikoen fabrikazioaren ahalmena handitzeko iritsi den azken teknologia olatuaren bidezko Seho Power Wave soldadura-makina bat da (https://bizintek.es/soldadura-por-ola-bizintek-da-un-paso-mas-en-su-produccion/), hau da, eskala handian ekoizteko soldadura-teknika bat, non osagai elektronikoak zirkuitu inprimatuaren plakari soldatzen baitzaizkio. Sistema automatiko bat da, gehienbat through hole soldadura behar duten produktuetara zuzentzen dena eta bide ematen duena bai produktibitatea eta efizientzia handitzeko eta bai kostuak murrizteko.
Osoko trazabilitatea: kontrol integralaren abantaila handi bat
Bizintekek produktu elektronikoen fabrikazio-prozesuan –haren garapen guztietan- egiten duen kontrol exhaustiboari esker, abantaila nagusietako bat osagaien osoko trazabilitatea da: harreran kodifikatu eta serializatu egiten dira, eta horrela lotuta geratzen dira eskari-zenbaki batekin, hornitzaile batekin, erreferentzia batekin eta data batekin, eta horrek ahalbidetzen du ekoizpen-katean osoko jarraipen bat egitea.
Soldadura-profilen kasuan, fabrikazio guztietan azterketa bat egiten da aurretik, diseinu bakoitzean erabili beharreko tenperaturaren profila zehazteko; horren bitartez, profila erregistratuta geratzen da eta horietako bakoitzari lotuta. Produktuari dagokionez, Bizintekek produktu osoaren trazabilitatea egiteko aukera eskaintzen die bere bezeroei: profila, prozesua eta testa. PCBek osagai bakoitzari eta prozesuaren atal bakoitzari lotzen zaion kode bakar bat dute, eta berau enpresako ekoizpenaren datu-baseetan erregistratzen da.
Ziklo osoko ingeniaritza-enpresa gisa, Bizintekek abangoardiako makineria eta teknologiara zuzendutako inbertsioa lehenesten du, produktu elektronikoak fabrikatzeko proiektu bakoitzean emaitzarik onenak lortzeko. Berrikuntza eta fabrikazio propioari esker, ekoizpen-sistema berritzaileenen erabilerak ahalbidetzen dio Bizinteki balio erantsi berriak ematea bere bezeroei, bermeen bidez eta bere produktuen garapenean izandako esperientziaren bitartez.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat