Berrikuntza
Albisteak 10 uztaila, 2020

Ariadna Grid: ETE baten berrikuntza-lidergoa enpresa erraldoien sektore elektrikoan

Sektore elektrikoan multinazionalak dira nagusi. Baina erraldoiz betetako ekosistema horren barruan, posible da lidergo-posizioetan ere egotea, 10 langile dituen ETE bat soilik izanik. Adibidez, Ariadna Grid, Iratxe Zuluagak eta Haritz Zubiak 2007an bultzatutako enpresa familiarra. 13 urte eskasetan, elektrizitate-banaketako eragile nagusien (Iberdrola, Naturgy, EDP,etab.) hornitzaile izatea lortu du. Gainera, berrikuntza-programa askotan parte hartzen du modu nabarmenean (SPRIk kudeatutako Hazitek programa eta Europa mailako beste programa batzuk), eta Gorlan Taldearekin enpresa-batura arrakastatsu bat osatu du, bien artean Merytronic sortu baitute, ekipo elektronikoak garatzeko eta ekoizteko. Ariadna Gridek sare elektriko adimendunen esparruan lan egiten du. Indarrez hasi zen sektorean, arrakasta handia izan zuen aplikazio digital batekin. Software horren bidez ordura arte eman ez zen pauso bat ematea lortu zuten: bezero bakoitzaren konexio-puntuaren topologia ezagutzea ahalbidetzen du, hau da, etxe bakoitza zein transformazio-zentrori, lineari eta faseri konektatuta dagoen. Hain oinarrizkoa dirudien zerbait ez zen batere erraza, eta sarearen digitalizazioari eta Boroako (Zornotza) ETEak sortutako aplikazioari esker lortu ahal izan zen. Aurrerapen horrek, eta Ariadna Gridek azken urteotan lortu dituenak, eragozpen asko konpontzen lagundu die banatzaile elektriko handiei: zentro bakoitzera zenbat bezero konektatuta dauden jakinda, mantentze-lan hobeak egiteko eta zenbait gainkarga aldez aurretik detektatzeko aukera ematen du, galerak gertatzen diren jakiteko, edo, era berean, sarea behar bezala planifikatzeko, energia berriztagarrien sarreraren eta energia-eskariaren igoeraren aurrean. Adibidez, auto elektrikoa etxean kargatzean sortzen diren beharrak aurreikusteko. Iratxe Zuluaga enpresako buruak gogoratu du hasieran "dena egiteko" zegoela. "Abentura bat izan zen, gezurra badirudi ere, bezeroa, merkatua eta erregulazioa prest ez zeudelako", esan du. Argindarra merkatu arautua izateak asko markatu du inbertsioen eta enpresa-erabakien erritmoa. Eta, batzuetan, oztopo bat izan da azkarrago aurrera egiteko. Ariadna Grid sarean instalatuta dauden sentsoreek emandako datuak aztertzen lan egiten du, eta 2012an Merytronic sortu izana aurrera pauso bat izan zen. Gorlan Taldeak behe-tentsioko sektore elektrikoan zuen esperientzia eta Ariadnak diseinu elektronikoan zuen ezagutza batzen zituen proiektu honek. Horrela sortu zen behe-tentsioko sareen gainbegiratze aurreratuan murgildutako enpresa bat. Elkarrekin, erronka konplexuei aurre egin ahal izan diete, eta hauek berrikuntza-proiektu bihurtu dira, hala nola Reader+, Hazitek programak lagunduta (Eusko Jaurlaritzak eta EBko FEDER funtsak finantzatuta), eta datorren urtean industrializatuko dena. Baita Gescam proiektua ere, SPRIk diruz lagundutakoa Haziteken bidez, aplikazio digital horiek erabiltzeko kontagailuen konexioa modu eramangarrian ezagutzeko aukera emango duena. Hori bereziki erabilgarria da garapen bidean dauden herrialdeetan, gaur egun beren sarean kontagailu adimendunak instalatzen hasi direlako. Ariadna Griden nazioartekotzea Gorlan Taldearekin batera egin du, eta, beraz, "zerbitzu eta irtenbide orokorra" ematen die kontinente ezberdinetako herrialde askori. Emaitzak oso onak dira, "batzea da kontua", azpimarratu du Bizkaiko enpresa txiki eta ertain honen zuzendariak. Ariadnak Energia Klusterrarekin ere egin du lan, Zuluaga bertako lehendakariordea da, hain zuzen ere. SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.
-

Sektore elektrikoan multinazionalak dira nagusi. Baina erraldoiz betetako ekosistema horren barruan, posible da lidergo-posizioetan ere egotea, 10 langile dituen ETE bat soilik izanik. Adibidez, Ariadna Grid, Iratxe Zuluagak eta Haritz Zubiak 2007an bultzatutako enpresa familiarra.   

13 urte eskasetan, elektrizitate-banaketako eragile nagusien (Iberdrola, NaturgyEDP,etab.) hornitzaile izatea lortu du. Gainera, berrikuntza-programa askotan parte hartzen du modu nabarmenean (SPRIk kudeatutako Hazitek programa eta Europa mailako beste programa batzuk), eta Gorlan Taldearekin enpresa-batura arrakastatsu bat osatu du, bien artean Merytronic sortu baitute, ekipo elektronikoak garatzeko eta ekoizteko. 

Ariadna Gridek sare elektriko adimendunen esparruan lan egiten du. Indarrez hasi zen sektorean, arrakasta handia izan zuen aplikazio digital batekin. Software horren bidez ordura arte eman ez zen pauso bat ematea lortu zuten: bezero bakoitzaren konexio-puntuaren topologia ezagutzea ahalbidetzen du, hau da, etxe bakoitza zein transformazio-zentrori, lineari eta faseri konektatuta dagoen. Hain oinarrizkoa dirudien zerbait ez zen batere erraza, eta sarearen digitalizazioari eta Boroako (ZornotzaETEak sortutako aplikazioari esker lortu ahal izan zen. 

Aurrerapen horrek, eta Ariadna Gridek azken urteotan lortu dituenak, eragozpen asko konpontzen lagundu die banatzaile elektriko handiei: zentro bakoitzera zenbat bezero konektatuta dauden jakinda, mantentze-lan hobeak egiteko eta zenbait gainkarga aldez aurretik detektatzeko aukera ematen du, galerak gertatzen diren jakiteko, edo, era berean, sarea behar bezala planifikatzeko, energia berriztagarrien sarreraren eta energia-eskariaren igoeraren aurrean. Adibidez, auto elektrikoa etxean kargatzean sortzen diren beharrak aurreikusteko. 

Iratxe Zuluaga enpresako buruak gogoratu du hasieran “dena egiteko zegoela. “Abentura bat izan zen, gezurra badirudi ere, bezeroa, merkatua eta erregulazioa prest ez zeudelako“, esan du. Argindarra merkatu arautua izateak asko markatu du inbertsioen eta enpresa-erabakien erritmoa. Eta, batzuetan, oztopo bat izan da azkarrago aurrera egiteko. 

Ariadna Grid sarean instalatuta dauden sentsoreek emandako datuak aztertzen lan egiten du, eta 2012an Merytronic sortu izana aurrera pauso bat izan zen. Gorlan Taldeak behe-tentsioko sektore elektrikoan zuen esperientzia eta Ariadnak diseinu elektronikoan zuen ezagutza batzen zituen proiektu honek. Horrela sortu zen behe-tentsioko sareen gainbegiratze aurreratuan murgildutako enpresa bat. 

Elkarrekin, erronka konplexuei aurre egin ahal izan diete, eta hauek berrikuntza-proiektu bihurtu dira, hala nola Reader+, Hazitek programak lagunduta (Eusko Jaurlaritzak eta EBko FEDER funtsak finantzatuta), eta datorren urtean industrializatuko dena. Baita Gescam proiektua ere, SPRIk diruz lagundutakoa Haziteken bidez, aplikazio digital horiek erabiltzeko kontagailuen konexioa modu eramangarrian ezagutzeko aukera emango duena. Hori bereziki erabilgarria da garapen bidean dauden herrialdeetan, gaur egun beren sarean kontagailu adimendunak instalatzen hasi direlako. 

Ariadna Griden nazioartekotzea Gorlan Taldearekin batera egin du, eta, beraz, “zerbitzu eta irtenbide orokorra” ematen die kontinente ezberdinetako herrialde askori. Emaitzak oso onak dira, “batzea da kontua”, azpimarratu du Bizkaiko enpresa txiki eta ertain honen zuzendariak. Ariadnak Energia Klusterrarekin ere egin du lan, Zuluaga bertako lehendakariordea da, hain zuzen ere. 

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri. 

Lotutako albisteak

Irundinek,  oso  nazioartekotutako  ETEak,  negozioa  % 50  baino  gehiago  handitu  du
12/09/2025 Nazioartekotzea

Irundinek, oso nazioartekotutako ETEak, negozioa % 50 baino gehiago handitu du

Irungo enpresak SPRI Taldearen Fast Track Innobideak programako laguntza jaso du eta botilatzeko makinak fabrikatzen ditu 1994tik

Koreako  Jeollanam-do  probintziak  Euskadi  bisitatu  du  itsas  energia  eolikoan  eta  trantsizio  energetikoan  aukerak  aztertzeko
05/09/2025 Nazioartekotzea

Koreako Jeollanam-do probintziak Euskadi bisitatu du itsas energia eolikoan eta trantsizio energetikoan aukerak aztertzeko

Euskadin programatutako agendarekin amaitzeko, delegazioak Saiteceko instalazioak bisitatu ditu, Euskal Autonomia Erkidegoan sarera konektatutako lehen aerosorgailu flotatzailearen proiektua bertatik bertara ezagutzeko asmoz.

Innobasque  kasu  praktikoen  bila  dago,  Global  Innovation  Day  2025  ekitaldirako
03/09/2025 Berrikuntza

Innobasque kasu praktikoen bila dago, Global Innovation Day 2025 ekitaldirako

Proposamenak aurkezteko epea irekita egongo da irailaren 22ra arte. Hautatutako esperientziak Global Innovation Day 2025 ekitaldiko programa ofizialean jasoko dira, Euskadin zientziak berrikuntzan duen eragina erakusteko adibide aipagarri gisa

Basque  Digital  Innovation  Hubek  adimen  artifizialean  espezializatutako  nodo  berria  gehitu  du
02/09/2025 BDIH

Basque Digital Innovation Hubek adimen artifizialean espezializatutako nodo berria gehitu du

Basque Artificial Intelligence Centerren gidaritzapean, konputazio aurreratuko eta datuak biltegiratzeko tresnak eskuratzeko aukera emango die euskal enpresei.

BDIH  Konexioa  programak  euskal  industriaren  berrikuntza  digitala  eta  jasangarritasuna  sustatzen  ditu  eta  BDIHk  eskaintzen  duen  adituen  laguntzarako,  aktiboetarako  eta  zerbitzuetarako  sarbidea  errazten  du
21/08/2025 Berrikuntza

BDIH Konexioa programak euskal industriaren berrikuntza digitala eta jasangarritasuna sustatzen ditu eta BDIHk eskaintzen duen adituen laguntzarako, aktiboetarako eta zerbitzuetarako sarbidea errazten du

SPRI Taldeak BDIH Konexioaren deialdi berri bat jarriko du abian abuztuaren 26an. 950.000 euro bideratuko ditu euskal industriaren berrikuntza-prozesuak bermeekin azeleratuko dituzten proiektuak finantzatzeko. Enpresek BDIHren edo Europako DIH jakin batzuen aditu-laguntza izango dute eta beraien ezagutza, azpiegiturak eta teknologiak jarriko dituzte enpresen esku, haien proiektu digital eta jasangarriak esperimentatzeko...

Europako  Batzordearen  Regional  Innovation  Scoreboard-ek  “berrikuntza  handiko”  herrialde  gisa  kokatu  du  Euskadi
18/07/2025 Berrikuntza

Europako Batzordearen Regional Innovation Scoreboard-ek “berrikuntza handiko” herrialde gisa kokatu du Euskadi

Euskadik Europar Batasuneko batez besteko berrikuntza-maila gainditzen du (% 108,1), eta “strong innovator” (berrikuntza handikoa) kalifikazioari eutsi dio

José  Jainaga  industrialak  Joxe  Mari  Korta  2025  saria  irabazi  du
23/06/2025 Berrikuntza

José Jainaga industrialak Joxe Mari Korta 2025 saria irabazi du

Epaimahaiak aho batez erabaki zuen 25. Joxe Mari Korta saria pertsona bakar bati ematea: José Jainaga industrialari, industria errotzearen, industria bikaintasunaren, berrikuntzaren eta kalitatezko enplegua sortzearen aldeko konpromisoagatik.

Innobasquek  2024ko  ekitaldiko  emaitzar  aurkeztu  ditu,  eta  guztiz  bat  datoz  Zientzi,  Teknologia  eta  Berrikuntzako  Euskal  Planarekin
05/06/2025 Berrikuntza

Innobasquek 2024ko ekitaldiko emaitzar aurkeztu ditu, eta guztiz bat datoz Zientzi, Teknologia eta Berrikuntzako Euskal Planarekin

Gaur egin da urteroko topaketa Getxoko Itsas Geltokian (Olatua), eta bertan bildu dira Innobasqueko entitate bazkideak –administrazioak, enpresak eta hezkuntza, gizarte, zientzia eta teknologia arloetako eragileak-, baita Agentziaren Zuzendaritzako 60 kideak ere, Euskadin berrikuntza bultzatzen duen aliantza publiko-pribatuaren goi ordezkariak guztiak

Euskadik  ikerkuntzarako  eta  berrikuntzarako  duen  giharra  erakutsiko  du  Berrikuntzaren  Euskal  Agentziaren  Batzar  Nagusiak
30/05/2025 Berrikuntza

Euskadik ikerkuntzarako eta berrikuntzarako duen giharra erakutsiko du Berrikuntzaren Euskal Agentziaren Batzar Nagusiak

Ekitaldian bilduko dira Innobasqueko entitate bazkideetako kideak ­–administrazioak, enpresak eta hezkuntza, zientzia eta teknologia arloetako eragileak- eta Agentziako zuzendaritzako kideak; Euskadin berrikuntza bultzatzen duen aliantza publiko-pribatu horretako 60 goi ordezkar

+INDUSTRY  873  enpresa  baino  gehiago  bilduko  ditu
30/05/2025 Berrikuntza

+INDUSTRY 873 enpresa baino gehiago bilduko ditu

Smart manufacturingari eskainitako Espainiako urteko topaketarik handiena,  ekainaren 3tik 5era bitarte, Bilbao Exhibition Centren ospatuko da

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.