Aiaraldea, Añana, Arabako Errioxa, Arabako Lautada, Gorbeialdea eta Gasteizko 47 enpresak jaso dute gaur enpresa berritzailearen Hazinnova akreditazioa
Hazinnova programari esker euren berrikuntza-proiektua arrakastaz ezarri duten Aiaraldea, Añana, Arabako Errioxa, Arabako Lautada, Gorbeialdea eta Gasteizko 47 enpresak enpresa berritzailearen ziurtagiria jaso dute gaur, Eusko Jaurlaritzako Ekonomiaren Garapen, Jasangarritasun eta Ingurumen Sailaren, SPRIren eta Innobasque-Berrikuntzaren Euskal Agentziaren eskutik. Ziurtagiria jaso duten enpresa horiek berrikuntza ez teknologikoko mikro-proiektuak ezarri dituzte beren erakundeetan merkatuan duten posizioa hobetzeko.
Ziurtagiri honen banaketa-ekitaldia gaur goizean egin da Arkautiko Nekazaritzako elikagaien teknologia eta berrikuntza-campuseko Neikeren instalazioetan, eta bertan izan dira Estibaliz Hernaez, Eusko Jaurlaritzako Teknologiako, Berrikuntzako eta Eraldaketa Digitaleko sailburuordea, Leire Bilbao Innobasque- Berrikuntzaren Euskal Agentziako zuzendari nagusia eta Peli Manterola, Hazi Fundazioaren zuzendaria.
Arkautiko ekitaldi hau EAEko hainbat eskualdetan egingo diren bost topaketen parte da, eta beren bitartez EAEko 321 ETEk berrikuntzaren euskal ekosisteman sartzeko egindako ahalegina aitortuko da.
Topaketa honetan, ETEen ondoan izan dira sareko tokiko agenteen ordezkariak, laguntzaile izan dituztenak berrikuntzako mikro-proiektuen ezarpen-prozesuan: Laudioko Udala, Arabako Merkataritza Ganbera, AFM, Elikadura Klusterra, Energia Klusterra, Galdaketa Klusterra, Euskadiko ekipamendu, altzari eta diseinuaren klusterra, Habic, Euskadiko Kooperatiben Konfekoop Konfederazioa, Mendinet Landa Garapenerako Elkartea eta Siderex.
Ziurtagiri hau gaur jaso duten Aiaraldea, Añana, Arabako Errioxa, Arabako Lautada, Gorbeialdea eta Gasteizko enpresa txiki eta ertainek 64 proiektu osatu dituzte Hazinnova 2022 deialdiaren bidez. Berrikuntzak produktuetan zein negozio-prozesuetan, fabrikazioan, logistikan, merkaturatzean, administrazioan edo finantzetan egin dituzte.
Aintzatespen-ekitaldiaren ondoren, berrikuntzako kasu praktikoen aurkezpena egin da. Bertan, Hazinnova 2022 programan parte hartu zuten bi enpresak beren esperientzia praktikoak eta lortutako emaitzak partekatu dituzte. Arpisa, Berantevillako enpresa, nekazaritzako elikagaien sektorekoa, eta Imegar, Laudion kokatua eta doitasun fineko galdaragintzan diharduena. Ilarrazako Garlan S. Coop enpresa traktorea izan dute lagun mahai-inguruan. Nekazaritza-kooperatiba horrek bere balio-kateko enpresa txiki eta ertainen izaera berritzailea nola baloratzen duen azaldu du.
Uztailaren 4an, beste 53 enpresak, oraingoan gipuzkoarrak, Hazinnova ziurtagiria jasoko dute Urnietan egingo den ekitaldian.
2022ko deialdian, Hazinnova programak 2.760.000 euroko aurrekontua izan du.
Hazinnova 2023 deialdia
Hazinnova 2023 deialdia zabalik dago jada eta interesa duten enpresa berriek urriaren 26ra arte eskatu ahal izango dituzte laguntzak. Programak 2,7 milioi euroko aurrekontua du esleituta urte honetarako.
Lotutako albisteak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da