Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 15 abendua, 2020 Berrikuntza Digitalizazioa I+G Fast Track Innobideak programa Industria adimenduna Smart Industry Programa

Sidenorrek aurrera pausoak eman ditu altzairuaren sektorearen digitalizazioan

Tecnalia eta MSIrekin batera, siderurgia enpresak bere industria plantak monitorizatu ditu, lantegien funtzionamendua optimizatzeko asmoarekin

Sidenor siderurgia-enpresak urrats berri bat eman du prozesuen digitalizazioan, bere instalazioak monitorizatuz eta instalazio-maila kontrolatuz, fabrikek altzairuaren sektorean duten funtzionamendua optimizatzeko xedearekin. Tecnalia zentro teknologikoarekin eta Mondragon Sistemak (MSI) enpresarekin egin dute, prozesu siderurgikoaren biki digital bat sortuz.

Biki digitalak mikroaleatutako altzairuen produktuan azaleko akatsak murriztu nahi ditu. Hobekuntza horren bidez, bigarren mailako metalurgiako, isurketa jarraituko eta beroko ijezketako azpiprozesuetan akatsak agertzearekin lotutako fabrikazio-prozesuak ondo gauzatzea bermatzen da.

Tecnaliak eta MSIk monitorizazio eta alarma online tresna bat sortu dute bigarren mailako metalurgiako eta galdaketa prozesuetarako. Halaber, optimizazio-tresnak garatu dituzte, prozesuetan eragina duten parametroen balio optimoak aztertzeko. “Tresna berri hauekin Sidenorren fabrikatzeko azpiprozesu bakoitzaren errendimendua hobetzea lortu dugu”, adierazi dute Basaurin egoitza duen enpresatik.

Monitorizazio-proiektu hori COCOP proiektu europarraren esparruan gauzatu da, Horizon 2020 laguntza-programaren barruan.

Etorkizunari begira, Sidenorrek lantegi adimendun batean jarraituko du lanean, konektibitatea eta 5Ga oinarri hartuta. Gainera, datuen biltegiratzea eta prozesua merkatzeak aukera emango dio hainbat arlotan aurrera egiten jarraitzeko, hala nola trazabilitatean, prozesuen automatizazioan eta datuen tratamenduan.

SPRI Taldearen helburuetako bat euskal enpresak digitalizatzea da, big data, machine learning, adimen artifiziala eta marketing digitala bezalako tresnak, zerbitzuekin, laguntzekin eta hemen zehazten diren aktiboekin sustatuz.

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak