Euskal enpresaren blog-a Zure enpresarentzat garrantzitsua den eguneroko informazioa
8 urtarrila, 2020

Giza baliabide berriak 4. iraultza industrialean

Munduko Ekonomi Foroak enpresentzako giltzarriak bildu ditu txosten batean

Teknologia berriak, baina baita ere aldaketa demografiko eta sozialak, eraldaketa sakon bat eragiten ari dira sektore industrial guztietako enpresetan. Digitalizazioak eta automatizazioak eurekin dakartzate negozio-eredu berrien sorrera, zereginak ordezkatzea eta zeregin berriak sortzea. Profil profesionalak, lanak eta lan egiteko moduak ere aldatu egin dira, eredu desberdin eta malguagoak baliatu baitaitezke langile bakoitzaren premien arabera.

 

Etorkizun horrek erronka handiak dakartza enpresetako giza baliabideen arloan. Hala, Munduko Ekonomi Foroak argitara atera du Shaping People Strategies in the Fourth Industrial Revolution liburu zuria, hainbat giltzarri emateko. Azterlanak sei estrategia aipatzen ditu, antolakundeek inplementatu beharko dituztenak aldaketetara egokitu eta beren potentzialari ahalik eta probetxu gehien ateratzeko. Txostenak dioenez, Giza Baliabideen sailak eraldaketa betean daude eta beren funtzioak birpentsatu behar dituzte.

 

Lehen giltzarriak dio lidergo mota berri bat garatu behar dela, gai izango dena teknologia egokiak bereganatzeko eta automatizazioaren aukerak eta arriskuak identifikatzeko. Txostenaren arabera, teknologia berriak txertatzeko orduan lidergo egokirik ez izatea oztopo handia da enpresen erdia baino gehiagorentzat, eta baita ere dio Giza Baliabideetako arduradunen % 36k bakarrik ulertzen duela nola ari diren lana aldatzen teknologiak.

 

Horrekin batera, garrantzitsua da teknologiak lan-espazioan integratzeko prozesua kudeatzea. Etengabe aldatzen ari dira pertsonek egiten dituzten atazak eta funtsezkoa da konbinazio egoki bat lortzea giza baliabideen eta makinen artean. Txostenaren arabera, horretan lagundu beharko dute zuzendaritzak eta Giza Baliabideen sailak.

 

Bestalde, enpresek arreta berezia eskaini beharko diete langileen asebetetze eta konpromiso mailei. Automatizazioak eta digitalizazioak eragina izango dute langileek euren lanarekiko dituzten sentimenduetan, eta elementu hori ere garrantzitsua da enpresak arrakasta izan dezan. Zentzu horretan, laneko esperientzia hobetu nahi bada, nahitaez eskaini beharko dira aukera profesionalak, balore etikoak eta produktibitatea erraztuko duen ingurune bat.

 

Liburu zuriak beste giltzarri bat ere azpimarratzen du: etengabeko ikaskuntza pertsonalizatua sustatu behar da antolakunde osoan, eta modua eskaini behar da enpresako kapital humanoa eta emaitzetan duen inpaktua neurtzeko. Azkenik, orobat garrantzitsua da aniztasuna eta gizarteratzea sustatzea langileen artean. Txostenak dioen bezala, kultura inklusiboa duten enpresek bi bider aukera gehiago dituzte finantza arloan ezarritako helburuetara iristeko, 6 bider gehiago berritzaile izateko eta 8 bider gehiago enpresaren emaitzak hobetzeko.

Jaso y Tecnalia convierten grúas industriales en robots
Basque Industry 4.0 31 martxoa, 2020
Garabi industrialak robot bihurtu dituzte Jasok eta Tecnaliak

Garapen berriak aukera ugari ematen ditu eskuzko prozesuak eta doitasun-prozesuak automatizatzeko,...Leer más

Basque Industry 4.0 30 martxoa, 2020
CFO Data Analytics, adimen areagotua finantza arloko erabaki onenak hartzeko

  Lanit aholkularitzak merkaturatu duen datuen analisirako aplikazioa integragarria da ERP...Leer más

Datuak atzeman eta analizatzea prozesuak hobetzeko

  Nutec Procal konpainiak IoT, datuen analitika eta adimen artifiziala konbinatzen dituen...Leer más

Basque Industry 4.0 29 martxoa, 2020
Robotikaren aplikazio malguak – 4.0 konponbideak

Artikulu honetan, BDIHek eskaintzen dituen 4.0 soluzioak aurkezten ditugu, robotika-nodoko kideen...Leer más

Basque Industry 4.0 27 martxoa, 2020
Roboten bidezko kalitate-kontrola – 4.0 konponbideak

Gure "4.0 konponbideak" serieko artikulu honetan aurkeztutako robotek piezen kalitatea...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?