Gestampek eraldaketa digitalari buruzko adituak trebatuko ditu

Multinazionalak ikastaro bat prestatu du MBIT School-ekin batera, euskal industriaren erronka berriak ezagutu eta horietara egokitutako profilak sortzeko asmoz

Gestamp automobilgintzaren arloko enpresa liderrak eta MBIT School Big Datan eta Adimen Artifizialean Espezializatutako Eskola Teknikoak esperientziak eta ezaguerak bildu dituzte “SMART FACTORY ETA INDUSTRIARI APLIKATUTAKO ERALDAKETA DIGITALARI BURUZKO ADITUA” deritzon profil profesionala sortuko duen ikastaroa diseinatu eta abian jartzeko.

Ikastaroak ikuspuntu praktikoa izango du eta Gestampek Boroan dituen instalazioetan egingo da, tailerretan oinarritutako metodologiaren bitartez, honako gai hauek jorratzeko, besteak beste: Datuen Zientzia, (Data Science), 4.0 Industria, IoT (Internet of Things) eta Big Dataren arteko interrelazioa, Industria arloko proiektuen kudeaketa, Datuen biltegiraketa, ustiapena eta tratamendua, Machine Learning delakoa eta 4.0 Industriarekin lotutako bestelako gaiak.

Zuzendaritza akademikoaz eta proiektua koordinatzeaz arduratuko da Ramón Carrasco, Data Science edo Data Mining arloetan espezializatutako banku sektoreko taldeen buru 24 urtetik gorako esperientzia duen profesionala.

Ikastaroa, industriarik puntakoenetan gertatzen ari diren berrikuntzak eta euskal industria-sarea horiek guztiak nola jasotzen ari diren ezagutu nahi dituzten profesionalen parte-hartzea errazteko diseinatuta dago. 120 orduko iraupenarekin, ostiral arratsaldez eta larunbat goizez emango da 2020ko urtarriletik martxora bitartea. Espezializazio hau industria sektorean esperientzia duen Ingeniaritza arloko kolektiboari zuzenduta dago, nagusiki, haien erakundeetan eraldaketa digitalerako prozesua zehazteko modua izan dezaten.

Ikastaro hau aurkezteko ekitaldia azaroaren 28an izango da, 18:00etan, Gestampek Boroan dituen instalazioetan. Mesedez, egiaztatu etorriko ote zareten helbide honetan: expertosmartfactory@gestamp.com.

Informazio gehiago:

https://www.gestamp.com/Personas/Universidad-Corporativa/Transferencia-de-conocimiento/Curso-Experto-Smart-Factory

Lotutako albisteak

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

5 apirila, 2024 Digitalizazioa

Zure enpresa industria adimendun bilakatzen laguntzen dizu Smart Industry programak

Irakurri gehiago

5 apirila, 2024 Digitalizazioa

Egin ezazu prestakuntza-plana zure enpresan Gaitasun Digitalen programarekin

Irakurri gehiago

Joan blog-era