Fabrikazio gehigarriaren etorkizuneko erronka eta aukerak

14 otsaila, 2018

 

Jardunaldi batean azalduko dira zeintzuk diren 3D inprimaketaren joera berriak esparru industrialean

Fabrikazio gehigarriak iraultza ekarri du sektore askotara, batik bat, industriara. 3D inprimaketari lotutako teknologien bidez posible da azkar diseinatu eta prototipatzea, material berriekin esperimentatzea eta prozesuak optimizatzea, kostuak nabarmen gutxituz. Halere, teknologia berritzaile bat da eta behar adinako heldutasun-mailara iritsi behar du bere potentzial guztia erdiesteko.

 

Fabrikazio gehigarriaren oraina eta etorkizuna esploratzeko asmoz, datorren martxoaren 7an, SPRI Taldeak Fabrikazio gehigarria: abantailez jabetu eta zure enpresa eduki dezakeen eragina – Basque Industry 4.0 jardunaldia antolatu du, Miramon Enpresa Digitalaren eta Gipuzkoako Ganberaren bitartez. Jardunaldi horretan hizpide hartuko dira fabrikazio gehigarriaren giltzarriak eta sektore industrial desberdinetan duen aplikazioa. Jardunaldian parte hartuko dute ikerketako, ingeniaritza industrialeko eta berrikuntza-aholkularitzako bederatzi hizlarik eta fabrikazio gehigarrian diharduten enpresak.

 

Jardunaldian sarrera bat eskainiko da 3D inprimatze teknologiei buruz eta hizpide hartuko dira nolako aukera eta erronkak dakartzan fabrikazio gehigarriak industriaren digitalizazioarentzat eta zeintzuk diren fabrikazio gehigarriaren sektoreko aurreikuspenak Estatu mailan. Hona hemen aztertuko diren beste gai batzuk: hainbat material erabiliz fabrikatutako piezak industriaren aplikaziorako eta 3D inprimaketak ekarri duen berrikuntza osasunaren sektorera. Jardunaldia doakoa da eta Gipuzkoako Zientzia eta Teknologia Parkean egingo da.