Digital Twin, edozein prozesu industrial erreproduzitzen duen erreplika birtuala

SPRI Taldeak “Biki Digitalak: mundu fisiko eta birtualaren arteko elkargunea” izeneko jardunaldia antolatu du.

Digital twins edo biki digitalak 4.0 Industriaren arloko joera garrantzitsuenetako bat dira, aukera ematen dutelako prozesuak optimizatzeko, mantenimendu prediktiboa hobetzeko eta negozio-ildo berriak bultzatzeko. Kontzeptu horrek erreferentzia egiten dio ingurune errealetik erauzitako datuekin eraikitako software bati, zeinak enpresako zerbitzu, produktu edo prozesu baten kopia birtual bezala funtzionatzen baitu.

Teknologia honek konta ezin ahala abantaila izan ditzake, aukera eskaintzen duelako egoerak esperimentatu eta aurreikusteko ingurune seguru batean. Enpresak posible du bere plangintza inplementatzea biki digitalean, horrela jakiteko zeintzuk izango diren emaitzak benetan aplikatu baino lehen, edo posible du baita ere simulazioak egitea aldagai desberdinak aplikatuz prozesuak optimizatzeko.   Orain arte enpresa handiek bakarrik baliatu zitzaketen horrelako teknologiak, baina pixkanaka, softwarea ETEetaraino ere iritsi da konponbide merkeagoen bitartez.

Digital twin horien potentziala ezagutzera emateko, datorren otsailaren 27an Biki Digitalak: mundu fisikoaren eta birtualaren arteko elkargunea izeneko topaketa egingo da Donostian. SPRI Taldeak antolatu du jardunaldi hori, Miramon Enpresa Digitalaren bitartez eta Gipuzkoako Merkataritza Ganberaren eta Foru Aldundiaren laguntzarekin. Ekimena GipuzkoaTic topaketen barruan kokatzen da.

Biki digitalen teknologian oinarritutako proiektuak garatzen ari diren enpresek parte hartuko dute ekitaldian. Horietako bat da industriarako digitalizazio konponbideetan espezializatutako Semantic Systems konpainia, eta orobat parte hartuko dute Oretek eta Immersia startup gipuzkoarrek, biak hala biak simulazio teknologien eta digital twin direlakoen arlokoak. Jardunaldian, enpresa horietako arduradunek hizpide hartuko dituzte teknologia hauen potentziala eta erronkak, eta benetako aplikazioen adibideak emango dituzte. Topaketan baita ere aurkeztuko dira Siemens multinazionalak, Vicomtech teknologi zentroak eta Tecnaliak garatutako proiektuak.

Gipuzkoako Zientzia eta Teknologi Parkeko Eraikin Zentralean izango da jardunaldia. Sarrera dohainik da eta izena emateko epea zabalik dago ekitaldiaren web orrian.

Lotutako albisteak

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

5 apirila, 2024 Digitalizazioa

Zure enpresa industria adimendun bilakatzen laguntzen dizu Smart Industry programak

Irakurri gehiago

5 apirila, 2024 Digitalizazioa

Egin ezazu prestakuntza-plana zure enpresan Gaitasun Digitalen programarekin

Irakurri gehiago

Joan blog-era