Euskal enpresaren blog-a Zure enpresarentzat garrantzitsua den eguneroko informazioa

6 apirila, 2021
Cibcom Technologies enpresak Elektra Taldearen IoT 4.0 industriarako laborategi baten sare-azpiegitura diseinatu du

Enpresak industria-esparruan aplikagarriak diren teknologia berriak ikertzen jarraitzearen eta IT ingurunearekin integratzearen aldeko apustua egiten du, prozesuak digitalizatzeko orduan bezeroengan balioa sortzen jarraitzeko
Cibcom
cof

Bi urte eskaseko esperientziarekin, Cibcom Technologies enpresa donostiarrak IoT sarearen azpiegitura diseinatu du Elektra taldearentzat. 4.0 Industriarako sare hori ‘Lifeevolution’ showroomean datza. Proiektu horretan, industria-planta baten ingurune oso bat simulatzen da, bere eremu segmentatuekin: OT planta, IT bulegoa, DMZ, IP bikoiztuen itzulpena (NAT) eta gailuak eta komunikazioak aurkitu eta monitorizatu.

Urrutiko sarbide ‘sekurizatuak’ ditu, DeviceWISE eta WiFi industrialak dituzten instalazioko datuetarako sarbidea eta 4G sarbidea, besteak beste, dena industria-ingurunean ezartzen den araudiaren arabera (IEC 62443). Proiektua Elektra Taldeko Digital Industry departamentuarekin lankidetzan egin da. Cibcom Technologies lankidetza estuan ari da sail horrekin, jarduera hasi zenetik.

Enpresa 2019an sortu zen, beste industria-enpresa batzuei digitalizazio-proiektuetan laguntzeko helburuarekin. Sortu zenetik, bezeroei IT/OT sareak segmentatzeko eta ‘sekurizatzeko’ proiektuak definitzen, kontzientziatzen, prestatzen eta gauzatzen laguntzeko helburua izan du. “Horretan lan egiten jarraitzen dugu”, dio Gorka Alcorta Komunikazio Industrialen aholkulariak, “negozio aukera askorekin, izan ere, enpresa askoren mentalitatea aldatu da. Hemen, diru-laguntza publikoek oso garrantzi handia dute, hala nola Eusko Jaurlaritzaren zibersegurtasun industrialarenak, SPRI taldearen bidez. Espero dugu arlo horretan enpresen inbertsioa bultzatzea”.

Cibcom Technologiesek industria-sektorean lan egiten du, “OT eta IT komunikazioak modu seguruan integratzearekin zerikusia duen guztiarekin, eta instalazio-datuetarako sarbidea errazteko proiektuetan, ondoren tratatzeko”, Alcortak adierazi duenez. Horretarako, enpresak lehentasunezko hiru foku ditu: alde batetik, konektibitate fisikoa eta zibersegurtasun industrialeko jardunbide egokiei dagokien guztia. “Siemens Industrial Strength Networks enpresaren partner ziurtagiria dugu. Haren eskutik, IT/OT sareen eta instalazioetarako urruneko sarbide seguruen segmentazioari, kudeaketari eta diagnostikoari buruzko soluzioak ematen ditugu”.

Bestalde, enpresak ikuspegi logikoko konektibitate-soluzioak eskaintzen ditu. “Dena denarekin konektatzeak lantegiko ekipoen arteko elkarreragingarritasun arazoak konpontzera behartzen gaitu. Horretarako, Telit-eko IIOT Devicewise plataformaren partner gara. Plataforma horrek soluzio paregabea eskaintzen digu datuak integratzeko horrelako proiektuetan sor dakigukeen edozein eskaerari erantzuteko”.

Azkenik, uste dute plantan “nahitaezkoa” dela plantan ‘disaster recovery’ plan bat izatea, eta, horretarako, plantarako bertsioak eta backupak kudeatzeko soluzio bat proposatzen dute (VersionDog de Auvesy), kontrol-taldeen proiektuen bertsioen kudeaketa eta trazabilitatea hobetzen laguntzeko. Horrela, kudeaketa-denborak hobetu eta edozein IT/OT sistema lehenbailehen berreskuratzen dela bermatuz.

Elektra Taldearekin egindako proiektuaz gain, Cibcom Technologies industriaren digitalizazioaren eta IEC 62443ra egokitzearen inguruko beste proiektu batzuk garatzen ari d, bai eta industriarako zerbitzuen hornitzaile, integratzaile eta erakunde publiko-pribatuei prestakuntza ematea ere.

Enpresaren etorkizuneko plana “industria-inguruneari eta IT ingurunearekin integratzeari aplikagarri zaizkion teknologia berriak ikertzen jarraitzea” da, Alcortak dioenez, eta horri esker, “Gure bezeroengan balioa sortzen jarraituko dute, haien prozesuen digitalizazioan funtsezko laguntzaile gisa ikus gaitzaten”.

4.0 industria, teknologia adimendunak eta material aurreratuak inplementatuz, SPRI Taldearen lehentasunetako bat da, eta hori lortzeko SPRIren aldetik lotura teknologiko bat bezala jarduten dugu, euskal enpresek 4.0 soluzioak eskura ditzaten, hala nola laguntzak eta prozesu osoan zehar arlo horretako profesionalen laguntza. Informazio gehiago hemen.

 

Biele
Basque Industry 4.0 16 apirila, 2021
Ikeako altzariak Biele Group-en sinadurarekin

Biele Group bi ingeniariren ekintzailetzatik sortu zen. Julián Lazkanok eta Tomás Letamendiak...Leer más

Basque Industry 4.0 15 apirila, 2021
ZTBP Euskadi Plana. Euskadi 2030 estrategia

“Zientzia, Teknologia eta Berrikuntzako Plana, Euskadi 2030” (ZTBP Euskadi 2030) plana zuzenean...Leer más

Karlos Korta, gerente (derecha), y Diego Román, director técnico de Berritek
Basque Industry 4.0 12 apirila, 2021
Berritek: “PLC-a ezinbesteko tresna da 4.0 industrian”

Juniper Research aholkularitza-enpresak egindako ikerketa baten arabera, 2025ean IoT industrialaren...Leer más

2025era arteko Euskadiko zibersegurtasun plan estrategikoak sektoreko enpresa-ehuna dinamizatu nahi du

Zibersegurtasuneko Euskal Zentroak (BCSC) 2025. urtera arteko plan estrategiko bat egin du,...Leer más

Basque Industry 4.0 9 apirila, 2021
Bere egokitzeko gaitasunari esker Herrekor indartuta aterako da pandemiatik

Herrekor ingeniaritza-enpresa familiarrak Gipuzkoako Astigarragan du egoitza 1978tik. Urte hartan...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?