Euskal enpresaren blog-a Zure enpresarentzat garrantzitsua den eguneroko informazioa

21 martxoa, 2018
“IoT (Gauzen Interneta) ez da iraultza teknologiko bat, baizik eta negozioaren iraultza ahalbidetuko duen teknologia bat”

Stephen Kaufman Bind 4.0 startup azeleragailuko nazioarteko tutoreetako bat da eta Microsoft enpresaren izenean parte hartzen du

Microsoft enpresako Global Senior Solution Architect Stephen Kaufmanek hitzaldi batean azaldu du nola garatu den Gauzen Interneta (IoT) proiektu industrialetan, eta gogoeta egin du teknologia horrek berekin dakarren iraultzari eta negozio-aukera berriei buruz. Teknologiak dira merkatua zabaltzeko oinarria.

SPRI Taldeak gonbidaturik Bind 4.0 startup-azeleragailuaren bitartez, Stephen Kaufman-ek jardunaldira bertaratutako guztiei azaldu die nola ikusten duen gailu konektatuen bidez gertatzen ari den prozesu hori. Gailu konektatuak 2010ean hasi ziren ugaritzen, eta aurreikuspenen arabera, 2022an hamalau mila milioi unitateraino iritsiko dira.

Kaufman-ek azaldu duenez, negozioaren iraultza hori hiru ardatzetan ari da garatzen. Lehenak zerikusia du enpresarekin eta antolakuntzarekin: antolakundeak filosofia digitala barneratu behar du, eta filosofia horrek sail guztiak inplikatu eta konprometitu behar ditu. Bigarrena da “negozioa berriro imajinatzea”, hau da, lan egiteko modua aldatzea, ase ezin izan ditugun bezeroaren beharrizanak detektatzea eta testuinguru berri honetan erantzun bat ematea beharrizan horiei. Eta hirugarrena “konektagarritasuna” da. Den-denok gaude konektatuta, eta beraz, berriro definitu beharko dira prozesuak.

IoT gailuek ematen dizkiguten datuak, datu horien fluxua eta prozesuaren hasieratik amaierara izan behar duten tratamendua ez dira linealak, baizik eta etengabeko ikaskuntzan oinarritutako bukle bat. Prozesuko urrats bakoitzean negozio-aukera berriak sortzen dira, orain arte ezagutu ere egiten ez genituenak. Kaufman-ek aurreratu duenez, IoTk %28 hobetuko du enpresen eraginkortasuna.

Eraldaketa hori eman dadin, mentalitate-aldaketa bat behar da eta aldaketa horrek eragina izango du pertsonengan, produktuetan eta zerbitzuetan. Eta baliteke enpresa txikiak besteak baino azkarragoak izatea IoT merkatura iristeko eta bertan posizionatzeko lasterketa horretan. Gailu konektatuen eta beren prozesuen testuinguru berrian, askotan hutsetik hasi beharra dago, eta enpresa handien egitura hain da handia, ezen asko kostatzen baitzaie mugitzea, bai kulturalki eta bai gastuari dagokionean.

Hizlariak azpimarratu du emaitza onenak lortzeko funtsezkoa dela prozesuaren arkitektura: ondo zehaztea datu-sarrerako gailu sortaren ezaugarriak, ondo erabakitzea nola iritsi datuetara, eta tratamendu bat aukeratzea ikaskuntza optimizatuko duena eta konponbide prediktiboak bere baitan izango dituena.  Hori guztia egin behar da erabaki onenak hartzeko.

Hitzaldia bukatzeko, mezu bat helarazi die bertaratuei: “call for action”. Hau da, ekintzara igaro beharra dago. Datuek eta datuen tratamenduak emango digute etorkizuneko konponbideak sortzeko behar dugun ikasteko gaitasuna.

Stephen Kaufman Bind 4.0 startup azeleragailuko nazioarteko tutoreetako bat da eta Microsoft enpresaren izenean parte hartzen du.  Euskadira eginiko bisitaren helburuetako bat izan da bilera bat egitea Bind 4.0 programaren aurtengo edizioko parte-hartzaileekin, hala trakzio-enpresekin nola startupekin, eta atzo bertan egin zen bilera hori.

 

Basque Industry 4.0 30 uztaila, 2020
SPRI taldeak lideratutako adituen nazioarteko taldeak aztergai du nola eragin dion osasun-krisiak emakumeen egoerari industrian

11 herrialdetako 17 adituk, SPRI Taldeak lideraturik bere Ekimen Estrategikoetako arduradun...Leer más

First Lego League España
Basque Industry 4.0 28 uztaila, 2020
Bi euskal talderen berrikuntza eta ekintzailetza saritua izan da First Lego League España lehiaketan

Euskadi punta-puntako eskualdea da berrikuntzaren sektorean, eta  etorkizunari...Leer más

Autoescuela Tawity
Errealitate birtualeko eskolekin eta ibilgailu elektrikoekin, autoeskolen etorkizuna Euskadira heldu da

Tawity izeneko start-upak errealitate birtualeko teknologia eta ikuspegi ekologikoa batu ditu...Leer más

Basque Industry 4.0 27 uztaila, 2020
171 euskal enpresak 1,3 milioi euroko laguntzak jasoko dituzte zibersegurtasun industriala bultzatzeko

  SPRI Taldeak kudeatutako programa honen hirugarren edizioak 3,3 milioi euroko inbertsioa...Leer más

Mondragon Unibertsitatea y Open Cloud Factory impulsan un nuevo laboratorio de Industria 4.0, abierto a empresas

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?