Aireportuak ez ixteko helburuarekin dronen aurkako teknologia txertatu du Ikusik

ART enpresarekin batera, 3D radarretan oinarritutako sistema bat garatu du, lurreratze-pisten ondoan mehatxuak garaiz detektatzeko eta atzemateko helburuarekin.

Lurreratzeko pista baten ondoan dron soil bat egoteak aireportu oso bat ixtea ekar dezake, eta erabiltzaileei arazo handiak eragiten dizkie.

Horrelako arazoak oraintsu gertatu dira. Ikusi, Velatia taldeko enpresa, akordio batera iritsi da ART konpainiarekin, era horretako azpiegitura kritikoak hainbat mehatxuren aurka babesteko aukera ematen duten segurtasun-irtenbide integratuak eskaintzeko; besteak beste, dronen bidezko intrusioak edo erasoak.

Ikusik, negozioen eraldaketa digitalerako integrazio eta ingeniaritza-zerbitzuen konpainiak, 40 urte baino gehiagoko esperientzia du. 500 milioi bidaiari baino gehiagori zerbitzua ematen dieten 30 herrialdetako 140 aireportutan baino gehiagotan egin ditu proiektuak.

Bere teknologia radarretan espezializatuta dagoen Advanced Radar Technologies (ART) enpresarenarekin batuko du orain. ART 3D radarretan aditua da, egungo eta etorkizuneko aireko mehatxuen detekzio, jarraipen, sailkapen eta atzeman egiteko lanak jorratzen dituen teknologia. Aparatuak jadanik inguru irekietan probatuta daude, eta gaur egun martxan daude Europako, Hego Amerikako eta Ekialde Ertaineko hainbat herrialdetan.

Aliantza honekin, bi enpresek aireportuen eskura jartzen dute airean dauden mehatxu desberdinak goiz detektatzeko, sailkatzeko eta atzemateko tresna. Helburua da hedatzea horrelako ingurune konplexuek behar dituzten zaintza-sistema integratuak –bere barne teknologia desberdinak dituztenak-.

Lotutako albisteak

23 apirila, 2024 Digitalizazioa

SPRIk Hannover Messe 2024 azokan dauden Euskadiko enpresei lagunduko die

Irakurri gehiago

18 apirila, 2024 Digitalizazioa

Hobycasa, aurrez fabrikatutako egurrezko etxeen arloan liderra den Gasteizko enpresa

Irakurri gehiago

12 apirila, 2024 Digitalizazioa

Lau ekintzailek plataforma bat sortu dute 4.0. Industriako proiektuak online kudeatzeko

Irakurri gehiago

12 apirila, 2024 Digitalizazioa

ScrapAdek hondakinen salerosketa-prozesua errazten die mundu osoko enpresei

Irakurri gehiago

5 apirila, 2024 Digitalizazioa

Zure enpresa industria adimendun bilakatzen laguntzen dizu Smart Industry programak

Irakurri gehiago

Joan blog-era