Sprilurrek eta Ihobek Euskadiko Lurzoru Estrategia partekatuko dute Bartzelonako Advanced Factories nazioarteko foroan
Datorren apirilaren 11n, Sprilur eta Ihobe, sozietate publikoek Eusko Jaurlaritzako Ekonomiaren Garapen, Jasangarritasun eta Ingurumen Sailaren mendekoek, parte hartuko dute Espainiako nazioarteko foro garrantzitsuenetako batean –Advanced factories– Bartzelonako Industria 4.0-ri buruz.
Topaketa horren barruan, Industrialdeen Kudeatzaileen Kongresu Nazionalaren beste edizio bat egingo da, nazioko eta nazioarteko industria- eta ekonomia-sektoreetako ordezkariak bilduko dituena. Leku horretan bertan, bi sozietate publikoek, alde batetik, Euskadiko enpresa-poligonoen egungo paradigmari helduko diote eta, bestetik, erabiltzen ez diren lurzoruak eta aktiboak berroneratzeko erronkei eta aukerei.
Bai Ihobek eta bai Sprilurrek 40 urte bete dituzte beren jarduera-esparruetan, bai ingurumen-kudeaketaren arloan, bai enpresa-ekonomiaren arloan. Bi erakundeen arteko lankidetza eta lotura garrantzitsuak izan dira azken urteotan proiektuak eta obrak lortzeko eta lurzoruaren babes globalean eragin zuzena izango duten neurriak aplikatzeko. Euskadiko lurzoruaren estrategia erronka- eta aukera-ikuspegiarekin planteatzen da; izan ere, lurzoru kutsatuen kudeaketan ingurumenaren aldetik jasangarriak diren neurriak aplikatzeak eta eremu degradatuak berroneratzeak erabilera berriak garatzea eta berroneratutako lurzorua kudeatzea ahalbidetuko du, neurri handi batean jarduera ekonomikorako espazioetara bideratua.
Sprilur enpresaren aldetik, Iker Bergaretxe industria-lurzorua kudeatzeko sozietateko zuzendariordea erabiltzen ez diren lurzoruak eta aktiboak berroneratzeari buruz arituko da, baliabide mugatua eta baliotsua baita Euskadin. Bestalde, inplikatutako sektore eta erakunde publiko eta pribatuen arteko koordinazioa eta lankidetza erronka gisa eta hirigintza-kudeaketan eta enpresa-garapeneko proiektu eta obren izapidetzean dauden oztopoei aurre egiteko soluzio gisa planteatzen dira. Bergaretxek gaur egun berroneratze-fasean dauden industrialdeak kudeatzeko prozesuaren adibide praktikoak aurkeztuko ditu, bai eta Lehentasunezko Jarduerarako Eremuetan kutsatutako lurzoruak konpontzeko prozesuaren adibideak ere, Eskualdeko Proiektu Estrategikoak deiturikoak (Aiaraldea-Ezkerraldea/Meatzaldea-Enkarterri eta Oarsoaldea).
Bestalde, Ana Alzolak, Ihobeko, hau da, Euskadiko Ingurumen Jarduketarako Sozietate Publikoko Lurzorua Babesteko Estrategiaren arduradunak, lurzoruaren kudeaketaren ikuspegia aurkeztuko du, ingurumenaren eta jasangarritasunaren ikuspegitik, lurzoruen deskontaminazioari aplikatutako prozedura eta teknologia hedatuenak, lurzoruaren eraldaketa jasangarria errazteko politikak eta tresnak eta abar nabarmenduz.
Kongresurako aurreikusitako gaiak
Gainera, Kongresuak, edizio honetan, enpresa-poligonoen kudeaketatik eratorritako gaiak jorratuko ditu, hala nola hazkunde eta garapen ekonomikoa sustatzeko helburua duen hirigintza-plangintza adimenduna, “Q” Kalitateko enpresa-poligonoak. Sprilur Taldeak horietako 5 poligono ditu, besteak beste, Europako kalitatearen, hondakinen kudeaketaren, digitalizazioaren eta konektibitatearen, eta poligonoen kudeaketa partekatuaren eta mankomunatuaren aintzatespenarekin.
Ihobek eta Sprilurrek ez ezik, honako erakunde eta enpresa hauek ere hartuko dute parte: Bartzelonako Diputazioak, Bartzelonako metropoli-area-AMBk, Espainiako Enpresa Poligonoen Koordinatzailea-CEPEk, Asturiasko Industrialdeen Federazioak, Acció-Berrikuntza Agentziak, Asima-Mallorcako Industrialen Elkarteak, Asegra-Granadako enpresaburuen elkarteak, Extremadura Avante etab.
Lotutako albisteak
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu