Euskal enpresaren blog-a Zure enpresarentzat garrantzitsua den eguneroko informazioa

14 Marzo, 2018
Sprilur-ek Gasteizko Azucarera Eraikineko espazioaren erdia merkaturatzea lortu du 3 urtean

Sprilur-ek, SPRI Taldearen barrukoa eta Ekonomi Garapen eta Azpiegitura Sailaren menpekoa, Gasteizko Azucarera eraikinean eskaintzen diren bulegoen %47 okupatzea lortuko du 2018ko lehen hiruhilekoan, esan nahi baita hiru urteko epean azalera horren erdia merkaturatzea lortu duela.
Azucarera eraikinaren kanpoko ikuspegia. Ali Gobeo (Vitoria-Gasteiz)
  • Gaur egun 12 enpresa daude kokatuta Arabako eraikin berezi horretan, eta 200 langile inguru enplegatzen dituzte.
  • Jarduera hauek ostatatzen ditu gehienbat: aholkularitza informatikoa eta telekomunikazio nahiz informazio teknologia zerbitzuen kudeaketa, energia eraginkortasuna prozesu industrialetan, sistema fotovoltaikoen eta automazio sistemen ingeniaritza, etxetresna txikien fabrikazioa eta enpresari gazteen elkarte bat.
  • Sprilur-ek 1999an bukatu zituen eraikin horren zaharberritze-lanak, eta 2000. urtean ondare industrial eta Euskadiko Kultur Ondare izendatu zen.

 

Sprilur-ek (Euskadiko enpresa-guneen kudeaketa eta sustapenerako sozietate publikoa, SPRI Taldearen barrukoa eta Ekonomi Garapen eta Azpiegitura Sailaren menpekoa) Gasteizko Azucarera eraikinean (Ali Gobeo industrialdea, Huetos etorbidea, 75) eskaintzen diren bulegoen %47 okupatzea lortuko du 2018ko lehen hiruhilekoan, esan nahi baita hiru urteko epean azalera horren erdia merkaturatzea lortu duela.

 

Hala, 2015ean Sprilur-ek enpresen eskura jarri zituen 100 m²ko eta hortik gorako 40 bulego, alokairu sinplearen formula erabiliz. Berriki beste bi bulego esleitu ondoren, dagoeneko 12 enpresa daude kokatuta Arabako eraikin berezi horretan, denen artean 200 langile inguru enplegatzen dituztelarik.

 

Une honetan mota askotako jarduerak egiten dituzten enpresak daude bulego horietan (2.449 m²), esaterako,  automozio eta energia berriztagarrietako ingeniaritzak, prozesu industrialetarako energia eraginkortasuneko sistemak, telekomunikazio eta informazioko teknologia zerbitzuak, etxetresna txikien fabrikatzaileak, aholkularitza estrategiko bat eta enpresari gazteen elkarte bat.

 

Bestalde, Azucarerako bulego-azalera osotik (5.098 m²), oraindik libre daude 100 m²ko eta hortik gorako 23 lokal.  Nola gertu dagoen Gasteizko hirigunetik, Mercedes Benz España automozio sektoreko multinazionaletik eta balio erantsi handi eta ertaineko beste enpresa batzuetatik, Azucarera eraikina zinez kokaleku estrategikoan dago bertan egoitza hartu nahi duen edozein ekimenentzat.

 

Azucarera eraikina Gasteizko Ali Gobeo industrialdean dago eta 9.911 m²ko azalera du, 113 plaza finkoko aparkaleku pribatua, lorategiak eta errepide propioak. Bulegoek, lokal modularrek eta ekitaldi publiko-pribatuetarako espazioek behar dituzten azpiegitura-zerbitzu guztiak ditu.

 

Azucarera eraikina euskal ondare industriala da, Sprilur-ek 1999an eraberritu zuen eta 2000. urtean Euskadiko Kultur Ondare izendatu zen. Zehazki, 2012an “100 elementos del Patrimonio Industrial en España” erakusketa ostatatu zuen, eta 2017an, Deportivo Alavés futbol taldeak eta Baskonia saskibaloi taldeak Azucarera eraikinean aurkeztu zizkieten beren ekipamenduak zaletu eta ikusleei.

 

Azucarera eraikinean instalatutako enpresak (Ali Gobeo industrialdea. Gasteiz)

 

ARGOLABE. Aeronautika eta energia berriztagarrien sektoreetarako ingeniaritza (aerosorgailu txikiak). http://www.argolabe.es/

AJEBASK. Arabako Enpresari Gazteen Elkarteko enpresa-haztegia.

CEGASA. Baterien eta energia biltegiratzeko gailu berrien fabrikazioa. http://cegasa.es/es/

GUESA. EDPrentzako gas instalazioak. http://cegasa.es/es/

IBERMÁTICA. Informatikako zerbitzuak. http://ibermatica.com/

IRUBERRI TECHNOLOGIES. Ingeniaritza eta makinen diseinua.

MERKATU. Teknologia berriei buruzko aholkularitza (web orriak). https://www.merkatu.com/

NEXTEL. Informatikako zerbitzuak. http://www.nextel.es/

OPTIMITIVE. Instalazio handietan energia optimizatzeko eta garapen sostengarria lortzeko sistemak, teknologia adimenduna erabiliz. http://www.optimitive.com/es/

SGAR. Automozio sektorerako ingeniaritza. http://sgarsl.net/

SOLAC. Taurus Taldeko etxetresna txikien fabrikazioa.

STANSOL. Sistema fotovoltaikoentzako metalezko egiturak. http://www.stansolgroup.com/

SCHWEPPES. Edari eta freskagarrien fabrikazio eta banaketa.  https://www.schweppessuntory.es/

Azpiegiturak 30 Azaroa, 2021
SPRI Taldeak Euskararen Nazioarteko Egunarekin bat egin du

Abenduaren 3an egingo den Euskararen Nazioarteko Egunarekin bat egin du SPRI Taldeak, erakunde...Irakurri gehiago

Eibarko Azitain Industrialdeak 7 modulu ditu eskualdeko proiektu ekintzaileentzat

Azitaingo “Eibargunea” enpresa-haztegia Sprilur-en (Deba Bailarako Industrialdea), Eibarko...Irakurri gehiago

Azpiegiturak 25 Azaroa, 2021
Lentitech-ek bere diseinu industriala erregistratu du EBn Hazinnova programaren laguntzarekin

Lentitech S.L. Barakaldon kokatutako enpresa bat da, produktu optikoen fabrikazioan espezializatua...Irakurri gehiago

Azpiegiturak 16 Azaroa, 2021
Embalan3, makina-erremintaren sektorerako enbalaje industriala

50 urte baino gehiagoko esperientziarekin, Embalan3 egurrezko eta neurrira egindako enbalatzeko...Irakurri gehiago

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?