Euskal enpresaren blog-a Zure enpresarentzat garrantzitsua den eguneroko informazioa

28 maiatza, 2020
Euskal enpresek beren jarduera egokitu dute zerbitzu berriak eskaintzeko Covid-19aren osteko aroan

Habic covid

Koronabirusaren pandemiaren ondorioz iraulketa bat egon da enpresa batzuentzatkonfinamenduaren, mugikortasun mugatuaren edo ekitaldi publikoak antolatzeko ezintasunaren ondorioz beren jarduera nola aldatu den ikusi dutelako. Horren aurrean, enpresa batzuek geldi ez geratzea erabaki dute eta lan egiten jarraitzea erabaki dute. Orain arte bere produktuen artean katalogoan ez zituzten zerbitzu eta produktuak eskaintzeko egokitu dira. Esate baterako, altzarien eta ekipamenduen sektoreko enpresa asko, segurtasunaren arloko Electro Alavesa, edo  Estudios Uriarte inprenta digitala, produktu berriak sortu dituzte.  Beste enpresa batzuk, nahiz eta bere lanarekin jarraitu, neurri berriak ezarri dituzte, hala nola Irizar, mugikortasuna errazteko tresna berriekin.  

Habic Clusterrak Euskadiko Ekipamendua, Altzarigintza eta Diseinua hartzen ditu bere baitan. Covid-19aren pandemiaren ondorioz, Habicekin lotutako marken babes eta higienproduktuen katalogo bat sortzea sustatu du. Egoera berrira egokitu diren klusterreko hamar bat enpresaren esperientzian oinarritzen da eskaintza hau. 

Eskaintzaren barne sistema elektronikoak (kartel digitalak, sarbideen kontrola, ospitaleetarako eta adinekoen-egoitzetarako soluzioak), higiene-produktuak (gel-banagailuak, higiene-zutabeak, konketak, edukiontzi sanitarioak), babes-produktuak (manparak, biribilkagailuak, bereizgailuak, biserak), ateetarako sistemak (ateak irekitzeko gailuak, automatizazioa, mikrobioen aurkako iturburuak), eta lurzoruetarako elementuak (alfonbra desinfektatzaileak, seinalizazioak) daude. 

Arte grafikoen sektorean koronabirusak egundoko eragina izan du. Egoera berriari egokitzeko irtenbideak eta formula anitz aurkitu ahal dira. Zamudioko Estudio Durero, esaterako, bere jarduera aldatu du azken hilabeteetan koronabirusetik babesteko produktuak bilatzeko. Biltegian zituen materialekin, 11.000 aurpegi-pantaila egin eta eman zizkien hurbileneko ospitaleei. Azaldu dutenez, “retail, komunikazio eta artearen munduarekin lan egiten dugun teknologia, prozesu eta hornitzaile askok balio digute Covid-19a geldiarazten laguntzen duten irtenbideak emateko: osasun-mantalak, aurpegiak babesteko pantailak, manpara babesleak, seinaleztapen eta baliza elementuak, adibidez“. 

Estudios Uriarte kartelgintzan, errotulazioan, biniloetan, seinaleetan, erakustokietan eta kartoizko egituretan espezializatuta dagoen Arabako inprimategi digitala osasun-krisiaren aurrean bere zerbitzuak berriz bideratu ditu, ohiko portfolioaz gain, manparak eskaintzeko, Covid-19aren osteko une hauetan eskaera handia duen produktu bat. 

Beca Grafic enpresak arte grafikoetarako produktu kimikoak egiten ditu, bai offset arloan, bai flexografia arloan. Pandemiaren ondoriozbere jarduera aldatu du, gel hidroalkoholikoak egiteko. Une honetan, produktu horren salmentak ekoizpenaren % 30-40a hartzen du, eta horrek beste kontzeptu batzuengatik dagoen fakturazioaren jaitsiera arintzen laguntzen du. 

Irizarren neurri berriak 

Mugikortasunaren arloan, Irizarrek bere jarduera nagusiari eutsi dio: autobusak eraikitzea. Baina, horrez gain, segurtasun eta higiene neurriak betetzeko beste irtenbide batzuk ere ezarri ditu. Neurri horien artean, sarbideak kontrolatzeko kamera adimendun baten garapena dago. Kamera honek gorputzaren tenperatura neurtzen duen sentsore bat eta ikusmen artifizialeko kamerak ditu, bidaiariek maskarik duten detektatzeko.  

Ibilgailuan bidaiaririk ez dagoenean automatikoki desinfektatzeko sistemak ere instalatu ditu, prozesua 30 minututan egiteko. Era berean, gidariaren tokitik bereizteko manparak eta bidaiarien besaulkietan banaketa-panelak jarri ditu, baita onddoak, bakterioak, birusak eta abar nabarmen gutxitzen dituen aire-garbigarri bat ere.  

Segurtasun sistemetan espezializatutako Electro Alavesak, bestalde,  pandemiaren aurrean, zerbitzu gehigarri bat eskaintzeko apustua egin du: gorputzeko tenperatura neurtzeko kamerak. Gailu honek segundo bat baino ez du behar norbaitek sukarra duen jakiteko. Tresna teknologiko hori edozein ingurunetan erabili daiteke, baina bereziki erabilgarria da 50 pertsona edo gehiago enplegatzen dituzten enpresetan, edo pertsonen jarioa etengabea den lekuetan, hala nola esparru komertzialetan, ospitale eta osasun-zentroetan, ikastetxeetan, garraio-geltokietan  

Koronabirusaren pandemiaren ondorioz bizi den normaltasun berriaren beharretara denbora errekorrean egokitu diren euskal enpresen adibide batzuk baino ez dira hauek. 

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke. 

Azpiegiturak 18 ekaina, 2020
Elkarrizketa Metaleko Lantegien Bizkaiko Federakuntzako (FVEM) presidente Tamara Yagüeri

  Metalaren FVEM patronalak bere 127 urteko historia osoan presidentetzat daukan lehen...Leer más

Azpiegiturak 16 ekaina, 2020
Sprilur-ek Azucarera Eraikineko klimatizazio-sistema berritu du energia geotermikoa erabiliz

Beharrezko kontsumo osoaren % 30 geotermia bidez sortuko da, hau da, lurrazaletik 200 metroko...Leer más

Azpiegiturak 3 ekaina, 2020
Sprilur-ek berriro ekin die Covid-19a agertu aurretik hasitako proiektuetako obrei

Berriro hasi dira lanak industrialde hauetan: Gasteizko Azucarera eraikina (klimatizazioa),...Leer más

Azpiegiturak 19 maiatza, 2020
Eusko Jaurlaritzak COVID-19a ez hedatzeko maskarak bertan egitea sustatuko du

Maskaren erabilera masibo baten testuinguruan, Euskal Autonomia Erkidegoak euskal herritarrentzako...Leer más

Cuatro compañías guipuzcoanas crean una nueva empresa que fabricará 7 millones de mascarillas al mes

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?