Filtra tu búsqueda



Bromalgae enpresak Baionan emisio kutsatzaileak hartzeko jarritako zuhaitz artifizial jasangarria
Ingurumen-jasangarritasuna Lurzorua SPRILUR
Albisteak 7 otsaila, 2024

Bromalgae enpresak berotegi-efektuko gasak biltzeko zuhaitz artifizial bat jarri du Baionan, Spriren Pilotu programaren laguntzarekin

Bromalgae Ezkerraldea-Barakaldoko BIC Bizkaian dago. Han instalatu zuten 40 edo 50 zuhaitz naturalek ezabatu dezaketen berotegi-efektuko gas-kantitatea ezabatzeko gai den hiri-zuhaitzaren lehen prototipoa.…

Bi proiektu sortu dituzte, batetik, GarbiNOx, industria-gasak murrizteko dorrea eta, bestetik, GarbiAir, isuriak murrizteko hiri-inguruneetan iragazki biologiko gisa jarduten duten hiri-zuhaitzak.

Startup berritzaileak bizkortzea xede duen BBK Arin programak saritu du, gizartean eta ingurumenean eragin handia duten proiektuengatik.

 

Bromalgae Ezkerraldea-Barakaldoko BIC Bizkaian dago. Han instalatu zuten 40 edo 50 zuhaitz naturalek ezabatu dezaketen berotegi-efektuko gas-kantitatea ezabatzeko gai den hiri-zuhaitzaren lehen prototipoa. Halaber, Spriren Pilotu programak, euskal enpresei nazioarteko inbertsio publikoko proiektu pilotuak diseinatzen eta garatzen laguntzen dienak, lagundu egin du burdinazko zuhaitzaren proiektu horrek jauzia eman zezan eta Ipar Euskal Herrian jarri zezaten. 2023ko amaieran, Baionan hiri-zuhaitz jasangarri hori jartzeko behar ziren pieza guztiak lekualdatu zituzten, hain zuzen ere, Communauté d’agglomération du Pays Basque, Akitania Berriko 10 lurraldetako 158 udalerrik osatutako Pirinio Atlantikoetako departamentu arteko lankidetzarako erakunde publikoarentzat.

 

Gainera, 2018an sortutako ekimen ekintzaile hori, BBK Arin bizkortze-programa pertsonalizatuan sartu dute beste lau startup-ekin batera. Programa horrek, gizartean eta ingurumenean eragin handia duten proiektu berritzaileak bultzatzen ditu.

 

Bromalgae enpresak garatutako GarbiAir proiektu berritzailearen helburua atmosferako CO2 (karbono dioxidoa) eta NOX (nitrogeno oxidoa) gasak murriztea da. Batez ere hiri-inguruneetan, natura-ingurune urriko espazioetan eta ibilgailu-trafiko handiko eremuetan aplikatzen da.

Mikroalgen eraginkortasuna burdinazko zuhaitz jasangarri batean zuhaitz natural batean baino 50 aldiz handiagoa eta eraginkorragoa da

Zuhaitz berezi hori 4 eta 5 metro arteko altuerara iristen da, eta goiko aldean kono alderantzikatuaren itxurako tanga garden bat du. Tangak likido berde bat du eta 300 litro mikroalga har ditzake. Mikroorganismo horiek, zuhaitzek eta landareek bezala, fotosintesia egiteko gaitasuna dute. Prozesu horren bidez, eguzki-energia aprobetxatzen da, airearen CO2 jasotzen da eta oxigenoa askatzen da. Gauez, argi naturalik gabe ere, mikroalgek fotosintesia egiten dute sistemaren berezko argiekin. Horrela, mikroalgek prozesu metabolikoa eguneko 24 orduetan egitea lortzen da. Mikroalgak mantentzeko, 20 egunean behin, gutxi gorabehera, hainbat mantenugai eman behar zaizkie.

 

Datu aipagarri gisa, Amazonaseko oihanak 2,4 tona CO2 atzitzen ditu urtean, eta mikroalgek, berriz, 30 eta 50 tona artean. Burdinazko zuhaitz honen gakoa fotosintesia eguneko 24 orduetan egitean datza, argi naturalaren eta LEDen bidez.

 

Bromalgae enpresak ingurumen-erronka handietarako soluzioak eskaintzen ditu, ingeniaritza eta biologia uztartuz, industria-sektoreari nahiz gizarte-sektoreari zuzenduta.  Honako hauek dira bere bi proiektuak: GarbiNOx, industria-gasak murrizteko dorrea eta, bestetik, GarbiAir, isuriak murrizteko hiri-inguruneetan iragazki biologiko gisa jarduten duten hiri-zuhaitzak. Sistema horiek ekonomia zirkularraren ikuspegi argiarekin garatzen dira; izan ere, berotegi-efektuko emisioak murrizteaz gain, mikroalgen biomasa ere sortzen dute, bioongarri bihur daitekeena.

Lotutako albisteak

Prado  Silos  nazioartean  indartzen,  estrategia  eta  inbertsio  berriekin  hazkundea  bultzatuz
13/02/2025 Berrikuntza

Prado Silos nazioartean indartzen, estrategia eta inbertsio berriekin hazkundea bultzatuz

38 herrialdetan presentzia handituz eta 2025erako 9 milioi euroko kontratuak aurreikusiz

Eurozon,  desinfekziorako  eta  iraunkortasunerako  ozono-teknologian  aditua

Eurozon, desinfekziorako eta iraunkortasunerako ozono-teknologian aditua

30 urteko esperientziarekin, Bizkaiko enpresa elikagaien, uraren eta barruko espazioen higienizazioko berrikuntzaren buru da, ingurumena errespetatzen duten konponbideen alde eginez.

Gueñeseko  Bioekonomia  Polo  berria  abian  egongo  da  2026aren  hasieran,  bioteknologian  eta  ekonomia  zirkularrean  oinarritutako  trakzio-ekimenei  harrera  egiteko
10/02/2025 Lurzorua

Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko

Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.

Konfiantza  eta  lankidetza,  euskal  industrian  onura  eta  hazkunde  jasangarria  sortzeko  gakoak
31/01/2025 Berrikuntza

Konfiantza eta lankidetza, euskal industrian onura eta hazkunde jasangarria sortzeko gakoak

Ekonomiaren, gizartearen eta ingurumenaren garapena errazten duten soluzio eta adibide inspiratzaileak

Roseo  Eólica  Urbana,  eraikinetarako  hiriko  aerosorgailuak  garatzen  dituen  Portugaleteko  startupa
27/01/2025 Ekintzailetza

Roseo Eólica Urbana, eraikinetarako hiriko aerosorgailuak garatzen dituen Portugaleteko startupa

Orain, enpresak bere proiektu berritzailea babestuko duten inbertitzaileak eta bere teknologia probatu nahi duten enpresa industrialak bilatu nahi ditu

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.