Bizkaiko Foru Aldundiaren mikromezenasgo-plataforma digitala hazten ari da startupen finantzaketa-tresna alternatibo gisa
8 proiektu berritzailek 700.000 eurotik gorako finantzaketa lortu dute Crowdfunding Bizkaiaren bidez: 750 erabiltzailek izena emanda eta 190 inbertsio baino gehiagorekin.
Mikromezenasgoa edo crowdfundinga teknologia berrietan oinarritzen den lankidetza-tresna bat da, finantzaketa behar duten proiektuen sustatzaileak inbertitzaileekin harremanetan jartzeko. 2019an Bizkaiko Foru Aldundiak Crowdfunding Bizkaia jarri zuen abian, administrazio publiko baten lehen crowdfundinga. Eta egunera arte 8 proiektu berritzaile abiarazi dira eta 700.000 euro baino gehiago lortu dira finantzaketan.
“Crowdfunding Bizkaia finantzaketa-tresna berria izateko jarri zen abian, lurraldeko ekosistema ekintzailea indartzen jarraitzeko. Seed Capitalen funtsek eta mikrofinantzaketak lortu nahi duten filosofia bera da: proiekturik onenak Bizkaira erakartzea eta tokiko proiektuak hazten laguntzea. Era guztietako proiektuak. Ideia berritzaileak bilatzen ditugu: teknologikoak edo osagai soziala dutenak izan daitezke. Garrantzitsuena da proiektu berritzaileak, interesgarriak, bideragarriak eta hazteko prestatuak izatea. Uste dugu plataformak berak ere hazten jarraitu behar duela. Gainera, tresna interesgarria izan daiteke proiektuak gizarteratzeko eta herritarrek inbertsio txikiekin parte hartu ahal izateko”, azaldu du Ainara Basurkok, Ekonomia Sustatzeko diputatuak.
Ainara Basurkok zehaztu duenez, Crowdfunding Bizkaia proiektuko inbertitzaileen artean 3.000 eurotik beherako zenbatekoak inbertitzen dituzten egiaztatu gabeko inbertitzaileak eta adibidez 10.000 euroko txarteletan inbertitzen duten inbertitzaile profesionalak daude. Gutxieneko tiketa, egin daitekeen gutxieneko ekarpena, 30 eurotik gorakoa izan daiteke inpaktu sozialeko proiektu baten, edo 500 euro inguruko tiket altuagoak izan daitezke hazteko ahalmen handia duten proiektu teknologikoetarako. “Crowdfunding Bizkaiaren berariazko helburuetako bat inbertsio mota horiek demokratizatzea da, eta, beraz, inbertitzaile profesionalekin batera inbertsio alternatibo mota hori eskuratzeko aukera ematen diegu partikularrei”, esan du Basurkok.
Crowdfunding Bizkaia, ideia onen eta horietan sinesten dutenen gunea
“Crowdfunding Bizkaia beste crowdfunding plataforma batzuetatik bereizten da, administrazio publiko batek sustatzen duen partaidetzazko finantzaketarako lehen plataforma delako. Eta zabaltzen eta abiarazten diren proiektuek Aldundiko teknikariek egiten dituzten azterketa ekonomiko eta finantzario zorrotzak gainditu dituztelako. Hau da, balio izugarria duen elementu bat ematen dugu: konfiantza. Eta ez hori bakarrik, finantziazio alternatibo oso onuragarria ere eskaintzen dugu”, azaldu du Oscar Ugartek, Seed Capitaleko zuzendariak.
Proiektu bat sustatu eta finantzaketa bilatzen duenarentzat Crowdfunding Bizkaia bere ideiaren online erakusleiho bikaina ere bada, Bizkaiko Foru Aldundia bezalako erakunde batek bermatua.
- Sustatzaileak ez ditu inoiz egile- edo jabetza-eskubideak galtzen.
- Bizkaiko Foru Aldundiak laguntza-lan guztia egiten du: proiektuaren azterlan ekonomikoa egiten du, plataforman inplementatzen du eta ekintzak on line eta off line egiten ditu zabalkundea emateko. Trukean, orduetan/teknikarietan egiten den ahalegina konpentsatzeko kontraprestazioa jasotzen du; % 1da, antzeko beste plataforma batzuena baino askoz txikiagoa.
Inbertitzailearentzat honako hau adierazten du:
- Berrikuntza-dosi handiak dituzten eta kapital-ekarpen handirik egin behar ez duten proiektuetan inbertitzeko aukera erraz eta arina.
- Zero kostu eta zero komisio.
- Bizkaian inbertitzeko eta ekintzaileei eta talentu handiko pertsonei laguntzeko aukera.
- BFAren balidazioa duten proiektuen aldeko apustua egitea.
Crowdfunding Bizkaia proiektuak
WATS: Kirola, hezkuntza eta balioak batzen dituen proiektua. WATSen misioa kirolean indarkeria desagerraraztea eta kirolaren benetako balioak berreskuratzea da. Ekimenaren metodologia Mondragon Team Academyn (Mondragon Unibertsitatea) sortu zen.
AXALKO: neurrira egindako eta erabat pertsonalizatutako bizikletak merkaturatzen hasi zen enpresa. Funtsezko faktore bereizlea prestazio handiko zur teknikoa erabiltzea eta fabrikazio-prozesuetan azken teknologia erabiltzea da.
EKOHUNTERSek ekodiseinatutako produktuak eta etxebizitza jasangarriak nazioartean sustatzea eta saltzea du helburu. Balio-katean esku hartzen duten eragile guztien arteko kontaktua eta merkataritza-harremanak errazteko lan egiten du eta, horrela, euren gizarte- eta ingurumen-ingurunearekin konprometituagoak dauden produktuak kontsumitzen eta ekoizten laguntzen du, faktore horiek kontuan hartzen ez dituzten produktuak/ekoizleak baztertuz.
ELUR teknologia berrien bidezko erreskate dispositiboa da. Bi erreskate motei aurre egiteko gai den lehen gailua da: lurperatutako biktima eta distantzia luzea. Distantzia luzeko eremuan ELUR erreskate taldeekin eta Alex Txikonekin bi espediziotan aztertu dute.
OSTEOPHOENIX organo eta ehunak birsortzeko sistema eta prozedura berriak garatzen dituen enpresa bioteknologikoa da, osasunaren arloan puntako teknologia aplikatuz. Osteophoenixek hezurraren eta hortzoiaren birsorkuntza naturala ahalbidetzen duen gailu bat patentatu du, hortz-inplanteak jartzeko ahalmena bikoiztuz.
NAHIARTE: NahiArte by FormArte desgaitasun psikikoa eta/edo intelektuala duten pertsonek euren indar sortzaile guztia hedatzeko proiektua da. Alde batetik, FormArteren bidez, sormen artistikoaren bidez garapen pertsonal eta profesionalerako programa eskaintzen duen prestakuntza-zentroa. Eta, bestetik, NahiArte Factory enplegu-zentro bereziaren bidez; zentro honetan Bilbao FormArteko ikasleek lan egin ahal izango dute euren sorkuntzetan eta salmentan.
FAZIL belaunaldi berrien bankoa da. Diru-zorroa kontua eta txartel birtuala eskaintzen ditu, komisiorik eta baldintzarik gabe, zure eguneroko gastu guztiak mugikorrarekin ordaintzeko, zure karbono-aztarna konpentsatzen duzun bitartean.
FISIFY proiektuak errekorra lortu zuen, finantzaketa-helburuaren %125era iritsi baitzen minutu gutxi batzuetan. Fisifyk fisioterapia tradizionalaren alternatiba eskaintzen du teknologiaren bidez, prozesuaren %100ean jardunez eta errekuperazio azkarragoak eta eraginkorragoak lortuz adimen artifizialari esker.
FISIOCAMPUS fisioterapian espezializatutako prestakuntza-plataforma da, osasun-arloko profesionalei teknika eta ebidentzia berriagoak eguneratzeko aukera ematen diena, prestakuntzaren bidez modu berritzailean. Proiektua plataforman dago gaur egun 100.000 euro biltzeko helburuarekin.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko