Euskal enpresaren blog-a Zure enpresarentzat garrantzitsua den eguneroko informazioa

28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa bat antolatu dute, turismoan ekintzailetza eta berrikuntza sustatzeko
athletic club

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa bat antolatu dute, turismoan ekintzailetza eta berrikuntza sustatzeko.

Nazio Batuen Turismoko Mundu Erakundeak (TME), Athletic Clubek eta Bizkaiko Foru Aldundiak indarrak batu dituzte turismoari lotutako ekintzailetza eta berrikuntza sustatzeko. Hiru erakundeen artean antolatu dute Smart Solutions for Smart Destinations Challenge izeneko lehiaketa. Bertan, startupek parte hartuko dute, eta mundu osoko enpresa berritzaileek irtenbide adimentsuak aurkituko dituzte, San Mames futbol zelaia elementu nagusia eta inspiratzailea izango delarik Bizkaia osorako esperientzia turistiko berriak bideratzeko.

Erronkaren premisa da hiriko futbol zelaiek erdiguneko nodo gisa jarduten dutela bisitari kopuru handiak erakartzeko. TMEk, Athletic Clubek eta Aldundiak antolatutako proiektuan, San Mames futbol zelaia, diseinuko abangoardiago ikur bat eta Bizkaiko azpiegitura turistiko nagusietakoa dena, lurraldeko gainerako eremuek eskaintzen dituzten aukera turistikoekin lotuko da.

Smart Solutions for Smart Destinations Challenge lehiaketan mundu osoko startupek parte hartu ahal izango dute, eta 3 erakunde sustatzaileek partekatzen duten filosofiarekin bat dator erronka, hau da, aukera berriak sortzen direla berrikuntza, teknologia, kiroleko balioak eta turismoa batzen direnean. Hala, erronkan parte hartuko duten enpresa berritzaileek, etorkizuneko turistek eskatuko dituzten esperientzia berriak diseinatu beharko dituzte teknologiaren eta konektibitatearen bidez, eta guztia lotzeko elementuak segurtasuna, inklusioa, jasangarritasuna eta eskaintza turistiko bikaina eta berezia izango dira.

Lehiaketa irabazten duten startupek proiektu pilotu bat sortuko dute Athletic Clubekin 6 hilabetean zehar. Gainera, enpresak Bizkaikoak badira edo helbide fiskala Bizkaira aldatzen badute, Bizkaiko Foru Aldundiaren laguntza osoa izango dute, eta horien artean, enpresa hazteko eta azkartzeko zerbitzuak, proiektuak finantzatzeko aholkularitza zerbitzua eta 6 hilabeterako coworking espazioak egongo dira.

Smart Solutions for Smart Destinations Challenge lehiaketak bi kategoria hauek izango ditu:

  1. Prototipoa edo kontzeptu diseinua garatze fasean duten proiektuak (pre seed izeneko fasea).
  2. Merkatuan probatutako proiektu pilotua duten proiektuak.

Era berean, lehiaketan ezarrita dago, startupek proposatutako irtenbideak bat etorri beharko direla espezializazio eremu hauetako batekin:

  • Helmuga turistikoan turismoa garatzeko ekimenen potentziala optimizatzea.
  • Instalakuntza adimentsuak, hiri eta eskualdeetan ekimenak konektatzeko elementu gisa.
  • Helmuga adimentsuetan teknologia berriek duten inpaktua.
  • Irtenbide adimentsuak kirol turismoko helmugentzat.
  • Futbol zelaiak, turismoaren eskualde hazkunde jasangarriaren katalizatzaile gisa.
  • Negozio eredu ezberdinak eta osagarriak, helmuga lekuan ekimenaren inpaktu ekonomikoa aprobetxatzeko.
  • Esperientzia adimentsuak etorkizuneko turismoarentzat.

Informazio gehiago HEMEN:

up Euskadi Emprendimiento Ekintzailetza
Ekintzailetza 27 Azaroa, 2020
Wake up! Albiste ekintzaile batzuk sarean. Asteko laburpena: Azaroaren 23tik, 27rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

bee agritech
Ekintzailetza 26 Azaroa, 2020
BEE AGRITECH: Lehen sektorea indartzen etorkizun jasangarri eta seguruagoa izateko

Bee Agritech UPV/EHUko Ekintzailetza eta Enpresen Zuzendaritza Masterrean (MBAe3) sortu zen, 2019....Leer más

Premios Emprendedor XXI Euskadi Spri BICs
Ekintzailetza 25 Azaroa, 2020
EmprendedorXXI Sariak: Zeure kandidatura aurkez ezazu abenduaren 4a baino lehen!

EmprendedorXXI Sarien XXIV. edizioa dagoeneko startupen, enpresen eta pertsona ekintzaileen...Leer más

explorer bic araba santander
Ekintzailetza 24 Azaroa, 2020
EXPLORER ARABA Spacek ideia berritzaileetan oinarritutako hogei proiektu hautatuko ditu

Abenduaren 11ra bitartean irekita egongo da Explorer Programan parte hartzeko deialdia. Munduan...Leer más

Ekintzailetza 23 Azaroa, 2020
Diversity4Equality-k Idaho eta Euskadi konektatu nahi ditu berrikuntza sozialaren bitartez

  Idaho Basque Challenge-n helburua da Idahoko euskal komunitatean eta Euskadin inpaktu...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?