Euskal enpresaren blog-a Zure enpresarentzat garrantzitsua den eguneroko informazioa

10 apirila, 2018
“Rail Live”: aukera bikaina startup berritzaileak azeleragailuekin eta haztegiekin elkartzeko

BEC!ek (Bilbao Exhibition Center) metro, metro arin eta aldiri bidezko garraioaren sektoreko azoka eta kongresu garrantzitsuenetako bat ostatatuko du 2018ko apirilaren 18 eta 19an. Rail Live! ekimenaren antolatzaileak azken ukituak ematen ari zaizkio Metro, Metro Arin eta Aldiriei buruzko nazioarteko ekitaldiaren egitarauari. 100 herrialdetako ordezkariek aukera izango dute sektoreko azken aurrerapen teknologikoak ezagutzeko ekitaldiko erakusketa-gunean. Gainera, aldibereko hitzaldien egitarau zabal bat prestatu da, non nazioarteko 150etik gora hizlarik parte hartuko baitute.

 

Azken edizioak Londresen egin ondoren, aurten Bilbo izango da lehenengoz ekitaldiaren egoitza. Mafex-Estatuko burdinbide elkartearen eta Eusko Jaurlaritzaren babesarekin antolatuko da. Kolaboratzaile bezala parte hartuko dute SPRIk, ETS-k, Euskotrenek eta Metro Bilbaok. Eta Adif eta Renfek ere babestuko dute ekimena.

Rail Live! ekitaldiak sektoreko konpainia ugari bilduko ditu, hala nola, CAF Taldea, Arcelor Mittal, Ingeteam, Indra, Siemens, Bombardier eta Stadler. Aurreikuspenen arabera, 60 enpresak parte hartuko dute, eta baita hainbat startupek ere, zeintzuek aukera izango baitute etorkizunean sektorea irauliko duten azken nobedadeak azaltzeko. Azkenik, ekitaldira bilduko dira orobat IK4 Research Alliance Teknologi Zentroa, Mugikortasun eta Logistika Klusterrak eta Fundigex elkartea (galdaragintza). Rail Live! aukera paregabea da startup berritzaileentzat azeleragailuekin eta haztegiekin solastatzeko.

“Berrikuntza, Teknologia, Ekintza” lelopean, bi eguneko eztabaida zabala abiatuko da garraio publikoak munduan duen egungo egoerari eta etorkizunari buruz. Antolatzaileek agenda trinkoa prestatu dute, zeina apirilaren 17an hasiko baita ordezkari eta enpresen arteko aurretiazko lan-saioekin.

Eztabaida foroetan hizpide izango dituzte garraio publikoaren etorkizunerako funtsezkoak diren gaiak, esaterako, sostengarritasun estrategiak, kontrol-sistemen aurrerapenak, mugikortasunaren eta horrekin lotutako zerbitzuen hobekuntzak, eta IoT-k garraioaren munduan izango duen bilakaera. Horretarako, hitzaldiak eta kasu praktikoak eskainiko dira hiriko burdinbideetako garraioaren sektorean itzal handia duten erakundeen eskutik: Transport for London (Londresen garraio publikoaz arduratzen den erakundea), Los Angeleseko Metroa edota Metrolinx (Kanada), besteak beste.

Iñigo Urkullu lehendakariak inauguratuko du ekitaldia. Ondoren, mahai-inguru berezi bat egingo da ETS, Euskotren, Metro Bilbao eta SPRI Taldeko arduradun nagusiekin, “Euskadiko Garraio Publikoaren berrikuntza-estrategia” izenburupean. Alex Arriolak (SPRI Taldea), Eneko Arruebarrenak (Metro Bilbao), Imanol Lezak (Euskotren) eta Aitor Garitanok (ETS) hizpide izango dituzte Eusko Jaurlaritzak sektoreko berrikuntzarekin hartu duen konpromisoa eta orobat aurkeztuko dute garraio-eredu sostengarri eta integratu bat, Euskadiko kohesio sozialerako eta garapen sozio-ekonomikorako tresna gisa erabili nahi dena.

Helbide honetan aurkituko dituzu ekitaldiaren egitarau osoa, erakusketan parte hartuko duten enpresen zerrenda, hizlariak eta babesleak:

http://www.terrapinn.com/metrobilbao2018

 

wake up eus
Ekintzailetza 29 maiatza, 2020
Beste albiste batzuk ekintzaileentzat. Asteko laburpena. Maiatzaren 25tik, 29rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

maría sáiz ehu upv
Ekintzailetza 28 maiatza, 2020
María Saiz: ‘Negozio ekintzaileen ia % 60 beren jarduerarekin jarraitu dute, hauetako % 48 telelanaren formatuan’

María Saizekin hitz egingo dugu, UPV/EHUko MBAe3 Masterreko zuzendaria eta EEB-OVEko zuzendari...Leer más

kentu
KENTUK laugarren industria iraultzarekin bat egin du

KENTU industria merkatuan 40 urte baino gehiago daramatzan HERREKOR ETEak egindako...Leer más

hodei cloud hodeicloud
Ekintzailetza 27 maiatza, 2020
HodeiCloud, BIC Bizkaia Ezkerraldeko inkubagailuan

Manuel Asís Managing, HodeiClouden zuzendaria: “BIC Bizkaia Ezkerraldea inkubagailua leku ezin...Leer más

Ángela Ming da solutions
Ekintzailetza 23 maiatza, 2020
‘Ming Da Consulting’: Txinan konfiantza, merkataritza akordioak eta aliantzak sortzeko zubia

Deustuko Unibertsitatearen 'Innogune' eraikinak, Donostian, balio erantsi handiko ekimen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?