Euskal enpresaren blog-a Zure enpresarentzat garrantzitsua den eguneroko informazioa

4 uztaila, 2018
Health 2.0 Basque topaketak beren proiektua aurkeztu nahi duten startupak bilatzen ditu

Aukeratutako enpresek Osasun Digitalaren 2018ko Kongresuan parte hartuko dute.

 

Aukeratutako enpresek Osasun Digitalaren 2018ko Kongresuan parte hartuko dute

Health 2.0 Basque ekimenak deialdi bat egin du osasun eta teknologien arloetan lan egiten duten startupentzat. Deialdi horren helburua da aukera ematea enpresa horiei beren konponbide berritzaileak aurkeztu ditzaten irailaren 13 eta 14an Donostian egingo den Osasun Digitalaren hurrengo Kongresuan.

 

Deialdia zabalik egongo da uztailaren 20ra arte. Health 2.0 Basque ekimeneko lantaldeak startup berritzaileenak eta hazteko potentzial handiena dutenak aukeratuko ditu aurkeztutako proposamenen artean, aukera izan dezaten beren proiektuak ezagutzera emateko osasunaren eta teknologia berrien arloko profesionalen, erakundeen eta enpresen aurrean.

 

Health 2.0 Basque Health 2.0 komunitatearen -nazioarteko ehundik gora gune dauzkan sarearen- tokiko kapitulua da. Komunitate horrek helburutzat dauka osasun sektoreko eragile publiko zein pribatuak biltzea, bai ezagutza partekatzeko eta bai konponbide berri eta berritzaileak sustatzeko. Hauek dira Euskadiko kapituluaren bultzatzaileak: Juan Carlos Santamaría, Inithealth enpresako negozio-garapeneko zuzendaria; Gonzalo López, Inithealth enpresako zuzendari tekniko komertziala; eta Blanca Usoz, ongizatean eta laneko osasunean espezializatutako medikua.

 

Deialdi honen bitartez, hiru enpresak aukera izan zuten beren proiektuak aurkezteko iazko kongresuan. Hauek izan ziren aukeratutako startupak: What About Technologies, business intelligence deiturikoan espezializatua; Patia-Diabetes Prevent, 2 motako diabetesa prebenitzeko eta kontrolatzeko aplikazioa; eta Naru Intelligence enpresa, zeinak datuak aztertzen baititu gaixotasun kronikoen eta endekapenezko gaixotasun neurologikoen ikerketa hobetzeko.

 

Osasun Digitalaren Kongresua Donostiako Miramar Jauregian egingo da, Osakidetzak, UPV/EHUk, Signo Fundazioak eta Osasun Digitala Elkarteak antolaturik. Topaketan aztergai hartuko dira osasun laguntzak etorkizunean izango dituen erronkak, hala nola, osasun arloko datuen analisia, teknologia digitalek izango duten papera eta gaixoen ahalduntzea.

Bio osasuna 15 iraila, 2020
Wolfratex, gutxiren elkarketa denontzat indargarri

  Wolfratex dugu Larramendi (Bergara) industrialdeko lau enpresa gipuzkoarrek elkarrekin...Leer más

Baigene realizará estudios genéticos a futbolistas de todo el Estado
Bio osasuna 11 iraila, 2020
Baigenek azterketa genetikoak egingo dizkie Estatu osoko futbolariei

Kirol profesionalaren praktikan eta errendimendu-analisian aplikatutako azterketa genetikoak...Leer más

Mondragon Unibertsitatea participa en la creación de un sistema que mejora la localización de las lesiones del cáncer de mama
Bio osasuna 9 iraila, 2020
Mondragon Unibertsitateak bularreko minbiziaren lesioak modu errazagoan lokalizatzeko sistema baten sorkuntzan parte hartu du

Bularreko minbizia duten pazienteen gongoil zentineletan lesioak bistaratzea errazten duen sistema...Leer más

Tecnalia desarrolla nuevos alimentos funcionales
Bio osasuna 8 iraila, 2020
Bizi-kalitatea hobetzeko elikagai funtzional berriak garatu dituzte hiru euskal enpresa eta Tecnaliak

Elikagaien industriaren helburuetako bat gizartearen osasun-erronkei soluzio bat ematen  dieten...Leer más

Bio osasuna 3 iraila, 2020
Internet of Bodies: gorputzaren etorkizuna plataforma teknologiko gisa

Gauzen Interneten zabalkundearen hurrengo urratsa giza gorputza da, izan ere, gero eta ugariagoak...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?