Euskal enpresaren blog-a Zure enpresarentzat garrantzitsua den eguneroko informazioa

12 ekaina, 2020
Gogoa: “robotikak errehabilitazioa azkartzen du”

Gogoa startup gipuzkoarra errehabilitaziorako exoeskeletoen munduko seigarren fabrikatzailea da

 

Urretxun kokatutako Gogoa enpresa exoeskeleto mediko eta industrialen fabrikazioan eta banaketan espezializatuta dago. Osasun arloko adarrean gailu robotiko elektromekanikoak garatzen dituzte, bereziki aproposak bizkarrezurreko lesioak edo iktusak jasan dituzten pertsonentzat. “Errehabilitazio arloan lan egiten dugu, ibili ezin zutenak ibil daitezen, eta gutxi ibiltzen zirenak gehiago eta hobeto ibil daitezen” dio Juan Izetak, startup-eko hazkunde arduradunak.

 

Gogoa 2016an sortu zen, eta arlo medikorako egin duen produktu garrantzitsuena Hank exoeskeletoa da, gorputzari egokituz artikulazioen mugimenduak erreproduzitzen dituen armadura robotizatu bat. Teknologia hori CSICekin batera eginiko hainbat garapenetan oinarritzen da eta, produktu horri esker, errehabilitaziorako ziurtapenak dituzten exoeskeletoen lehen fabrikatzaileetako bat bihurtu zen Europan. Gaur egun, mundu osoko beste bost enpresak bakarrik fabrikatzen dituzte horrelako gailuak.

 

Gogoa enpresaren exoeskeletoek badituzte hainbat abantaila: sendoak dira eta profesional fisioterapeutek autonomiaz erabil ditzakete, ez baitu behar ingeniaritzako euskarririk. Gainera, lantaldeko kideek diotenez, beste inork ez du integratu exoeskeletoan orkatila motorizaturik, zeinari esker posible baita urrats hain robotizatuak ez ematea. “Mugimendua gizakionaren ahalik eta antzekoena izan dadin lan egiten dugu” dio Juan Izetak.

 

Dispositibo horiek errehabilitazio zentroetarako eta ospitaleetarako egiten dira. Iktus bat jasan duten pazienteekin erabiltzen dira gehienbat, Italia eta Espainiako hainbat ospitaletan eginiko proba klinikoek oso emaitza onak eman dituztelarik. Egia da paziente bakoitza desberdina dela, eta errehabilitazioan eragina duten faktore asko daudela, baina lantaldeko kideen arabera, Gogoa enpresaren exoeskeletoek frogatu dute gai direla prozesua azkartzeko, eta kasu batzuetan lortu dute errehabilitazio denbora erdira murriztea ere.

 

Exoeskeleto robotizatuek hainbat abantaila dituzte, hala nola, posizioen kalitatea eta pazientearen bilakaera aztertzeko datuak eskuratzeko aukera, baina, horrez gain, kontuan izan behar da robotak pertsonaren pisua altxa dezakeela inolako mugarik gabe. “Errehabilitazio robotikoa aldaketarako agentea izango da” dio Gogoa enpresako Growth Manager-ak “terapia hau beti izan da oso pertzeptuala, eskuz egin beharrekoa, baina robotikak lanerako modu berriak eta abantaila ugari eskaintzen ditu. Horregatik, uste dugu hazten jarraituko duela datozen urteetan”.

 

Gogoa enpresak oraintsu jaso du gailu robotiko berri batentzako ziurtapena: Belk  du izena eta belauneko lesioen errehabilitazioan erabiltzen da. “Errehabilitazio zentro ertain edo txikiei zuzendutako proiektu bat da, gailu konpaktua delako eta gainera aukera ematen du errehabilitazio prozesuaren zati bat etxean egiteko” azaldu du Juan Izetak. Bestalde, Cyber Human Systems spin-off-a sortzeko prozesuan murgilduta dago, zeinaren bitartez banatuko baititu exoeskeleto industrialak, lan-inguruneetan lesioak prebenitzeko pentsatuta daudenak.

 

Gaur egun, Gogoa nazioarteko merkatuan sartzen ari da, eta akordio komertzial berriak egin nahi ditu Europa osoan, batez ere Alemanian eta Frantzian, bai eta Txinan eta Japonian, non errehabilitazio robotikoa oso azkar ari baita sartzen. Apirilean, Gipuzkoako startup honek Lánzate saria irabazi zuen EOIk Estatu osorako antolatzen duen lehiaketan, Inpaktu Sozialaren kategorian.

 

Basque Industry 4.0 6 uztaila, 2020
Metronic: “Puntako lan-metodologia berriak ezartzen ez baditugu, industria ahula izango dugu”

Eibarko konpainia hori kontrol eta neurketarako metrologia-ekipoen instalazioan espezializatuta...Leer más

Ausolan imprime alimentos en 3D para mejorar los productos texturizados para personas mayores
Ausolanek elikagaiak 3Dn inprimatzen ditu, adinekoentzako produktu testurizatuak hobetzeko

Faktore askok eragiten dute pertsonen elikaduran, zapore-aniztasunetik oroitzapenetara edo...Leer más

Basque Industry 4.0 2 uztaila, 2020
BIND 4.0 ekitaldiaren IV. edizioak berriro gainditu ditu espektatibak, krisia gorabehera

  SPRI Taldeko Ekintzailetzako zuzendari Aitor Urzelaik ostiral honetan aurkeztuko ditu...Leer más

Basque Industry 4.0 30 ekaina, 2020
Zibersegurtasuneko enpresa eta startup kopuruak gora egin du Euskadin

Zibersegurtasunaren Euskal Zentroak (Basque Cybersecurity Centre-BCSC) egin eta argitaratutako...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?