Startup bizkaitarra MassChallenge Biscay lehiaketako 4 finalistetako bat izan da
Enpresa askok, batez ere tamaina handikoek, duela 20 edo 30 urte ezarritako teknologia eta aplikazioekin lan egiten dute, ahalegin izugarria egin beharko litzatekeelako sistema guztiak eguneratzeko. Baina oinordetzan jasotako teknologien bidez garatutako operazioen kostuak ere inbertsio handia eskatzen du. Go4it Solutions enpresa teknologikoa horrelako premientzako erantzunetan espezializatu da, aplikazioak modernizatzeko software bat garatuz.
“Teknologia eta programazio-lengoaia horiek oso zaharkituta gelditu dira (baliteke horrelakoak eskaintzen dituen fabrikatzaile bakarra gelditzea) eta beren mantenimendua garestia da, bai lizentziengatik, bai halakoak darabiltzaten programatzaileak aurkitzeko zailtasunagatik, ia ez baitago” dio Adrián Noguerok, Go4it Solutions enpresako zuzendari nagusiak. Pentsa litekeena baino askoz zabalduago dago arazo hori. “Aplikazio zaharrek inpaktu handia dute; kalkulatu da finantza arloko munduko salerosketen %95 pasatzen direla uneren batean 70eko hamarkadan programatutako sistemaren batetik” esan du startup-aren fundatzaileak, “aplikazio zahar horiek 400.000 milioi eurotik gorako kostua dute”.
Go4it enpresa Tecnalia Research & Innovation zentroaren spin-off gisa sortu zen 2016an, barnekintzailetza programa baten barruan. Bi urte eta erdi hauetan, bere bidea egin du merkatuan, bereziki bankuen eta Administrazio Publikoen sektorean. Bere konponbideari esker aplikazioak eguneratzen dira kostuak merkatzeko eta ireki ahal izateko. “Tresna informatiko batzuk ditugu, iturri-kode zaharra irakurtzen dutenak eta gai direnak berau ulertu eta programazio-lengoaia moderno batera itzultzeko, halako gisaz non aplikazioa berdin mantentzen baita funtzionaltasun arloan eta erantzun modernizatu bat lortzen baita” azaldu du Adrián Noguerok.
Go4it MassChallenge Biscay programako lau startup finalistetako bat izan da, eta azeleragailu iparramerikarraren lehiaketako amaiera fasera iritsi da. Parte-hartze horrek indarra eman dio Bizkaiko enpresak martxan daukan nazioartekotze prozesuari, eta ateak zabaldu dizkie balizko inbertitzaileei. “Aukera argi bat ikusi dugu, produktuak interes handia pizten baitu. 2019rako helburutzat dugu bulego komertzial bat irekitzea Estatu Batuetan” dio startup-eko zuzendari nagusiak.
Telelana ezartzeko proiektuak eta 4.0 industriako teknologia bideratzaileekin...Leer más
Partekatu
Telefónica Fundazioak Espainiako Gizarte Digitalari buruz eginiko txostenak erakusten du...Leer más
Partekatu
Mantendu egin du martxoan Covid-19aren ondorioz irekitako telelanari buruzko...Leer más
Partekatu
Onlineko formatua zuzeneko streaming interaktiboarekin. Nola ez dakigun noiz antolatu ahal...Leer más
Partekatu
COVID-19 sortzen ari den egoera eta agintari eskudunek hartutako neurriak ikusita, Eusko...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?