Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Elkarrizketak 24 Marzo, 2021 Ekintzailetza Start up UP Euskadi

Clickers-en erronka: “Ebanjelizatu eta enpresei lagundu euren datuen balioa zertan den ulertzen”

Diagnostikorako doako saioak eskaintzen ditugu diseinatu dugun ‘roadmap’-aren bidez. Hala, ‘data analytics’ eta IA-k nola lagun diezaieketen hobeto ulertzen laguntzen diegu.
Clickers Leire Legarreta

Leire Legarretak esperientzia handia du hainbat enpresa eta erakunderen proiektuetan ‘data scientist’ gisa lan egiten. Ekitea erabaki zuen eta orain bere ezagutza eta grina diziplina anitzeko talde batekin uztartzen du. Talde honetan lanaren banaketa “ia berdina da” eta konpetentzia analitiko, marketingekoak eta negoziozkoak konbinatzen dituzte. Leirek dioenez, “mundu honek aukera anitz eskaintzen dizkie gure bezeroei; hortaz, ilusio handia dugu eta ziur gaude geure proiekturako garai ona izango dela”.

 

Clickers Leire Legarreta

Clickers-ek datuak abantaila lehiakor bihurtzen ditu. Nola egiten duzue?

Ia enpresa guztiek dakite euren datuak oso garrantzitsuak direla: haien bezeroenak, prozesuenak, konpetentziarenak… Arazoa da gehienek oraindik ez dakitela datuokin zehazki zer egin. Datuak zeure negozioan zer gertatzen ari den sakonki ezagutzeko gakoa dira, eta hortik aurrera enpresa eraginkorragoa diseinatzeko balio dute. Beraz, enpresa azkarragoa lor daiteke datuen bidez.

Hori dela eta, epe laburrera gure erronkarik handiena “ebanjelizatzea” eta enpresei euren datuen balioa zertan den ulertzen laguntzea da. Horretarako, diagnostikorako doako saioak eskaintzen ditugu diseinatu dugun ‘roadmap’-aren bidez. Hala, ‘data analytics’ eta IA-k nola lagun diezaieketen hobeto ulertzen laguntzen diegu.

 

Inteligentzia Artifizialak azeleratzeko duen botereaz hitz egiten duzue “enpresak goragoko maila batera irits daitezen…”

Makinek objektu materialak ekoizteak ez du inor harritzen. Baina datuen analitikak dakarren iraultza handia, makinak orain arte giza-taldeek hartutako erabakiak ekoiztenhastean datza.

Gure algoritmoak datu kopuru oso handia eta ehundaka aldagai aldi berean prozesatzeko gai dira. Gure garunak ezin du hau egin, baina guretzat identifika ezinak diren patroiak eta informazio ezkutua identifika ditzake algoritmoak. Guzti honi esker, zereginak automatizatzen dituzten konponbide analitikoak diseinatzeko gai gara (ekonomia eta aukeraren kostua asko murriztuz). Honez gain, prozesuak hobe ditzakegu kliken bidez, eta gure enpresari ezagutzea gehien interesatzen zaiona aurreikusteko gai gara klikei esker: bezero bakoitzari zein produktu saldu, zein stock behar izango dugun… edo zein makinak duen huts egiteko probabilitate gehien.

Imajina dezakezu gure lanabesen potentziala?

 

Marketing eta Salmentak, Prozesuak, Talentuaren Kudeaketa, Finantzak… IA aplikatzeko zuen alor nagusiak

Bai, denetarik egiten dugu! Eta hau posible da gure lanabesek askotariko arazoei aurre egin diezaieketelako metodologia bera erabiliz. Adibidez, aurreikusten duten ereduez hitz egiten ari gara. Banku batek jakin nahiko du zein bezerok ez duen diru-laguntza ordainduko; ecommerce batek jakin nahiko du zein produktu salduko dituen; eta giza-baliabideen zuzendari batek jakin nahiko du zein langilek duen enpresa uzteko probabilitate gehien. Negozioak behar duena ondo ulertzean eta algoritmoak diseinatzean dago gakoa.

 

Analisi estatistikoak eta aginte kuadroen diseinua, CLickers-ek bere bezeroei eskaintzen dizkien konponbideetako bi.

Gisa honetako konponbideak eskaintzen ditugu, errazak baina oso boteretsuak diren lanabesen bidez balore handia eskaintzea ahalbidetzen digutelako. Enpresa txiki eta ertainen merkatua ebanjelizatzeko egin dugun apustua da, enpresa ertainek teknologia oso aurreratua eskura dutela erakutsi asmoz.

 

Konta egiguzue zein sektoretan diharduzuen. Ziurrenik adibide onen bat duzue partekatzeko.

Orain arte honelako proiektuak datu-base eta aurrekontu ikaragarri handiak dituzten enpresen eskura baizik ez zeuden: finantza, energia eta telekomunikazioaren entitateak. Duela ia hamabost urte, estatuko aitzindariak izan ginen giza-interbentziorik gabeko diru-laguntzak eskaintzen. Iraultza handia izan zen orduan.

Zorionez, datuetara, lanabesetara eta talentura iristea orokortu da asko; ondorioz, enpresa ia guztiek etekina atera diezaiekete euren datuei.

 

We Are Clickers!

Consultoría Inteligencia Artificial

Lotutako albisteak

26 otsaila, 2024 Berrikuntza
Vostok Electric: “Mugikortasun jasangarriaren esparruan hobe da urrats txikiak eta seguruak ematea”
Irakurri gehiago
VENTIJET Bosco López 23 otsaila, 2024 Ekintzailetza
Ventijetek birikietako haizagailu berritzaileak sortu ditu arnasteko zailtasunak dituzten pazienteentzat
Irakurri gehiago
12 otsaila, 2024 Digitalizazioa
Chubby Apps: “App bat errentagarria izan dadin, produktua, marketina eta negozio-eredua bildu behar ditu”
Irakurri gehiago
22 urtarrila, 2024 Ekintzailetza
Ardiluzu: “Gertatzen ari denari buruzko zenbait ideia bisualki islatzeak hitzaldiaren edo ekitaldiaren balioa handitzen du”
Irakurri gehiago
ORBIK SLAVADOR TRUJILLO 15 urtarrila, 2024 Ekintzailetza
Salvador Trujillo, ORBIK Cybersecurity enpresaren CEOa: “Euskadin, lau delitutik bat zibersegurtasunarekin lotuta dago”
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak