Euskal enpresaren blog-a Zure enpresarentzat garrantzitsua den eguneroko informazioa

21 uztaila, 2020
Senstile-k mundu digitalera eraman ditu ehunen sentsazioak

Startup-ak adimen artifizialean oinarritutako konponbide bat sortu du modaren industriarako

 

Startup-ak adimen artifizialean oinarritutako konponbide bat sortu du modaren industriarako

 

Hurrengo bildumarako ehunak aukeratzeko orduan, modako markek duela bi hamarkada bezala funtzionatzen jarraitzen dute, alegia, eskuzko prozesuekin. Ehunaren ezaugarriak egiaztatzeko modu bakarra da aurrez aurre egitea, fabrikatzaileekin azoketara joatea edo postaz bidaltzen diren lagin-katalogoak eskuratzea.

 

Zhanna Naymankhanova-k, Senstile enpresako sortzaile eta fundatzaileak, modako diseinu eta fabrikazioan lan egin du hainbat urtez, eta hantxe ezagutu ditu horrelako egoerak. Horregatik bururatu zitzaion konponbide berri bat bilatu zezakeela ehunen propietateak digitalizatzeko, baina irudiaz harago joanez eta kontuan hartuz ukituarekin, kalitatearekin eta funtsezkoak diren beste ezaugarri batzuekin lotutako alderdiak, zeintzuk gakoak baitira oihal bat aukeratzeko orduan.

 

Senstile startup-ak teknologia propio bat garatu du oihalaren ezaugarri horiek jasotzeko, ehunaren identifikazio digital bat sortuz. Informazioa jasotzen duten sentsoreak eta adimen artifizialean oinarritutako algoritmo sistema bat baliatu ditu oihal guztiak sailkatzeko. Senstile enpresako lantaldeak dioenez, ehunen digitalizazioak aplikazio ugari izan ditzake modaren industrian, hala, baliagarri izango da laginak aukeratzeko prozesuak azkartzeko nahiz arropa faltsuak errekonozitzeko, eta gardentasun handiagoa eskainiko du osagai eta kalitateei dagokienez.

 

Fabric Scout da Senstile enpresak bere teknologian oinarriturik garatu duen lehen konponbidea. Ehunen datu-base bat sortu ondoren, sistemak aukera ematen du produktuak euren ezaugarrien arabera aurkitzeko (propietate fisikoak, bisualak eta ukimenarekin lotutakoak), eskuzko bilaketetan ohikoak diren proba-akats faseak murriztuz. Gainera, produktuen biki digitalei esker errazagoa da faltsifikazioak identifikatzea, kontuan izan behar baita faltsifikazioek milioi askotako galerak eragiten dituztela modaren industrian.

 

Proiektua fase pilotuan dago, eta hainbat bezero ari dira probak egiten, baina startup-a hasita dago teknologiaren aplikazio berriak garatzen. Esaterako, enpresak detektatu du bere teknologiak aukerak izan ditzakeela ingurumen arloan, izan ere ehunak digitalizatuz, markek erabiltzen dituzten ehunak ordezkatu ditzakete eta antzeko ezaugarriak dituzten alternatiba jasangarriagoak erabili. Zentzu horretan, berriki aukeratuak izan dira ELIIT programa europarraren barruan oihal jasangarrien datu-base bat garatzeko, Circular Fashion enpresa alemanarekin batera.

 

Senstile Europar Batasunak antolatutako Social Innovation Competition lehiaketaren finalerdietan sartu da beste 29 lehiakiderekin batera, eta nazioarteko MassChallenge azeleragailuaren mundu mailako finalean lehiatuko den lau euskal startup-etako bat da, MassChallenge Biscay programaren bitartez. Startup gazte hau iazko urtearen erdialdean sortu zen Bilbon, eta SPRI Taldearen laguntza jaso du bere ideia arlo industrialera eramateko.

 

Ideko
Basque Industry 4.0 25 Azaroa, 2020
Robotika aurreratua pieza metaliko konplexuetan eskuzko lixatzea alde batera uzteko eta akabera automatizatuetara pasatzeko

BRTA aliantzako kide den Ideko zentro teknologikoak ARGRIND proiektuan parte hartu du. Sistema...Leer más

Basque Industry 4.0 23 Azaroa, 2020
Owasys enpresak IoT konponbideak garatzen ditu prozesu industrialak automatizatu eta hobetzeko

  Owasys konpainia duela 18 urte baino gehiago hasi zen lanean Gauzen Interneten arloan,...Leer más

Basque Industry 4.0 18 Azaroa, 2020
KENTU: “Funtsezkoa da produkzio-ekipoen eraginkortasuna neurtzea”

  Datuen analitikako prozesuak hainbat elementutan oinarritzen dira, eta horietako bat da...Leer más

Basque Industry 4.0 17 Azaroa, 2020
SMARTPM enpresak analitika aurreratuko plataforma bat garatu du mekanizatuen prozesuak automatizatzeko

  Makina-erreminta sektoreko joeretako bat da fabrikazio-zelulak garatzea fabrikazioko...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?