Euskal enpresaren blog-a Zure enpresarentzat garrantzitsua den eguneroko informazioa

9 uztaila, 2018
Lehiagune: enpresa industrialen errealitatearen ikuspegi globala eskainiz

Debabarrenako (Gipuzkoa) enpresa talde batek sortu zuen Lehiagune enpresa-foroa, arduratuta zeudelako beren eskualdeko adierazle sozio-ekonomikoen bilakaeragatik
lehiagune

Debabarrenako (Gipuzkoa) enpresa talde batek sortu zuen Lehiagune enpresa-foroa, arduratuta zeudelako beren eskualdeko adierazle sozio-ekonomikoen bilakaeragatik. Aktiboki parte hartu nahi dute sostengarritasuna, ekintzailetza eta eskualdeko ekonomia industrialaren hazkundea bermatuko duten ekimen eta proiektuak diseinatu eta martxan jartzeko prozesuetan.

Joan den ekainaren 20an aurkeztu zen Lehiagune enpresa-foroa. Ekimen hori Debabarrenako enpresa talde batek sortu du, kezkaturik zeudelako eskualdeko industriaren bilakaeragatik. Beren asmoa da eskualdearen berezitasunak elkarrekin definitzea eta proiektuak modu berritzailean definitu eta bultzatzea. Debabarrenako berrogeita hamarretik gora enpresa eta erakunde joan ziren foroaren aurkezpenera, besteak beste, Eibarko Udala, Ermuko Udala, Bic Gipuzkoa, Debegesa, IK4-Tekniker, e.a.

Eduardo Zubiaurrek, Jaz Zubiaurre S.A. enpresako kudeatzaileak, proiektuaren ildo garrantzitsuenak aurkeztu zituen ekitaldian, eta beren beregi azpimarratu zituen gaur egungo egoera eta Enpresa Foroaren bitartez lortu nahi dena.   Hala, Lehiagune topagune bat izango da, ikusgarritasuna, ahotsa eta dimentsioa emango diena eskualdeko eta inguruko enpresa industrialei, guztien ikuspuntuak batuko dituena eta ikuspuntu horiek eskualdeko gainerako eragileekin partekatuko dituena, enpresentzat interesgarriak izan daitezkeen proposamenak bultzatu edo gidatzeko. Enpresek eragile aktibo izan nahi dute Debabarrenako ekonomia industrialaren sostengarritasuna eta hazkundea bermatuko dituzten ekimen eta proiektuak diseinatu eta martxan jartzeko prozesuetan.

Ekimenak ordezkari kopuru handia biltzen du: eskualdeko 7.000tik gora langile ordezkatzen dituzten 50 enpresa industrial eta 6 bazkide-kolaboratzaile ez industrial; horrezaz gain, eskualdeko beste organismo batzuen laguntza eta lankidetza ere jasotzen du. Ordezkaritza horrekin eta beren ekosistema kolaboratiboarekin erakunde arteko lankidetza garatzen saiatuko dira, ikuspegi partekatua eta enpresen arteko batasuna bilatzeko.

Aurkezpen ekitaldiarekin jarraitzeko, mahai-inguru bat egin zen: “Eskualdeko industriaren etorkizuna, zergatik eta zertarako sortu Lehiagune?”. Bertan parte hartu zuten Carlos Abadek (Urkotronik S.A.), José Iraolagoitiak (Microdeco S.A.), José Antonio Larreak (Metrología Sariki S.A.) eta Alicia Gómezek (DMP –Egile Taldea). Eskualdeko datu sozio-ekonomikoak oinarri harturik (esaterako, industria sektorearen bilakaera, gune metropolitarrak hiriburuetatik urruntzea…), enpresak Lehiagune foroan duen papera nabarmendu zuten: “paper aktiboa du eragile bultzatzaile/trakziogilea delako, eta konpromisoa hartu du eskualdearen berezitasunak bilatzeko, ekiteko, talentua erakartzeko… Helburu horiek iristeko ezinbestekoa izango da enpresen arteko lankidetza eta erakundeen babesa”. Zentzu horretan, Urkotronik S.A. enpresako kudeatzaile Carlos Abadek hauxe nabarmendu zuen: “Nori irudituko zaio gaizki elkarri laguntzea?

Azkenik, Armeria Eskola Elkarteko presidente Natividad Garcíak Lehiagune foroaren hurrengo urratsak markatu zituen lantaldearekin batera. 11 lagun dira –enpresa industrialetako ordezkariak-, konpromisoa hartu dutenak aurreikusitako enpresa dinamiketan parte hartzeko. Natividadek dei egin zien enpresa industrialei lantaldean sar daitezen, eskualdearen berezitasunak elkarrekin definitzeko. Nahi duenak aukera du lantaldearekin harremanetan jartzeko www.lehiagune.com webgune berrian eta info@lehiagune.com posta elektronikoan (Leire Illarramendi).

Lehiagune enpresen eta enpresarien tresna bat da, eta hala izan behar du. Horregatik, ekimenak parte hartzeko deia egin nahi die enpresari eta zuzendaritza-karguei, denen konpromisoarekin eta ikuspegiarekin proiektu sendo eta anbiziotsu bat sortzeko hasieratik.

info+: www.lehiagune.com

 

Up Euskadi Wake Up!
Ekintzailetza 22 urtarrila, 2021
Wake up! Albiste ekintzaile batzuk sarean. Asteko laburpena: Urtarrilaren 18tik, 22rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

CorowayHome
Ekintzailetza 20 urtarrila, 2021
Corowai enpresa arabarra Green Product Award 2021 sarietako finalista da DIY etxolari esker

Corowai enpresa arabarra, zuhaitzetan jartzeko “Do it yourself” etxolak diseinatzen eta...Leer más

Juan Ignacio Llorente Orbea
Ekintzailetza 18 urtarrila, 2021
GOMUTAK: Patologia mentalak dituzten eta gizarte-bazterkeria arriskuan dauden pertsonen bizi-kalitatea hobetzea

Ekimen honen helburu nagusia da bere eguneroko bizitzan patología mentala eramateko zailtasunak...Leer más

colaborar ariwake
Ekintzailetza 15 urtarrila, 2021
‘COLABORAR’, Ekintzailetza Kolaboratiboaren lehen bilera, Ariwake kooperatibak antolatua

Ariwake kooperatibak COLABORAR antolatu du, ekintzailetza kolektiboaren lehenengo bilera birtuala,...Leer más

Wake Up! Up Euskadi
Wake up! Albiste ekintzaile batzuk sarean. Asteko laburpena: Urtarrilaren 11tik, 15rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?