Euskal enpresaren blog-a Zure enpresarentzat garrantzitsua den eguneroko informazioa

23 uztaila, 2020
“Inspiratuko duten, bizitza ederragoa, errazagoa egingo duten, eta ingurune atseginak egingo dituzten objektuak” sortzen ditu Muka Design Labek

Produktu-diseinatzailetzat jotzen dugu gure burua, nahiz eta hasieran barne diseinuko estudio handiekin lanean hasi ginen: Zerotik produktuak sortzea izugarri gustatzen zaigu.
muka lab

Bere Estudioa abian jartzen hasi ziren, produktuaren diseinuan arreta jartzeko asmo argiarekin,”nahiz eta beti espazioen diseinuarekin konbinatu dugu gure lana”. Beste profesional eta enpresa batzuekin izandako lankidetzari esker, duela urte batzuk hasi ziren lanean nazioartean, Txinan eta AEBn batez ere:Garai hartan, hemengo merkatua geldoagoa zegoen, eta produkzio asko Asiara deslokalizatu egin zen”, azaltzen dute Laxmi Nazabal eta Lucas Abajoek, Arte Ederretako eta Diseinu Ingeniaritzako lizentziadunak, bere bi mundu sortzaileak Muka Design Lab-en, konbinatzen dituztenak.

 

Altzariak, tresneria eta etxetresna elektriko txikiak “nortasunez eta izaeraz” sortzen dituen enpresa espezializatua zarete. Ezbairik gabe, proiektu bakoitzean adierazten zailak diren ezaugarriak dira…

Bai, pixkanaka gehiago espezializatu gara altzarietan, diseinuari halako ezaugarriak ematea errazagoa baita. Baina edozein proeikturi berrikuntzaren eta lehenago ustiatu ez diren bideen esplorazioaren abiapuntutik ekiten diogu.

Altzariarekin zerikusia duen orotan, objektuen alderdi estetikoa eta formala gehiago lantzen da; eta produktu teknologikoen arloan berriz, bere alderdi teknikoenean. Adibidez, gogoan dut Gipuzkoako esne ekoizpen txiki baten proiektua, Iztuetan, non beraiek esnea saltzen zuten poltsako pitxerra egin behar genuen. Azkenik, ekoizpen txikia izanik, 3Dko inprimaketa erabili genuen ontzia egiteko, eta 10 prototipo baino gehiago egin behar izan genituen material egokia bilatzeko. Proiektu honetan, estetika oso landuta duenez, ez da ikusten produktuaren berrikuntza-maila, baina asko gustatzen zaigu estetikak eta berrikuntzak sinbiosi perfektua egiten duten proiektuak garatzea, produktu berritzaileak diseinu-pieza bihurtzea.

 

Zein dira zuen merkatu-sektore eta bezero-mota nagusiak?

Askotariko bezeroak izan ditugu; Asian finkatuta dauden munduko bigarren plantxa-ekoizleetatik hasita, 3Dko inprimaketan fabrikatutako argiak sortzen dituzten AEBetako zenbait startup-etara… Edo tokiko esne ekoizle txiki bat, Beasainen. Ez zaigu gustatzen gure lanak proiektu-mota bakar batean sailkatzea!

 

“SlowDesign” ekimenaren alde egiten duzue… Nola islatzen duzue kontzeptu berritzaile hori zuen proiektuetan?… Nola hautematen dute bezeroek?

Beno, alde hau garatu beharreko zerbait izan da… Jakina, enpresa handi bati ez diozu lan egiteko modua aldatuko, nahi ez badu.. Baina, tokiko edo geure fabrikazioko proiektuekin bai ekin ahal izan diogu.

Adibide bat emago dizuet: zerotik sortu dugun altzarien editorea, ‘Abana Bilbao’, ‘slow design’-a sustatu nahi duen proiektua da, tokiko fabrikazioa bultzatu eta tokiko materialak erabili Atlantikoko identitatea duten produktuak egiteko; soilak eta estilo nordiko eta naturalekoak dutenak; baita online salmentakoak direnak era.

 

Bai, oso interesgarria. Zuen “Altzarien editorea, Abana Bilbao” sortu duzue, diseinuko hainbat profesionalekin lankidetzan aritzeko aukera ematen duen agertokia.

2019an, www.abanabilbao.com online denda ireki genuen, hemen ekoitzitako eta diseinatutako altzari eta osagarrietan espezializatua dagoena, hurbileko materialekin, hala nola lokatz gorria, hurbileko zurak… Hori guztia tokiko ekonomia sustatzeko asmoz sortu genuen.

Asmoa diseinuko hainbat profesionalekin lankidetzan aritzea da, katalogoa pixkanaka zabaltzeko, gu markaren arte zuzendari gisa jardunez, estetika orokorrean eta ekoizpen-prozesuetan gidatzeko.

 

Gainera, balio erantsi berezia ematen diozue artisauen eta tokiko tailerren lanari… Zorionak!

Bai, asko gustatzen zaigu “egiten jakitearen” ezagutza osoa duten tokiko artisauekin eta lantegiekin lan egitea, merkatu globalagoetan dugun ikuspegia eta esperientzia ematen saiatuz, balio segurua ematen duten produktu garaikideekin, hala nola diseinuarekin, nortasunarekin… Hemen, gure nazioarteko merkatuetan dugun esperientziak konbinazio perfektua lortzen du lankidetza horietatik.

Produktu-diseinatzaileak eta barne-diseinatzaileak zarete. Zein eremutan sentitzen zarete gusturago?

Produktu-diseinatzailetzat jotzen dugu gure burua, nahiz eta hasieran barne diseinuko estudio handiekin lanean hasi ginen: Zerotik produktuak sortzea izugarri gustatzen zaigu.

 

“German Design Awards” sariek zuen ibilbidea aintzatetsi dute, nazioarteko beste sari garrantzitsu batzuekin bat egiten duen saria, alegia…

Hala da. Bagenuen ‘RedDot Design Award’ saria, 2015ean eta “German Design Award” sarietarako izendapena 2019an. Baina, aurten, Poloniako enpresa batekin elkarrekin lan egiteko zortea izan dugu, eta ‘German Design Award’ 2020 saria jaso duen produktua ere garatu ahal izan dugu.

Esperientzia handia dugu nazioarteko azoketan; Milan, Berlin, Paris, Kanton … Eta uste dugu, beste merkatu batzuetan egiten dugun lanak ikuspegi globala eta nazioarteko merkatuen beharrei buruzko ezagutza ona ematen digula.


info+: www.mukalab.com

Muka lab

up Euskadi Emprendimiento Ekintzailetza
Ekintzailetza 27 Azaroa, 2020
Wake up! Albiste ekintzaile batzuk sarean. Asteko laburpena: Azaroaren 23tik, 27rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

bee agritech
Ekintzailetza 26 Azaroa, 2020
BEE AGRITECH: Lehen sektorea indartzen etorkizun jasangarri eta seguruagoa izateko

Bee Agritech UPV/EHUko Ekintzailetza eta Enpresen Zuzendaritza Masterrean (MBAe3) sortu zen, 2019....Leer más

Premios Emprendedor XXI Euskadi Spri BICs
Ekintzailetza 25 Azaroa, 2020
EmprendedorXXI Sariak: Zeure kandidatura aurkez ezazu abenduaren 4a baino lehen!

EmprendedorXXI Sarien XXIV. edizioa dagoeneko startupen, enpresen eta pertsona ekintzaileen...Leer más

explorer bic araba santander
Ekintzailetza 24 Azaroa, 2020
EXPLORER ARABA Spacek ideia berritzaileetan oinarritutako hogei proiektu hautatuko ditu

Abenduaren 11ra bitartean irekita egongo da Explorer Programan parte hartzeko deialdia. Munduan...Leer más

Ekintzailetza 23 Azaroa, 2020
Diversity4Equality-k Idaho eta Euskadi konektatu nahi ditu berrikuntza sozialaren bitartez

  Idaho Basque Challenge-n helburua da Idahoko euskal komunitatean eta Euskadin inpaktu...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?