Euskal enpresaren blog-a Zure enpresarentzat garrantzitsua den eguneroko informazioa

7 maiatza, 2018
Startupek zabalik dute epea B-Venture ekitaldian izena emateko

B-Venture topaketa, ipar zonako startupak finantzatzeko ekitaldi handiena, leiho ireki bat da zure negozio-ideia bikaina errealitate bihurtzeko, finantzaketa lortzeko, enpresari ikusgarritasuna emateko edota bezeroak lortzeko.
b-startup

B-Venture topaketa, ipar zonako startupak finantzatzeko ekitaldi handiena, leiho ireki bat da zure negozio-ideia bikaina errealitate bihurtzeko, finantzaketa lortzeko, enpresari ikusgarritasuna emateko edota bezeroak lortzeko. Hori guztia eta askoz gehiago, datorren urriaren 16 eta 17an Bilboko Euskalduna Jauregian.

Eusko Jaurlaritzak eta bere Garapen Agentziak (SPRI) babesten dute ekitaldi hori Bizkaiko Foru Aldundiarekin eta Bilboko Udalarekin batera, eta beste erakunde eta instituzio publiko zein pribatu batzuen laguntzarekin.

B-Venture 2018 ekitaldiak abantaila asko eskainiko dizkie startup eta enpresa parte-hartzaileei:

  • B-Venture finantzaketa kongresuak eta EL CORREO egunkariak ematen duten ikusgarritasuna.
  • Bide zuzena prestakuntza-programa osotu batean parte hartzeko. Lau aste hainbat kontzeptu garrantzitsu ikasteko, hala nola, finantzak, metrikak eta analitikak, pitchinga eta alderdi legalak, eta abar.
  • Startuparen edo enpresaren stand propioa izateko aukera ekitaldiaren erakusketa-gunean.
  • Pitching jardunaldi batean parte hartzeko aukera inbertitzaileen aurrean, tailerrak, networking-a, hitzaldiak eta B2B saioak.

 

IZEN-EMATEAK

Dagoeneko zabalik dago epea zure startupa B-Venture 2018 ekitaldiaren hurrengo edizioan inskribatzeko. Bilboko ekintzailetza eta finantzaketa kongresu honen webgunean egin dezakezu eta 2018ko ekainaren 15a da izen-ematea formalizatzeko azken eguna.

Hauek dira eman beharreko urratsak:

  • Bete izen-emate formularioa (kontuaren datuak eta enpresaren datuak).
  • Bete proiektuaren fitxa (deskargatu hemen).
  • Sartu curriculuma.

 

B-VENTURE DATU ETA ZENBAKI ESANGURATSUTAN

2017an, B-Venture ekitaldiaren bigarren edizioan, 35 startup bildu ziren, eta eurak izan ziren ekitaldiko protagonista garrantzitsuenak. Antolatzaileek aukeratutako 24 proiektuez gain, ekitaldira bildu ziren baita ere Metxa proiektu-azeleragailuak Euskalduna Jauregira eramandako lau ekimen,  Deustuko Unibertsitatetik etorritako lau proiektu eta Zitek programako hiru egitasmo. Zitek programak ekintzailetza sustatzen du Bizkaian, Euskal Herriko Unibertsitatearen barruan.

Horregatik guztiagatik, B-Venture ekitaldia erreferentziazko puntu bat da negozio eredurako konexioak eta loturak egiteko, finantzaketa lortzeko, eta baita ere proiektu ekintzaileak eta startupak nazioartekotzeko, aukera ematen baitu talentuarekin harremanetan jartzeko eta kasu arrakastatsuei ikusgarritasuna emateko.

Inbertitzaile garrantzitsuz osatutako talde bat azaldu zen ekitaldira (besteak beste, Metxa, Adara, Seayaventures, Startuxplore, Join Capital, Idodiventurecapital, Big Ban, Booster Ventures, Antai Venture Builder, Emprendiza, Knowledge Investors eta Faraday Venture Partnerse), lehen eskutik eta arretaz entzuteko proiektu berritzaileak aurkeztu zituzten ekintzaileei, etorkizunean aliantza oparoak sortzeko asmoz.

Lehen bi edizioetan 200dik gora proiektuk eta 50 inbertsio funts baino gehiagok parte hartu dute B-Venture ekitaldian, eta horri esker, 2 milioi eurotik gora inbertitu dira startupetan.

 

info+: https://goo.gl/JJTr4X

 

Up Euskadi Wake Up
Ekintzailetza 30 uztaila, 2021
Wake up! Albiste ekintzaile batzuk sarean. Asteko laburpena: Uztailaren 26tik, 30rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

anugulas aguinaga
Ekintzailetza 28 uztaila, 2021
APlanet-en teknologia, bere helburuak hobeto kudeatzeko Angulas Aguinagak eginiko apustua

APlanet Komunitate Jasangarriak eta Sozialki Arduratsuak (enpresak, ikasketa zentroak, hiriak…)...Leer más

Ekintzailetza 27 uztaila, 2021
Fesiak nerbio-sisteman lesioak dituzten pertsonak neurorrehabilitatzeko irtenbide aurreratuak garatzen ditu

Gipuzkoako Parke Zientifiko eta Teknologikotik, Fesia Technology enpresa gazteak nerbio-sistema...Leer más

Nicolás Larburu tkgune Ezkerraldea BIC
FP zentroek Enpresa Txiki eta Ertainen beharrizanei erantzuteko duten gaitasuna

TKgune programa Lanbide Heziketarako Zentroen eta enpresen arteko ezagutzaren transmisioa errazten...Leer más

ontheroad culinary action
Ekintzailetza 26 uztaila, 2021
Culinary Action! On the Road, foodtech eta 360º-ko Elikadurari lotutako startupei zuzendutako “roadshow”-a

‘Culinary Action! On the Road’, ekintzaileei zuzendutako Basque Culinary Center-en ekimen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?