Euskal enpresaren blog-a Zure enpresarentzat garrantzitsua den eguneroko informazioa

14 urria, 2020
Eusko Jaurlaritzak eta SPRI Taldeak ekintzailetzaren euskal ekosistema bultzatuko dute B-Venture ekitaldian

Bere UPEuskadi plataforma aurkeztuko du, zeinaren helburua baita elkarrekin konektatzea Euskadiko ekintzailetza publiko eta pribatuaren inguruko sare guztia

 

Eusko Jaurlaritzak euskal ekintzailetzaren ekosistema sustatzen du, SPRI Taldearen bitartez aktiboki parte hartuz B-Venture-n, urriaren 21 eta 21ean Bilbon egingo den ekintzailetzako ekitaldian. Vocento Taldeak antolatutako eta SPRI Taldeak, Bizkaiko Foru Aldundiak eta Bilboko Udalak babestutako ekimen horretan UpEuskadi plataformaren berri emango da. Plataforma horrek elkarrekin konektatzen du Euskadiko ekintzailetza publiko eta pribatuaren inguruko sare guztia.

 

Eusko Jaurlaritzaren eta SPRI Taldearen B-Venture ekitaldiko parte-hartzea formalizatzeko, bertan izango dira Leyre Madariaga, Eusko Jaurlaritzako Ekintzailetza eta Eraldaketa Digitaleko zuzendaria eta Aitor Cobanera, SPRI Taldeko Enpresa Sustapen eta Ekintzailetzako zuzendaria. Hala, BIC StartUp Day ospatuko da, zeinetan, BIC-en bitartez, hizpide hartuko baitira energia, 4.0 industria, elikadura eta osasuna bezalako gaiak. Bestalde, Hydrogen, Eurocybcar, Biotech Foods eta Ai Labs Group euskal startupen kasu konkretuak ere azalduko dira.

 

UpEuskadi plataforma

Euskadiko Ekintzailetzaren Planak ekintzailetza bultzatzera bideratutako 300dik gora ekintza barne hartzen ditu, eta oinarri bat da euskal ekosistemaren plataforma sortzeko, zeinak gida, biltegi eta komunikazio-kanal lana egiten baitu elkarrekin konektatzeko arlo horren inguruko sare guztia.

 

UPEuskadi plataformaren bitartez edozein agentek (izan startup, inbertsore, enpresa, ideia bat daukan norbait edo edozein norbanako) modua dauka aurkitzeko bilatzen ari dena lurraldeka eta osotara: laguntza edo akonpainamendua, finantzaketa, bezeroak, prestakuntza edo, startup-en kasuan,  leku fisiko bat beren proiektuentzat; edo, inbertsoreen kasuan, startup-ak, enpresa finkatuak nahiz beste inbertsore batzuk.

 

Bestalde, negozio ideia bat daukanak, hor aurkituko ditu hiru lurralde historikoetan eskaintzen diren konponbide publiko-pribatuak bere proiektua martxan jartzeko.

 

Jadanik lanean ari diren enpresek ere badute toki bat SPRIn kokatutako plataforma horretan, aukera baitute bertan aztertzeko proiektu berri baten bideragarritasuna edo finantzaketa-bideak, ezagutzeko lanean ari diren startup-ak nahiz ekintzaileak, eurekin elkarreragiteko, eta  baita ere ikusteko zeintzuk diren prestakuntza eta belaunaldi txandaketarako aukerak.

 

Kasu guztietan, edozein herritarrek aurkituko du tresna berri honetan Euskadiko ekintzailetzaren mapa osoa. Bestalde, www.upeuskadi.eus web orrian startup-ek leku berezi bat dute, zeinetan bakoitzak azaltzen duen zer den eta zein den bere negozioa, proiektua eta etorkizunerako erronka, halako moldez non tresna hori erreferentziazko gune bat bihurtzen baita balizko inbertsore eta bezeroentzat, eta orobat sustapen plataforma bat, bertan argitaratzen diren elkarrizketa eta albisteak ondoren hiruhileroko buletin batean zabaltzen direlako.

Wake UP! UpEuskadi
Ekintzailetza 16 urria, 2020
Wake up! Albiste ekintzaile batzuk sarean. Asteko laburpena: Urriaren 12tik, 16rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

mikrobiomik equipo
Ekintzailetza 15 urria, 2020
Mikrobiomik startupak giza mikrobiometan oinarritutako sendagai biologikoak garatzen ditu

Mikrobiomik “startup biofarmazeutikoa da, giza mikrobioman oinarritutako sendagai biologikoak...Leer más

bbk venture philanthropy
Ekintzailetza 14 urria, 2020
Insekt Label, The Good Riders, APlanet eta Labs Land, BBK Venture Philanthropy 2020 irabasleak

BBK Venture Philanthropy programa BBK-k Bizkaian, Garapen Jasangarriko Helburuetan (GJH)...Leer más

topaketa añana femprende
Ekintzailetza 13 urria, 2020
Emakumeen lidergoa eta ekimena landa-ingurunean. Ikaskuntza praktikoak partekatzen Kuartangon

Landa-ingurunean bizi diren emakumeak gero eta ikusgarriagoak dira, elkarteetan eta sareetan...Leer más

curso de verano ehu-upv
Ekintzailetza 12 urria, 2020
EHU/UPV ikastaroa: Ekintzailetza eta giza-gaitasunaren ekosistema COVID-19az geroztik enprenditzeko

Ikastaroaren helburu nagusia ekintzailetzarako baliabide praktiko eta metodologikoen katalogoa...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?