Euskal enpresaren blog-a Zure enpresarentzat garrantzitsua den eguneroko informazioa

2 ekaina, 2018
EraikINN, euskal ETEak enpresen erantzukizunaren alde batzen dituen ekitaldia

Newen-ek, SER eta Cebek-ekin batera antolatutako EraikINN ekitaldiaren helburua da aukera ematea ETEei enpresen erantzukizun sozialaren garrantzia eta abantailak ezagutu ditzaten. Ekitaldi hori ekainaren 11n egingo da, BIC Bizkaia Ezkerraldea zentroan, goizeko 9:00etatik eguerdiko 13:00etara. Jardunaldiaren barruan ekitaldi bat dago, enpresek beren jardunbide egokiak partekatu ditzaten eta lehen eskutik ezagutu dezaten esparru horretan erreferentziazkoak diren beste euskal antolakunde batzuen kudeaketa (hala nola, Ner Group, TZBZ, AB Laboratorios de Biotecnología, AB Laboratorios de Biotecnología, EgaMaster eta Economistas sin Fronteras

 

Hizpide hartuko da nola txertatu erantzukizunezko praktikak ETEetan, horrek berekin dakarren balioa ulertaraziz. Ekitaldira doazenek bertatik bertara entzungo dituzte EES beren estrategiaren funtsezko elementutzat duten enpresa zenbaiten lekukotzak, enpresan EESren komunikazio eraginkorra lortzeko aholkuak (espezialistek emanak) eta Nazio Batuek proposatutako GSHak (Garapen Sostengarriko Helburuak) enpresan txertatzeko azalpenak.

 

Erakunde publikoak aspaldi hasi ziren enpresa handiei erantzukizun sozial korporatiboko ziurtagiriak eskatzen. Erakunde horiekin batera, erabiltzaile eta bezeroek gero eta gehiago baloratzen dute marken erantzukizuna. Hala ere, ETEak dira (gure enpresa-sarearen %90 ordezkatzen dutenak) benetan aldea markatuko dutenak. Horregatik, EraikINN ekitaldiaren helburua da EES bultzatzea ETEetan, eta enpresek beren kudeaketaren baitan garatzen dituzten baina EES gisa identifikatzen ez dituzten praktikak detektatzea.

 

Erantzukizun Sozial Korporatiboaren kontzeptuak asko eboluzionatu du azken hamarkadetan. Gaur egun, enpresa kudeatzeko modu berezi bat da, oreka bilatzen duena hazkunde ekonomikoaren, aurrerapen sozialaren eta sostengarritasunaren artean; horixe da etorkizuna. Kontuan harturik etorkizuneko araudi berriak eta kontsumoaren joerak, enpresen erantzukizuna ezinbesteko faktorea da enpresak eraberritzeko.

 

Zorionez, ETE gehienek beren ADNan dakarte erantzukizunezko praktikak garatu beharraren kontzientzia. Kasu horretan, ETEek helburutzat hartu behar dute praktika horiek identifikatzea, eta guztiak barne hartuko dituen eta helburu eta adierazle espezifikoen arabera bereiziko dituen estrategia bat garatzea. Datozen urteetan hamaika enpresa ikusiko ditugu murgildurik prozesu horretan, etorkizun zirraragarri bat iragartzen duen prozesu bat, enpresa-jarduera sostengarrirantz hurbilduko gaituzten erronkez betea.

 

info+: www.newenbilbao.com

Izen-emateak: https://www.eventbrite.es/e/entradas-eraikinn-bilbao-las-pymes-innovamos-de-forma-responsable-46037599700

 

wake up eus
Ekintzailetza 3 uztaila, 2020
Beste albiste batzuk ekintzaileentzat. Asteko laburpena. Ekainaren 29tik, Uztailaren 3rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Novia Salcedo empleo
BIND 4.0 ekitaldiaren IV. edizioak berriro gainditu ditu espektatibak, krisia gorabehera

  SPRI Taldeko Ekintzailetzako zuzendari Aitor Urzelaik ostiral honetan aurkeztuko ditu...Leer más

imh webinars
Ekintzailetza 1 uztaila, 2020
Ekintzailetzaren sustapena Industria eta Hezkuntza esparruan

Webinar honetan ekintzailetza industriala nola sustatu dezakegun aztertuko dugu, bereziki hezkuntza...Leer más

ETE berritzaileen finantzaketari buruzko jardunaldia

EIC Europako Berrikuntza Azeleratzaileak ETEen berrikuntza-, ekintzailetza- edo...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?