Euskal enpresaren blog-a Zure enpresarentzat garrantzitsua den eguneroko informazioa

12 uztaila, 2018
Emerid identifikazio-sistemak irabazi du Explorer Bizkaia lehiaketa

 

Wearable konponbide bat da, bainujantzietan eta neoprenozko jantzietan integratzen dena

Emerid NFC teknologian oinarritutako dispositibo bat da, funtsezko informazioa ematen duena larrialdi egoeretan. Sistema hori bereziki diseinatu da arropa edo objektuetan integratzeko, eta hainbat datu gordetzen ditu, hala nola, erabiltzailearen informazio pertsonala eta medikoa, kontaktuak eta unean uneko kokapena. Surf-zalez osatutako Bizkaiko ekintzaile-talde batek sortu zuen. Urte eta erdi igaro da abian jarri zirenetik, eta dagoeneko merkaturatu dituzte dispositiboa integratuta duten haurrentzako bainujantziak eta surfa eta arroila-jaitsiera egiteko neoprenoak.

 

Sistema horrek irabazi du Explorer Bizkaia lehiaketa. Explorer Bizkaia ekintzaileei laguntzeko programa bat da, urtero egiten dena Estatu mailan CISEk (Centro Internacional Santander Emprendimiento) bultzaturik. Guztira 53 zentrotan antolatzen da, eta Bizkaiaren kasuan, SPRI Taldeak koordinatzen du BIC-Ezkerraldea zentroaren bitartez.

 

Aukeratutako ideiek 5 hilabeteko laguntza jasotzen dute, hau da, prestakuntza eta aholkularitza ematen zaie beren negozio-proiektua azeleratzeko. Jon Morentin, Emerid enpresaren sortzaileetako batek dioenez, Explorer lehiaketan parte hartzea oso esperientzia aberasgarria izan da: “harremanetan jartzen zara zurearengandik hurbil dauden sektoreetako ekintzaile askorekin, eta horrela sortzen dira lankidetzak. Gainera, tutoreek izugarri lagundu digute gure proiektua sendotzen”. Explorer Bizkaia sariari esker bidaia bat egingo dute Silicon Valleyra datorren azaroan, eta Emerid enpresako lantaldeak dio hori “aukera paregabea dela Estatu Batuetan kontaktu gehiago egiteko”.

 

Startup horrek joan den udan merkaturatu zituen haurrentzako lehen bainujantziak eta surf egiteko lehen neoprenoak, azken horien kasuan Bizkaiko Seland enpresaren laguntzarekin. Ikusirik lehen jantziek harrera ona izan zutela, erabaki zuten arroila-jaitsieretarako jantziak egiten hastea, eta orain beren erronka da Emerid dispositiboa integratzea beste sektore batzuetan, adibidez, ekipajeetan. Gainera, duela gutxi onartua izan da Startup Chile programan, nazioarteko azeleragailu garrantzitsuenetako batean. Lantaldearentzat aukera izugarria da beren produktua Latinoamerikako merkatuan sartzeko.

SABBATIC
Ekintzailetza 3 ekaina, 2020
Adimen Artifizial ultra-azkarra, ultra-praktikoa eta ultra-ekonomikoa duen ultra-maratoi baterako prest dauden enpresak

Sabbatic-i esker, edozein sektoretako eta tamainatako enpresek, Adimen Artifizialaren...Leer más

nantek aplanet Wivo
Ekintzailetza 1 ekaina, 2020
Nantek euskal startupak Emprendedor XXI Saria irabazi du

Nantek, baliabide baliotsu batean nahi ez diren plastikozko hondakinak eraldatzen dituen Erandioko...Leer más

wake up eus
Ekintzailetza 29 maiatza, 2020
Beste albiste batzuk ekintzaileentzat. Asteko laburpena. Maiatzaren 25tik, 29rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

maría sáiz ehu upv
Ekintzailetza 28 maiatza, 2020
María Saiz: ‘Negozio ekintzaileen ia % 60 beren jarduerarekin jarraitu dute, hauetako % 48 telelanaren formatuan’

María Saizekin hitz egingo dugu, UPV/EHUko MBAe3 Masterreko zuzendaria eta EEB-OVEko zuzendari...Leer más

kentu
KENTUK laugarren industria iraultzarekin bat egin du

KENTU industria merkatuan 40 urte baino gehiago daramatzan HERREKOR ETEak egindako...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?