Uztailaren 5ean, Bilboko Euskalduna Jauregian
Manufaktura aurreratu, energia eta osasun sektoreetako ekintzailetzaren arloko 300dik gora pertsona, startup, enpresa laguntzaile, industria-enpresa, inbertitzaile profesional eta eragile teknologiko elkartuko dira DemoDay BIND 4.0 ekitaldiaren hirugarren edizioan, elkarrekin trukatzeko beren jakintza eta negozio-aukerak. Aurreko bi edizioak Araban eta Gipuzkoan egin ondoren, aurtengoa Bilboko Euskalduna Jauregian egingo da uztailaren 5ean.
BIND 4.0 azelerazio-programa Eusko Jaurlaritzako Ekonomi Garapen eta Azpiegitura Sailak eta SPRI Taldeak bultzatutako ekimen bat da; 2016an sortua, munduko edozein herrialdetako startup-ei zuzentzen zaie, baldin Industria 4.0ko teknologia berrietan oinarritutako produktu edo zerbitzuak badituzte, industrian aplikatzeko potentziala badute, eta zerbitzu/produktu horien konfigurazioa bukatzen ari badira edo dagoeneko merkatuan badute. Hasieran Industria eta Energia sektoreetara zuzenduta zegoen, baina 2018tik aurrera Osasun arlora ere bideratu zen.
Hiru helburu ditu. Batetik, startup-ei benetako fakturazio bat lortzen lagundu beren proiektua enpresa handi batek aukeratua izan delako, enpresa horrek startup-aren garapena azeleratu eta finantzaketa ahalbidetzen duelarik. Bestetik, aukera eman euskal enpresa handiei talentu berria erakartzeko eta teknologia eta konponbide berritzaileak eskuratzeko, bide horretatik, beren negozioa dibertsifikatu dezaten. Azkenik, 4.0 ekintzailetza industrialaren erreferente bihurtu Euskadi.
Industria 4.0ren arloko startup-en euskal azeleratzaile publiko-pribatua den BIND 4.0 programaren hirugarren edizioak bere hautespen prozesua bukatu du. Horrela, enpresa laguntzaileek 64 herrialde ezberdinetako 524 hautagaietatik 44 proiektu garatzeko 32 startup hautatu dituzte guztira. Hautatutako proiektuak manufaktura aurreratuaren (23), energiaren (11) eta osasunaren (10) eremuetakoak dira. Nabarmengarria da aurten lehenengo aldiz programan parte hartzen duen osasunaren sektorean dagoen proiektu kopuru handia, Eusko Jaurlaritzak RIS3 Espezializazio Adimentsurako Estrategian ezarritako lehentasunekiko bateratzea gauzatzen direnak.
Proiektuen eremu teknologikoari dagokionez, desagregazioa ondorengo hau da: Internet of Things (11), Big Data (11), Manufaktura gehigarria (7), Zibersegurtasuna (6), Errealitate areagotua / Errealitate birtuala (3), Adimen artifiziala (2), Wearables (2), Infragorriaren espektroskopia (1) eta Energiaren birkarga (1).
Ekonomiaren Garapen eta Azpiegitura Sailak eta SPRI Taldeak sortutako eta kudeatutako programa honen edizio berri honetan hautatutako 32 startup-etatik, 19 Euskadikoak (% 59) eta 13 kanpokoak dira (% 41). Kanpokoetatik, 8 Estatuaren beste tokietatik datoz (Bartzelonako 2, Balentziako 2, Madrilgo 1, A Coruñako 1, Malagako 1 eta Asturiaseko 1) eta 5 atzerrikoak dira, Alemaniatik, Erresuma Batutik, Txekiar Errepublikatik, Indiatik eta Turkiatik etorritakoak.
BIND 4.0 programa
BIND 4.0 azelerazio-programa bat da eta 24 asteko iraupena du. Programa horretan parte hartzen duten startup-ek 150.000 €-ra arteko ordainsaria duen proiektu bat garatzeko aukera dute, industria-enpresa laguntzaileekin batera, eta, horretarako, laguntza-zerbitzuz eta jardueraz osatutako programa trinko bat dute eskura.
BIND 4.0 programak helburu bikoitza du: Startup-en ikuspegitik, edozein azeleratzailek eskaintzen dituen ohiko zerbitzuez baliatzeko aukeraz gain (lan-espazioak, prestakuntza, mentoring-a, diru-laguntzak, finantzaketa…), BIND 4.0 programak aukera ematen die programako enpresa laguntzaile batekin edo batzuekin lanean hasteko, betiere bezero-hornitzaile formatu batean, hau da, ordaindutako kontratu bidez.
Enpresa laguntzaileen ikuspegitik, programari esker, 4.0 industriaren esparruko munduko startup berritzaileenak ezagut ditzakete; hartara, haien talentua, teknologia edota soluzioak kontrata ditzakete eta, bide batez, enpresaren lehiakortasuna hobe dezakete.
Euskadi, ekintzailetza teknologiko eta aurreratuaren erreferente
BIND 4.0 Euskadi ekintzailetza aurreratuaren munduko mapan kokatzea helburu duen herri-apustu estrategiko bat da. Enpresa-garapenerako Euskal Agentziak (SPRI) programa hau garatzen du Eusko Jaurlaritzako Ekonomiaren Garapen eta Azpiegitura Sailarentzat, BIC Enpresa eta Berrikuntza Zentroen eta Foru Aldundien laguntzarekin. BIND 4.0 programa publiko-pribatua da eta horrek bereizten du beste startup azeleratzaile batzuengandik; gainera, maila goreneko industria-bezeroei startup-ak helaraztea bermatzen duen munduko lehen azeleratzailea da.
Berrikuntza irekiko plataformak, bere 5. ediziorako, fabrikazio aurreratuko, elikadurako, energiako...Leer más
Partekatu
SPRI Taldeko Ekintzailetzako zuzendari Aitor Urzelaik ostiral honetan aurkeztuko ditu...Leer más
Partekatu
Zibersegurtasunaren Euskal Zentroak (Basque Cybersecurity Centre-BCSC) egin eta argitaratutako...Leer más
Partekatu
Konpainia bizkaitarrak gamifikazio-tresnak garatzen ditu, tresna horien bidez jakiteko...Leer más
Partekatu
Online ekitaldi aitzindari honek industria-konpainia, ekintzaile, inbertitzaile eta teknologian...Leer más
PartekatuEguneroko informazioa, jarduera-sektoreka eta intereseko
hartzeko.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?