UGGASA-ko Urola Garaia SORTZEN ekintzailetza zerbitzuak eskualdeko autonomo eta ekintzaileei zuzenduta, negozioen egunerokotasunaren oinarrizko kudeaketa erraztera bideratutako formakuntza eskainiko du. Lau orduko formakuntza saioak, hiru tailerretan banatuko dira, urriko eta azaroko hiru ostiraletan: urriaren 16an, azaroaren 6an eta azaroaren 27an.
Parte-hartzaileek euren jardunaren gutxieneko kontrola izateko tresnak eskuratu ahal izango dituzte, izan ere, ekintzaile batek negozio bat martxan jartzen duenean, bere gain hartzen baititu hau sustengatzeko beharrezko jarduerak: bezero eta hornitzaileekin harremanak, banketxeekin negoziazioa, langileen ardura edo eta komertzial lana.
Arlo guztietan aditua izatea ezinezkoa dela iritzita eta ekintzaileen artean kezka sortzen duen gai bezala kudeaketa ekonomikoa askotan errepikatzen dela ikusita, UGGASAk Urola Garaia garatzeko bere konpromisioan, euren negozioen funtzionamendua hobetu nahi duten eskualdeko autonomo eta ekintzaileentzeen alboan egoten jarraitu nahi du.
Egoera honetan bazaude eta, besteak beste, zure negozioaren egoera uneoro ezagutu nahi baduzu, zergak noiz ordaindu behar dituzun, edo eta zenbat ordaindu behar duzun aurreikusten ikasi nahi baduzu, orain duzu aukera.
Formakuntzan parte hartu edo informazio gehiago nahi baduzu,
deitu 943 72 58 31 zenbakira edo idatzi aamenabar@uggasa.eus
(Amaia Amenabar Amilibia) urriak 14 baino lehen