Euskal enpresaren blog-a Zure enpresarentzat garrantzitsua den eguneroko informazioa

13 apirila, 2018
Innova Bilbao kongresuaren VI. edizioa Guggenheim museoan egingo da

Innova Bilbao

El Correo egunkariak antolatzen duen Innova Bilbao kongresua ezinbesteko hitzordu bihurtu da enpresen berrikuntza eta sormenaren munduan. Apirilaren 20an eta 21ean Bilboko Guggenheim Museoan elkartuko dira berriro hainbat sektoretako -marketin digitala, ekintzailetza, adimen artifiziala, teknologia berriak edota sare sozialak- aditu onenak, ahaztu gabe gizakiaren ikuspegiak bultzatzen gaituela berrikuntza bilatzera.

 

Horregatik, Innova Bilbao ekitaldian gogoeta egingo da enpresa eta ekintzailetza arloetako eta esparru pertsonaleko joera berriei buruz. Kongresuaren bi jardunaldietan zehar, hizpide hartuko dira berrikuntza teknologikoa, komunikatzeko modu berriak, dibulgaziorako bide modernoak edota nola berrasmatu bizimodua etorkizun berritzaile bat bilatzeko. Hizlari arituko dira, besteak beste, Toni Segarra (Espainiako XX. mendeko publizitate sortzaile berritzaileena), Carlos Jean (musikaria, kantaria, produktorea eta DJa), Aleyda Solis (SEO aholkulari ezaguna) edota Andy Stalman (branding arloko munduko aditu garrantzitsuenetako bat).

Musikaren aurpegi ludiko eta dibulgatiboena izango da Innova Bilbao kongresuaren VI. edizio honetako protagonistetako bat, Miguel De Páramoren eta Jaime Altozano musika-konposatzaile eta -produktorearen eskutik. “Yo Fui a EGB” fenomeno nostalgikoaren sortzaileek azalduko dute zeintzuk diren adin mugarik ez daukan produktu horren gakoak, nola hasi zen bi lagunen blog modura eta nola bihurtu den aztertzeko moduko transmedia-proiektu bat.

Innova Bilbao kongresuaren indar-guneetako bat beti izan da ekitaldiaren amaierako hitzaldia. Hala, Eduardo Anítua zirujauak, Aitor Elizegui chefak, Pablo Pineda maisu, idazle eta aktoreak eta, besteak beste, Mikel Ayestarán gatazka-eremuetako berriemaileak beren esperientzia pertsonal, humano eta hunkigarriak partekatu dituzte beste edizio batzuetan.

Seigarren edizio honetan, Julen Guerrerok, Athletic Clubeko kapitain ezagunak, emango dio buru ekitaldiari. Bere hitzaldian hizpide izango ditu nola hasi zen futbolean, zein izan den bere ibilbidea eta zein ziurgabea den eliteko kirolari baten bizitza futboleko botak kentzen dituenean…

Laburtuz, egitarau anbiziotsu bat bertaratuek hobeto ezagutu ditzaten berrikuntzaren -etorkizuna eraikitzearen erronka zail horren- sekretuak.

www.innova-bilbao.com

 

wake up eus
Ekintzailetza 10 uztaila, 2020
Beste albiste batzuk ekintzaileentzat. Asteko laburpena. Uztailaren 6tik 10rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Pablo Ocaña the glocal network
Ekintzailetza 9 uztaila, 2020
Adimen kolektiboa; XXI. Mendeko erronka erakundeentzat

“Komunitatea" ia mundu guztiak ulertzen duen terminoa da eta gero eta garrantzitsuagoa da edozein...Leer más

crowdfunding bizkaia
Ekintzailetza 8 uztaila, 2020
Igo zure proiektua, finkatu lortu nahi duzun zenbatekoa eta hasi finantziazio-erronda. Oso erraza!

Baduzu proiekturik buruan, baina ez dakizu nola finantzatu? Crowdfunding Bizkaia aurkezten...Leer más

eic aceleradora europea
wake up eus
Ekintzailetza 3 uztaila, 2020
Beste albiste batzuk ekintzaileentzat. Asteko laburpena. Ekainaren 29tik, Uztailaren 3rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?