Euskal enpresaren blog-a Zure enpresarentzat garrantzitsua den eguneroko informazioa

10 ekaina, 2019
Donostiako LABe-Digital Gastronomy Lab-en ekintzailetza gastronomikoari buruzko topaketa bat egingo da ekainaren 21etik 23ra bitartean

ekintzaile, sortzaile, foodie, diseinatzaile, chef eta komunikatzaileei zuzenduta dago, besteak beste,..
startup weekend

“San Sebastian Gastronomy Startup Weekend” ekitaldian, gastronomiarekin eta berrikuntzarekin lotutako ideiak eta proiektuak garatu eta, epaimahaikide eta mentore adituen laguntzaz, negozio-eredu bihurtzeko aukera izango dute ekintzaileek.

Ekitaldia Tabakalerako LABe – Digital Gastronomy Laben izango da ekainaren 21etik 23ra, eta ekintzaile, sortzaile, foodie, diseinatzaile, chef eta komunikatzaileei zuzenduta dago, besteak beste.

Ekainaren 21etik 23rako asteburuan, Basque Culinary Centerreko LABe-Digital Gastronomy Laben, “San Sebastian Gastronomy Startup Weekend” egingo da, alegia, ekintzaileei, epaimahaikide eta mentore adituen laguntzaz, gastronomiarekin lotutako ideiak eta proiektuak eraldatzeko eta proiektatzeko moduak irakatsiko dizkien ekitaldia. Arlo gastronomikoaren ekoizpen-, banaketa-, eraldaketa- eta kontsumo-faseetako erronketako batzuei irtenbidea emateko aplikazio, plataforma, gailu, ekipamendu eta bestelako negozio-eredu berritzaileak jorratzeko aukera izango da.

Ekintzailetza helburu duen topaketa honek berrikuntza irekiko ekosistema sortzeko asmoa du, ekintzaileek partekatzeko, ikasteko, sortzeko, beren komunitatea indartzeko eta dibertitzeko aukera izan dezaten. Donostiako Startup Weekend ekitaldia, Techstars ekintzaileei laguntzeko sare globalak sustatutakoa, sektore guztietako pertsonei irekita dago baldin eta berritzaileak, sortzaileak, foodieak, diseinatzaileak, ingeniariak, chefak eta kudeatzaileak badira, besteak beste. Munduko 140 herrialdetan baino gehiagotan egin izan dira Startup Weekend ekitaldiak, baina gastronomiaren balio-kateari buruzko hau Donostian egingo den lehena izango da.

Parte-hartzaileek aurkeztuko dituzten ideiak eta proiektuak gastronomiaren balio-katea hobetzeko edozer arazo edo proposamenekin lotura izan dezake (prototipo fisiko bat, elikagai bat, metodologia berri bat edota web edo mugikor aplikazio bat sortzea, adibidez). Parte-hartzaileek taldean egingo dute lan ideia hori sortzen eta eraldatzen, epaimahaikideen eta mentoreen feedbackarekin.

Ekitaldia ostiraleko 18:00etan hasiko da; parte-hartzaileek ideiak sortu eta azalduko dituzte. Ondoren, onenak hautatuko dituzte han sortutako taldeek gara ditzaten larunbatean eta igandean, hainbat dinamikaren bitartez. Ideiak nitxo edo arazo jakin batekin erlazionatuta egon daitezke, eta horien irtenbideak gastronomiaren arloan pertsonei onura ekartzeko, eraldaketa bat sortzeko, eragin positiboa eragiteko eta bideragarritasun ekonomikoa izateko balioko du.

Jardunaldietan hainbat epaimahaikide eta hamar bat mentore aditu izango dira, guztiak tech fooden, berrikuntzaren, diseinuaren, inbertsioaren eta ekintzailetzaren arlokoak. Gainera, parte-hartzaileek ekintzaile arrakastatsuen hitzaldiak entzuteko aukera izango dute, eta ideia bat nola bideratu, azkar prototipatu, negozio-eredu bihurtu eta aldaketarekiko moldagarri izan ikasteko ere bai.

Igande arratsaldean, taldeek beren proiektuak aurkeztuko dituzte eta irabazle bat aukeratuko da. Saria “Culinary Action!”en ekintzailetza babesteko programen laguntza izango da, hau da, ekintzailetza eta gastronomiarekin lotutako negozioen sorrera sustatzen duen Basque Culinary Center-en ekimenarenak. Bestalde, talde irabazleko kideek hiru hilez LABe-Digital Gastronomy Laben espazioak erabiltzeko aukera izango dute.

Ekitaldi honetan, LABe-Digital Gastronomy Labek eta Basque Culinary Center-ek gastronomiaren berrikuntza eta ekintzailetza sustatu eta nabarmendu nahi dute, espazio berria sektorean kokatzeko eta, gainera, ekintzaileen eta berritzaileen komunitatearen arteko harremanak sendotzeko.

Izena eman daiteke jada https://www.eventbrite.com/e/san-sebastian-gastronomy-techstars-startup-weekend-tickets-61615094406 webgunean. Leku berean, egitarauari, mentoreei eta epaimahaikideei buruzko informazioa dago.

Up Euskadi Wake Up
Ekintzailetza 30 uztaila, 2021
Wake up! Albiste ekintzaile batzuk sarean. Asteko laburpena: Uztailaren 26tik, 30rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

anugulas aguinaga
Ekintzailetza 28 uztaila, 2021
APlanet-en teknologia, bere helburuak hobeto kudeatzeko Angulas Aguinagak eginiko apustua

APlanet Komunitate Jasangarriak eta Sozialki Arduratsuak (enpresak, ikasketa zentroak, hiriak…)...Leer más

Ekintzailetza 27 uztaila, 2021
Fesiak nerbio-sisteman lesioak dituzten pertsonak neurorrehabilitatzeko irtenbide aurreratuak garatzen ditu

Gipuzkoako Parke Zientifiko eta Teknologikotik, Fesia Technology enpresa gazteak nerbio-sistema...Leer más

Nicolás Larburu tkgune Ezkerraldea BIC
FP zentroek Enpresa Txiki eta Ertainen beharrizanei erantzuteko duten gaitasuna

TKgune programa Lanbide Heziketarako Zentroen eta enpresen arteko ezagutzaren transmisioa errazten...Leer más

ontheroad culinary action
Ekintzailetza 26 uztaila, 2021
Culinary Action! On the Road, foodtech eta 360º-ko Elikadurari lotutako startupei zuzendutako “roadshow”-a

‘Culinary Action! On the Road’, ekintzaileei zuzendutako Basque Culinary Center-en ekimen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?