Euskal enpresaren blog-a Zure enpresarentzat garrantzitsua den eguneroko informazioa

13 Marzo, 2019
Azaro Fundazioa: EMEKIN programaren 2.edizioa martxan da

Iaz egin zen lehenengo edizioan parte hartu zuten emakumeek egindako balorazio positiboei esker, aurten ere errepikatzea erabaki dute antolatzaileek. Otsailaren 7an hasi zen bigarren edizio honetan 10 emakume ari dira parte hartzen.
emekin azaro fundazioa

Azaro Fundazioak, Leartibai Garapen Agentzia eta Lea Artibai Ikastetxearekin elkarlanean, EMEekin programaren bigarren edizioari hasiera eman dio. Iaz egin zen lehenengo edizioan parte hartu zuten emakumeek egindako balorazio positiboei esker, aurten ere errepikatzea erabaki dute antolatzaileek. Otsailaren 7an hasi zen bigarren edizio honetan 10 emakume ari dira parte hartzen.

Programa hau Bizkaiko Foru Aldundiak ekintzailetzarako eta kalitatezko enplegu egonkorrak sortzeko ematen dituen dirulaguntzen bidez finantzatuta dago. Lea-Artibai eskualdeko eta inguruko emakume langabetuei zuzenduta dago, eta kalitatezko enplegu egonkorrak bultzatzea da haren helburua. Formakuntza programa berritzaile baten bitartez, emakumeak ahaldundu eta egungo lan mundurako beharrezkoak diren tresnak ahalbidetuko zaizkie, laneratzeko momentuanprest eta konfiantzaz sentitu daitezen.

Heziketa eredua ez da ohikoa; online ikasketa tartekatzen da astean bost orduko aurrez aurreko klaseekin. Partaideek zenbait gairi buruzko bideoak ikusten dituzte etxean, eta zalantzak argitzeko edo galderak erantzuteko, tutorearekin etengabeko harremana izateko aukera dute, emailez edo telefonoz. Astean egun baten (gehienez bitan) aurrez aurreko klaseak dituzte; dinamikoak dira, eta ikasitakoa modu erlaxatu eta erraz batean barneratzeko prestatuta daude. Metodologia berritzaile horren bitartez, IKT tresnen erabilera bultzatu eta familia bizitzarekin bateragarritasuna erraztu nahi dira.

EMEekin programa profil ezberdinetako hainbat emakumeren bilgune bat denez, formazioaren hasieran banakako elkarrizketa egin zaie, bakoitzaren kasu eta ezaugarriei egokitutako ibilbide pertsonalizatu bat diseinatzeko. Edukiei dagokienez, ikastaroa hainbat modulutan banatuta dago. Hasteko, Lea-Artibaiko enpresa ehuna aztertuko dute, eskualdeko errealitatea ezagutzeko asmoz. Ondoren, aditu baten eskutik, lana aurkitzeko erabiltzen diren baliabide digitalak ezagutuko dituzte. Gainera, sormena, ekonomia zirkularra eta ekintzailetza bezalako gaiak ere jorratuko dituzte, eta berrikuntzari buruzko formakuntza ere izango dute; enpresa munduarekin kontaktua berreskuratu eta egun balioesten diren gaitasunak ezagutzeko. Enpresa munduan gaurkotasuna duten gaiak ere landuko dituzte.

Aurtengo edizioan, garrantzia berezia emango zaie, gaitasun pertsonalak garatzeko mindfulness eta coaching bezalako tekniken erabilerari.

Bukatzeko, antolatzaileek ahal duten guztia egingo dute programa bukatzerakoan lan elkarrizketaren bat hitzartuta izateko.

+info: http://xurl.es/g7u5a

Up Euskadi Wake Up
Ekintzailetza 30 uztaila, 2021
Wake up! Albiste ekintzaile batzuk sarean. Asteko laburpena: Uztailaren 26tik, 30rako astea

Wake up! -ek Komunikabide eta Sareko Blog desberdinek argitaratutako albisteen hautaketa txiki bat...Leer más

anugulas aguinaga
Ekintzailetza 28 uztaila, 2021
APlanet-en teknologia, bere helburuak hobeto kudeatzeko Angulas Aguinagak eginiko apustua

APlanet Komunitate Jasangarriak eta Sozialki Arduratsuak (enpresak, ikasketa zentroak, hiriak…)...Leer más

Ekintzailetza 27 uztaila, 2021
Fesiak nerbio-sisteman lesioak dituzten pertsonak neurorrehabilitatzeko irtenbide aurreratuak garatzen ditu

Gipuzkoako Parke Zientifiko eta Teknologikotik, Fesia Technology enpresa gazteak nerbio-sistema...Leer más

Nicolás Larburu tkgune Ezkerraldea BIC
FP zentroek Enpresa Txiki eta Ertainen beharrizanei erantzuteko duten gaitasuna

TKgune programa Lanbide Heziketarako Zentroen eta enpresen arteko ezagutzaren transmisioa errazten...Leer más

ontheroad culinary action
Ekintzailetza 26 uztaila, 2021
Culinary Action! On the Road, foodtech eta 360º-ko Elikadurari lotutako startupei zuzendutako “roadshow”-a

‘Culinary Action! On the Road’, ekintzaileei zuzendutako Basque Culinary Center-en ekimen...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?