Euskal enpresaren blog-a Zure enpresarentzat garrantzitsua den eguneroko informazioa

6 otsaila, 2020
Basq, 6.000tik gora plastikozko botila zapatila bihurturik

Basq startup bizkaitarrak plastikoz eta kotoiz eginiko arropa guztiz birziklatuak saltzen ditu

Basq startup bizkaitarrak plastikoz eta kotoiz eginiko arropa guztiz birziklatuak saltzen ditu

Arroparen industria munduko kutsakorrenetako bat da, baliabide natural ugari behar ditu eta, aldi berean, mundu osoan erabiltzen diren produktu kimiko toxikoen % 25 inguru kontsumitzen du. 1.700 litro ur garbi behar dira zapatila pare bat egiteko, 2.700 litro kamiseta bat ekoizteko, eta ingurumen aztarna are handiagoa da kontuan hartzen badugu arropa eta zapatila horien % 90 ez direla birziklatzen eta zabortegietan bukatzen dutela.

 

Basq startup-aren helburua da produkzio-metodo horien alternatiba bat eskaintzea, hau da, ekonomia zirkularraren ideia arroparen sektorera eramatea, eta, horrela, guztiz birziklatutako zapatila, kamiseta eta izerditako linea berri bat sortzea. “Marka bat sortu nahi nuen elkarrekin batuz gustatzen zaidan guztia: surfa, birziklapena eta zapatilak”, dio Aitor Álvarezek, Basq enpresaren fundatzaile eta zuzendari nagusiak, “uretako kirol bat egiten baduzu denbora asko ematen duzu uretan, eta oso argi ikusten duzu zenbaterainokoa den kutsadura”. Hortik abiatuta hasi zen guztiz birziklatutako lehen zapatila parea sortzen. Zapatilak merkaturatu direnetik 6 hilabete igaro diren honetan, eskaerak jasotzen hasi dira Estatu Batuetatik, Latinoamerikatik eta Europa osotik.

 

Zapatila pare bakoitza fabrikatzeko 6 plastikozko botila erabiltzen dituzte, material hori PET poliester birziklatu bilakatuz. Horrekin batera, orobat saihesten dira oinetakoak hutsetik egiteko beharko liratekeen ura eta produktu kimikoak. Nahiz eta garrantzitsua den plastikoa birziklatzea, Basq startup-eko lantaldeak garrantzi handia ematen dio, orobat, kotoiaren birziklapenari, hain prentsa txarrik ez duen arren, ingurumen aztarna oso handia sortzen baitu.  “Kotoi kilo bakoitzeko 11.000 litro ur garbi behar dira eta hainbat produktu kimiko toxiko erabiltzen dira, hala nola, pestizidak, tinduak…” azaldu du Aitor Álvarezek, “material birziklatuekin bakarrik lor daiteke baliabide horiek ez kontsumitzea”. Basq enpresaren kamiseta eta izerditakoak kotoi birziklatuzkoak (% 60) eta plastikozko botiletatik eratorritako poliesterrezkoak (% 40) dira.

 

Enpresaren filosofiari jarraiki, zapatilak eta arropak fabrikatzeko prozesu guztietan errespetatzen dira jasangarritasun ekologikoa eta soziala; horregatik, hurbil dauden enpresekin lan egiten dute eta energia berriztagarrien erabilpena lehenesten dute. Enpresa katalan batek zuntza ateratzen du botiletatik eta kotoitik haria egiteko; pneumatikozko zolak Ordizian egiten dira eta zapatilak eskuz muntatzen dira Elcheko tailer batean.

 

Lehen produktuek izan duten harrera ona ikusirik, Basq zapatila modelo berri bat garatzen ari da, udaberrian merkaturatuko dena. Bestalde, ahalegina egiten ari dira nazioartean zabaltzeko, bezero asko Estatutik kanpokoak direlako, eta baita ere denda fisikoetako salmentak handitzeko. Basq SPRI Taldeak bultzatutako Ekintzailetzaren Euskal Ekosistemako UpEuskadi plataformako kidea da.

Wake UP! UpEuskadi
Start-ups 16 urria, 2020
Wake up! Albiste ekintzaile batzuk sarean. Asteko laburpena: Urriaren 12tik, 16rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

mikrobiomik equipo
Start-ups 15 urria, 2020
Mikrobiomik startupak giza mikrobiometan oinarritutako sendagai biologikoak garatzen ditu

Mikrobiomik “startup biofarmazeutikoa da, giza mikrobioman oinarritutako sendagai biologikoak...Leer más

Start-ups 14 urria, 2020
Eusko Jaurlaritzak eta SPRI Taldeak ekintzailetzaren euskal ekosistema bultzatuko dute B-Venture ekitaldian

  Eusko Jaurlaritzak euskal ekintzailetzaren ekosistema sustatzen du, SPRI Taldearen...Leer más

bbk venture philanthropy
Insekt Label, The Good Riders, APlanet eta Labs Land, BBK Venture Philanthropy 2020 irabasleak

BBK Venture Philanthropy programa BBK-k Bizkaian, Garapen Jasangarriko Helburuetan (GJH)...Leer más

Xabet
Start-ups 13 urria, 2020
Xabetek sektore eolikoari haize-sorgailuetatik jasotako datuetarako sarbide garden bat errazteko tresna berria sortu du

Xabet enpresa eolikoen lana errazteko helburu duen lantalde baten buru da. Lantalde...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?