Euskal enpresaren blog-a Zure enpresarentzat garrantzitsua den eguneroko informazioa

1 abendua, 2018
Ekintzailetza korporatiboa bultzatzeko gakoak

Aste honetan egin da Arabako Parke Teknologikoan “Made In Álava barne-ekintzailetza” jardunaldia.
BIC ARABA intraemprendimiento

Aste honetan egin da Arabako Parke Teknologikoan “Made In Álava barne-ekintzailetza” jardunaldia. Bic Arabak eta Up!Euskadik antolatutako ekitaldian bertaratutakoek lehen eskutik ezagutu ahal izan zituzten Araban izan diren barne-ekintzailetzaren inguruko zenbait arrakasta-kasu, eta, horrekin batera, berrikuntza bultzatzeko zein egitura diren egokiak ere jakin ahal izan zuten.

Hasteko, barne-ekintzailetza modako hitz horietako bat dela irudi dezake, baina Eusko Jaurlaritzako Ekintzailetzako arduradun Luis Mª. Cañizaresek nabarmendu zuenez, funtsezkoa da enpresak biziraun dezan. “Merkatuaren premietara eguneratzen ez dakiten eta berritzen ez diren enpresak desagertu egin daitezke. Musika-industrian azken urteetan gertatu den eraldaketa edo gaur egun taxiekin gertatzen ari dena ikustea baino ez dago”, adierazi zuenez.

Horregatik, honaino iritsita, galdera ez da zer da barne-ekintzailetza?, baizik eta nola susta dezaket nire enpresan?

 

Nola bultzatu barne-ekintzailetza?

Galdera horri erantzuten saiatzeko, Mathieu Carenzo MBAko irakasleak eta inbertitzaileak zenbait gako partekatu zituen barne-ekintzailetza korporatiboa optimizatu eta bultzatzeko:

  1. Barne-talentuak bilatu, aurkitu eta haiekin konfiantza izatea.
  2. Arrisku-kapital korporatiboa garatzea.
  3. Enpresaren kultura aldatzea.
  4. Ingurune lehiakorra kontrolatzea.

“Berritu nahi baduzu eta sortzaileagoa izan nahi baduzu, ezin dituzu komunikazioa eta ideiak kontrolatu, ideiei ateratzen utzi behar diezu”, Carenzok esan zuenez. Gainera, datu benetan deigarria partekatu zuen: “Enpresen % 80an norbaitek ideia bat duenean ez daki oso ondo nori kontatu”.

Soluzio gisa, Siemens enpresaren adibidea jarri zuen, barne-ekintzailetzaren kultura oso barneratuta baitauka, eta tinko ezarritako irizpide batzuk ere baditu barne-ekintzaileak hautatzeko orduan.

Azkenik, berrikuntza korporatiboa bultzatzeko jendeari esperimentatzen uztea oso garrantzitsua dela biltzen duen ideia azpimarratu zuen, porrotak zigortzea eta arrakastak saritzea biltzen duen ideiarekin kontrajarrita.

 

Nola egiten da barne-ekintzailetza Araban?

Gainera, jardunaldian, enpresa baten barruan ekintzailetzan aritzeko garaian izandako hiru arrakasta-kasu ezagutu ahal izan genituen Joseba Alustizaren (Encriptia/SVC), Joxe Mari Gallastegiren (Joma) eta Gaizka Grajales (Alcor Taldea) eskutik.

Segurutasunaren sektorean 30 urtetik gorako esperientzia duen SVC enpresaren kasuan, aldiz, arlo digitalera jauzi egitea erabaki zuen enpresak zibersegurtasuneko zerbitzu eta soluzioak eskaintzen hasteko. Horrela sortu zen Encriptia, SVCren Spin-off enpresa bat, segurtasun esferikoa eskaintzea ahalbidetzen diena. “Baziren jada zibersegurtasuneko soluzioak eskaintzen zituzten enpresak, baina guztiak enpresa handira bideratuta zeuden eta bakar batek ere ez zituen ETEen premietara egokitutako zerbitzuak”, Joseba Alustizak bere hitzaldian adierazi zuenez.

Bestalde, Joma enpresak egindako bidea partekatu zuen Joxe Mari Gallastegik, produktu zaharkituak zituen enpresa txiki bat izatetik berrasmatu eta paketeriako enpresek duten arazo handienetako bati konponbide bat eskaintzera iritsi baita bide horren ondorioz. “AMIA azterketa bat egin ondoren, aukera izugarria aurkitu genuen paketeriaren merkatuan. Paketeen % 30 ez dira lehen saialdian entregatzen eta arazo handia da hori”, Gallastegik esan zuenez, “orain ez ditugu soilik metalezko kutxak saltzen, orain aurrezpena, efizientzia, moldakortasuna, eta abar, saltzen ditugu”.

Jardunaldiari amaiera emateko, Gaizka Grajalesek hartu zuen hitza eta Grupo Alcor izan duen prozesua kontatu zuen, azkenean soil-soilik teknologia berriak eta sortzen diren negozio-aukerak ardatz dituen dibisio berri bat sortu baitu taldeak. Gainera, aholku txiki bat ere utzi zuen ekintzaile guztientzat (arlo korporatiboaren barruan edo kanpoan): “Start-up askok egiten duten akats handietako bat bezero-kalkuluak, merkatu bolumena eta diru-sarreren kopurua da. Anbizio handiegikoak izaten direnez, ezinezkoa gertatzen da hori errealitatearekin uztartzea”.

Barne-ekintzailetzan sakondu nahi baduzu eta zure enpresan horren aldeko dinamikak sortu nahi badituzu, sar zaitez BIC Arabaren webgunean edo jar zaitez harremanetan zuzenean BIC Arabarekin bicaraba@bicaraba.eus helbidean edo 945 29 82 82 telefono-zenbakian.

Iturria: Araba Ekinean

intraemprendimiento
Barnekintzailetza 26 ekaina, 2020
Barne Ekintzailetza: Eusko Jaurlaritzak eta SPRIk enpresentzako laguntza indartu dute

Ba al du zure enpresak negozio-aukera berririk? Covid-19rekin lotutako jardueraren bat egin al...Leer más

kentu
Barnekintzailetza 28 maiatza, 2020
KENTUK laugarren industria iraultzarekin bat egin du

KENTU industria merkatuan 40 urte baino gehiago daramatzan HERREKOR ETEak egindako...Leer más

Barnekintzailetza 25 maiatza, 2020
LabsLand-ek bere urruneko laborategi-sarea ireki du ikastetxeentzat

  Proiektu honekin posible da denbora errealeko esperimentuak egitea mundu osoko...Leer más

David Zabala
Barnekintzailetza 15 apirila, 2020
Ekomodo: “Inoiz baino lankidetza eta batasun handiagoa behar dugu krisi hau bezalako erronkei aurre egiteko”

  Ekonomia Zirkularreko Europako erreferentea den enpresak (Eko-REC taldeko spin off-a)...Leer más

PerpetumMobile
Barnekintzailetza 2 apirila, 2020
PerpetumMobile: Diseinuak eta koloreak Inklusioan laguntzeko

PerpetumMobile 2018an sortu zen ekimen koloreztatu bat da. Bartzelonako erdiguneko biltegi batean...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?