Albisteak 24 ekaina, 2019

Aurrera Programa berritu egin da startupak bultzatzeko beste 5 milioi gehiagorekin

Ekintzaileei eta ETE sortu berriei zuzendutako eta SPRIk, Finantzen Euskal Institutuak eta Elkargik abian jarritako programa horrek 4,5 milioi euro inguruko mailegu-eragiketak egin ditu orain arte
-

 

Ekintzaileei eta ETE sortu berriei zuzendutako eta SPRIk, Finantzen Euskal Institutuak eta Elkargik abian jarritako programa horrek 4,5 milioi euro inguruko mailegu-eragiketak egin ditu orain arte

Urte bakarrean, ekimenaren lau urteetarako aurreikusitako ia finantza-linea osoa esleitu da

 

SPRIk, Finantzen Euskal Institutuak eta Elkargik enpresa-proiektu ekintzaileak finantzatzeko bultzatutako Aurrera Programak beste 5 milioi euroko zuzkidura lortu du Euskadiko startupei finantzaketa-lineak eskaintzen jarraitzeko. Akordioa hasiera bateko lau urteetarako aurreikusitako ia finantza-linea osoa lehen urtean esleitu ondoren berritu da. Eskaeren erritmoa dela eta, finantza-tresna horren hartzaile nagusiak diren enpresa sortu berrien eta startupen harrera oso ona izan dela esan daiteke.

 

Ekonomiaren Garapeneko eta Azpiegituretako sailburu Arantxa Tapiak, Ogasun eta Ekonomiako sailburu Pedro Azpiazuk eta ELKARGIko presidente Josu Sanchezek Aurrera Programaren konpromisoa ezartzen duen eta duela urtebete lehen aldiz sinatu zen akordioa berritu dute gaur.

 

Ekonomiaren Garapen eta Azpiegitura Sailak (SPRIren bitartez), Ogasun eta Ekonomia Sailak (Finantzen Euskal Institutuaren bitartez) eta ELKARGI Elkar Bermatzeko Sozietateak 2018ko martxoaren 15ean izenpetutako hitzarmenaren ondorioz, Aurrera Programak 4,5 milioi euro inguruko 34 eragiketa onartu ditu orain arte, eta ia 3,6 milioi euroko 30 eragiketa egin dira.

 

Eragiketa horiek hainbat jarduera-sektoretan banatu dira, eta, haien artean, bioteknologia, ekonomia gehigarria, material berriak eta informazioaren teknologiak nabarmendu dira. Aurrera Programa baliatu duten enpresa sortu berri gehienen profil teknologikoaren maila handia bada ere, sektore tradizionalagoei (hala nola ehungintzari eta fisioterapiari) lotutako beste ekimen batzuk ere bultzatu dira.

 

EAEko hiru lurraldeen arteko banaketa uniformea da. Hartzaile nagusia Bizkaia izan da (eragiketen % 38), eta, haren atzetik, Gipuzkoa (% 35) eta Araba (% 27) kokatu dira. Onartutako eragiketa bakoitzaren batez besteko zenbatekoa 128.000 euro izan da. Gainera, Aurrera Programak enpleguan izan duen eraginari dagokionez, 182 pertsonak lortu dute enplegua.

 

Ekintzailetza bultzatzen jarraitzeko, Aurrera Programak 5 milioi euroko beste finantza-linea bat lortu du, jarduera hasi zutenetik gehienez ere 3 urteko antzinatasuna duten, ekintzailetza-jarduera bat egiten duten eta 3 urtean gutxienez 3 enplegu sortzeko enpresa-proiektu batekin konprometituta dauden enpresa txiki eta ertain sortu berriei epe luzerako maileguak emateko.

 

Aurrera Programaren bitartez, Finantzen Euskal Institutuak 50.000 eurotik 250.000 eurora bitarteko zenbatekoa duten zuzeneko maileguak ematen ditu, 12 hilabeteko Euriborra+% 1,25eko interes-tasarekin, 7 urtera bitarteko amortizazio-epearekin eta 2 urtera bitarteko gabealdiarekin. Enpresa eskatzaileak proiektuaren finantzaketa-premiaren % 30eko ekarpena egin beharko du gutxienez, eta, beraz, Finantzen Euskal Institutuak jarritako 5 milioi euroak zuzeneko inbertsioko 7,15 milioi euro izango dira gutxienez.

 

Finantza-eragiketak Finantzen Euskal Institutuak egingo ditu zuzenean, eta ELKARGIren abala beharko dute. Sozietate horrek eskaerak ebaluatuko ditu, eta, horretarako, bere ohiko abal-jardueran erabili ohi dituen azterketa- eta erabaki-irizpideak aplikatuko ditu. Azpimarratu beharra dago eskatzaileei ez zaiela hipoteka-bermerik eskatuko, ezta senideen edo proiektuen sustatzaile eta bultzatzaileez bestelako pertsonen sinadurarik ere.

 

Bestalde, gogorarazi beharra dago finantzaketa-linea horrek Eusko Jaurlaritzak eskainitako laguntza ekonomikoen zorroa (diru-laguntza, mailegua eta kapitala) osatzen duela, eta ETEei malgutasun handiagoa (aktibo finkoa + zirkulatzailea), epe luzerako ikuspegia eta ELKARGIren bermea dituen finantza-tresna berri bat eskaintzen diela.

 

Startupen esperientzia Aurrera programarekin

Gaur egin den prentsa aurrekoan VELTIUMeko Alberto Delgadok eta Naru Intelligenceko Eider Sanchezek ere parte hartu dute. Bi startup hauek Aurrera programak eskainitako finantziazio lerroa erabili dute, eta euren esperientzia azaldu dute gaur.

 

VELTIUM startup-aren sortzaileetako bat eta zuzendari nagusia den Alberto Delgadoren esanetan, “AURRERA programak industria-jarduera sendotzen lagundu dio Veltium Smart Chargers enpresari.  Behin garapenak amaitu ondoren, eskuratutako funtsei esker produktuen fabrikazioaren lehenengo etapak finantzatu ahal izan dira”.

 

Naru Intelligence enpresaren sortzaileetako bat eta CEOa den Eider Sanchezek adierazi duenez, “Aurrera programaren bidez lortutako finantzazioarekin bizkortu egin da Step sistema, minbizia duten pazienteen jarraipenaren emaitzak hobetzera bideratutako adimen artifizialeko sistema,  garatzeko eta merkaturatzeko prozesua”. Eider gustura agertu da finantzazioa lortzeko prozesuarekin ere, arina eta sinplea izan baitzen.

Lotutako albisteak

Lehendakariak  Joxe  Mari  Korta  2025  saria  eman  dio  José  Antonio  Jainagari

Lehendakariak Joxe Mari Korta 2025 saria eman dio José Antonio Jainagari

Epaimahaiak, Mikel Jauregi Industria, Trantsizio Energetiko eta Jasangarritasuneko sailburua buru delarik, Jainaga saritu nahi izan du, enpresa sustraiekiko konpromisoarengatik, industria bikaintasunarengatik, berrikuntzarekiko apustuarengatik eta kalitatezko enplegua sortzeagatik

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Indarturen  edizio  berriak  garapena  eta  jarduera  ekonomikoa  bultzatzen  ditu  beharrik  handiena  duten  Euskadiko  eremuetan
09/07/2025 Finantziazioa

Indarturen edizio berriak garapena eta jarduera ekonomikoa bultzatzen ditu beharrik handiena duten Euskadiko eremuetan

Industria, Trantsizio Energetiko eta Jasangarritasunaren Sailak, Spri Taldearen laguntzarekin, Indartu programaren 2025ko deialdia jarri du martxan. Programa honek 20 milioi euroko aurrekontua du enpresen ekoizpen arloko inbertsioari laguntzeko eta, hala, hazteko, enplegua sortzeko eta lehiakortasuna hobetzeko.

Seinalek  enpresei  beren  informazioa  edozein  mehatxuren  aurrean  babesten  laguntzen  die
08/07/2025 Zibersegurtasuna

Seinalek enpresei beren informazioa edozein mehatxuren aurrean babesten laguntzen die

20 urte baino gehiagoko esperientziarekin, Seinale zibersegurtasunean eta Zuzenbide Digitalean espezializatutako konpainia gisa finkatu da

Industria  Adimendunerako  trantsizioa  egiten  hasteko  inbertsioak  finantzatzen  laguntzen  die  Renove  Smart  Industry  programak  ETE  industrialei
08/07/2025 Finantziazioa

Industria Adimendunerako trantsizioa egiten hasteko inbertsioak finantzatzen laguntzen die Renove Smart Industry programak ETE industrialei

Datorren ostegunean uztailaren 10ean irekiko da epea Renove Smart Industry laguntza-programara eskaerak aurkezteko. Programa honek, lehen, Renove Industria 4.0 izena zuen. Edizio berri honetan, 7 milioi euroko aurrekontua izango du. 4.0 Industriako proiektuei heltzeko haien ekipoak eta makineria modernizatu> nahi dituzten enpresa industrialek edo industriarekin lotutako zerbitzu-enpresek azaroaren 7ra arte...

Imanol  Pradalesek  “Europaren  berrindustrializazioa  eta  autonomia  estrategikoa  gidatzeko”  euskal  industriak  duen  zeresana  aldarrikatu  du

Imanol Pradalesek “Europaren berrindustrializazioa eta autonomia estrategikoa gidatzeko” euskal industriak duen zeresana aldarrikatu du

Eraldaketa ekonomikoa bultzatzeko, industria defendatzeko eta kalitatezko enplegua bermatzeko, Eusko Jaurlaritzak duen konpromisoa berretsi du Lehendakariak

Eusko  Jaurlaritzak  ekintzailetzaren  aldeko  apustua  berretsi  du  “herrialde  mailako  apustu”  gisa,  ekosistema  ekintzaileko  400  profesional  biltzen  dituen  BIND  Demo  Day  ekimenaren  bederatzigarren  edizioan
03/07/2025 Ekintzailetza

Eusko Jaurlaritzak ekintzailetzaren aldeko apustua berretsi du “herrialde mailako apustu” gisa, ekosistema ekintzaileko 400 profesional biltzen dituen BIND Demo Day ekimenaren bederatzigarren edizioan

Kursaalen egingo da BIND Demo Day jardunaldiaren 9. edizioa, 20 startupekin eta Euskal Autonomia Erkidegoko industria-ekosistemako 400 parte-hartzaile baino gehiagorekin

Ekintzailetza  berritzaile  onena  aitortzen  duten  Top101  Sarietarako  epea  zabalik  dago
01/07/2025 Ekintzailetza

Ekintzailetza berritzaile onena aitortzen duten Top101 Sarietarako epea zabalik dago

Hautagaitzak uztailaren 23ra arte aurkez daitezke

Eusko  Jaurlaritza  Industria  Plan  berriaren  sozializazio-prozesua  egiten  ari  da,  eta  Ekonomia  eta  Gizarte  Arazoetarako  Batzordean  aurkeztu  du

Eusko Jaurlaritza Industria Plan berriaren sozializazio-prozesua egiten ari da, eta Ekonomia eta Gizarte Arazoetarako Batzordean aurkeztu du

“Industria Plan berria dokumentu bizia da, ekarpenei irekia. Hori dela eta, sozializazio-prozesua abiatu dugu hainbat gizarte-, ekonomia- eta enpresa-eragilerekin, plana haien ekarpenekin aberasteko eta proiektu eraldatzaileak sortzeko” adierazi du Jauregik

1M  €  hazteko  gaitasun  handia  duten  enpresak  bultzatzeko  laguntzetan
26/06/2025 Ekintzailetza

1M € hazteko gaitasun handia duten enpresak bultzatzeko laguntzetan

SPRI Taldeak Ekintzaile+ laguntzen deialdia argitaratu du, enpresa-proiektu berritzaile eta teknologiko berriak garatzen eta martxan jartzen laguntzeko. Ekainaren 27tik uztailaren 29ra egongo da irekita laguntzak eskatzeko epea. Enpresa bakoitzak, gehienez, 100.000 euro jaso ditzake, Enpresa Plana gauzatzeko gastuak ordaintzeko.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.