Euskal enpresaren blog-a Zure enpresarentzat garrantzitsua den eguneroko informazioa

22 urtarrila, 2019
55 euskal startup aurkeztu dira CaixaBank eta SPRIk antolatutako EmprendedorXXI sariketara

CaixaBank-ek –teknologia eta berrikuntza arloko enpresetan espezializatutako bere DayOne dibisioaren bitartez- eta Industria, Merkataritza eta Turismo Ministerioak –ENISAren bitartez- deitu dute sariketa hau, eta Euskadin, SPRIk ere erakunde antolatzaile gisa parte hartzen du.
Sarituak, azkenengo edizioan.

 

CaixaBank-ek –teknologia eta berrikuntza arloko enpresetan espezializatutako bere DayOne dibisioaren bitartez- eta Industria, Merkataritza eta Turismo Ministerioak –ENISAren bitartez- deitu dute sariketa hau, eta Euskadin, SPRIk ere erakunde antolatzaile gisa parte hartzen du.

 

Sari-banaketa ekitaldia apirilaren 8an izango da Donostiako Aquarium lekuan, berrikuntza, teknologia eta ekintzailetzako “DayOne Innovation Summits” jardunaldien markoan.

 

Irabazleek diru-sari bat jasoko dute eta aukera izango dute nazioarteko programetan parte hartzeko Silicon Valley-n eta Cambridge Unibertsitatean.

 

Euskadin kokatutako 55 startup aurkeztu dira CaixaBank-ek –teknologia eta berrikuntza arloko enpresei eta inbertitzaileei zuzendutako bere DayOne dibisio espezializatuaren bitartez- bultzatutako eta Caixabank-ek berak Industria, Merkataritza eta Turismo Ministerioko ENISArekin batera emandako EmprendedorXXI Sarietara. Euskadin, SPRIk ere erakunde antolatzaile gisa parte hartzen du.

 

Datu horrek erakusten du euskal ekintzailetza osasuntsu dagoela, lehiaketara aurkeztu den enpresa kopurua (55) iazkoaren bikoitza baita (27). Sektoreka, hautagaitza hauek jaso dira: Health Tech  (11), Impact Tech (8), Financial & Insurance Tech (7), Commerce Tech (6), Tourism Tech (4), Agro Tech (3) eta beste sektore batzuk (16).

 

Apirilaren 8an jakinaraziko da Euskadiko irabazlea Donostiako Aquarium lekuan eraikin zentraleko auditorioan, berrikuntza, teknologia eta ekintzailetzako “DayOne Innovation Summit” jardunaldiaren markoan. Jardunaldi hori CaixaBank DayOne erakundeak sortutako programa berri bat da, Espainian eta Portugalen egingo dena eta lurralde bakoitzeko ekintzailetza, teknologia eta inbertsio ekosistemako player garrantzitsuenak bilduko dituena. Saio horien barruan badira workshop-ak, maisu-eskolak, hitzaldiak eta mahai-inguruak, zeintzuetan azalduko baitira sektoreko joera berriak eta eremu bakoitzaren berezitasunak, eta baita ere kasu arrakastatsuak. “DayOne Innovation Summit” ekitaldiaren lehen edizioa Bartzelonan egin zen, CaixaBank Auditorioan eta 300dik gora pertsona bildu zituen.

 

Espainia eta Portugaleko 961 enpresa berritzailek aurkeztu dituzte euren hautagaitzak EmprendedorXXI Sariketaren aurtengo ediziora, iaz baino %36,3 gehiagok.

 

Diru-sariak eta nazioarteko prestakuntza-programetarako sarbidea

Aurten, EmprendedorXXI sariketak 19 sari banatuko dizkie beren jatorrizko eremuan inpaktu handiena duten enpresei: 17 Espainian (bat autonomia erkidego bakoitzeko) eta 2 Portugalen. Lurralde bakoitzeko irabazleek 5.000 euro jasoko dituzte.

 

Gainera, maiatzaren 14an beste sari bat emango zaie Espainia eta Portugaleko hautagaitza guztien artetik aukeratutako sektore bakoitzeko enpresa onenei. Sei sektore definitu dira, berrikuntzako joera berriak eta BPI eta CaixaBank erakundeen negozio-eremuak kontuan hartuta. Hauexek dira: Agro Tech, Health Tech, Commerce Tech, Fin&Insur Tech, Tourism Tech eta Impact Tech. Sektore bakoitzeko irabazleek 25.000 euro eskuratuko dituzte.

 

Irabazle guztiek (lurraldekoek nahiz sektorekoek) eta finalista batzuek ere aukera izango dute nazioarteko prestakuntza jasotzeko, eta baita ere parte hartzeko ESADEk Singularity University-rekin batera antolatutako nazioarteko laguntza-programa batean (Silicon Valley-n) edo Cambridge Unibertsitatearen (Erresuma Batua) Ignite Fast Track enpresen hazkunderako nazioarteko ikastaro batean.

 

Bestalde, Israelek Espainian daukan enbaxadak berrikuntzako accesit bat emango du: Tel Aviv-Yaffo Zentro Akademikoak eta Israeleko Kanpo Gaien Ministerioak elkarrekin antolatutako astebeteko prestakuntza programa bat Israelen.

 

Portugalen, ANIk (Agencia Nacional de Inovaçao) berrikuntzako accesit bat emango dio Portugaleko enpresa bati BFK Award-en bitartez.

 

Ongi errotutako sariketa

EmprendedorXXI Sariketaren 2018ko deialdiak 525.000 euro inguru banatuko ditu saritan, berau delarik Espainia eta Portugaleko ekintzaileei zuzendutako zuzkidura handieneko deialdia.  2007an sortu zenetik, 4,6 milioi euro inbertitu dira saritan eta laguntza ekintzetan, eta 314 enpresa izan dira laguntza horien onuradun.

 

2007tik hona, 6.000 enpresa sortu berrik parte hartu dute EmprendedorXXI Sariketan, eta 276tik gora enpresari, inbertitzaile eta ekintzailetzarekin lotutako erakunde igaro dira lehiaketako batzorde eta epaimahaietatik. Horregatik, EmprendedorXXI Sariak erreferentziazkotzat jotzen dira Espainiako eta Portugaleko startupentzat, eta ekimen erabakigarri bihurtu dira proiektu ekintzaile onenei behar duten bultzada emateko.

anugulas aguinaga
Start-ups 28 uztaila, 2021
APlanet-en teknologia, bere helburuak hobeto kudeatzeko Angulas Aguinagak eginiko apustua

APlanet Komunitate Jasangarriak eta Sozialki Arduratsuak (enpresak, ikasketa zentroak, hiriak…)...Leer más

Start-ups 27 uztaila, 2021
Fesiak nerbio-sisteman lesioak dituzten pertsonak neurorrehabilitatzeko irtenbide aurreratuak garatzen ditu

Gipuzkoako Parke Zientifiko eta Teknologikotik, Fesia Technology enpresa gazteak nerbio-sistema...Leer más

Nicolás Larburu tkgune Ezkerraldea BIC
FP zentroek Enpresa Txiki eta Ertainen beharrizanei erantzuteko duten gaitasuna

TKgune programa Lanbide Heziketarako Zentroen eta enpresen arteko ezagutzaren transmisioa errazten...Leer más

ontheroad culinary action
Start-ups 26 uztaila, 2021
Culinary Action! On the Road, foodtech eta 360º-ko Elikadurari lotutako startupei zuzendutako “roadshow”-a

‘Culinary Action! On the Road’, ekintzaileei zuzendutako Basque Culinary Center-en ekimen...Leer más

Ludus: “Langileen prestakuntza demokratizatu nahi dugu errealitate birtualaren bidez”

Errealitate birtuala Industria 4.0 gaitzen duen teknologia da. Bere jatorria duela 70 urte baino...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?