Tapia: “Osasunaren eta ekonomiaren arteko oreka perfektua behar dugu, hezkuntza zainduz”
- Jarduera ekonomikoa ez galtzen saiatu behar da, pultsuari eutsi, bestela ezingo baitugu ekitate soziala mantendu.
- Euskadiko eredu ekonomikoa aldatzeko unea da gure enpresak lehiakorrak izaten jarrai dezaten, mundu guztia ari da hori egiten; trantsizioak aprobetxatzeko unea da, gure lehiakortasuna eraldatzeko. Prest gaude beti bezala.
- Berderantz jo behar da, baina trantsizioak denbora behar du, ezin da egun batetik bestera gertatu. Ibilgailu zaharrak ibilgailu berriekin ordezkatzea aurrerapauso bat da. Baina familia batzuek ezin dute ibilgailu elektrikorik erosi. Eta ibilgailu elektriko baten ekoizpenean CO2 isuriak ere gertatzen dira. Dena hartu behar da kontuan eta trantsizio ordenatu bat egin.
Ekonomiaren Garapen, Jasangarritasun eta Ingurumen sailburuak, Radio Vitorian egindako elkarrizketa batean, baikortasunari neurritasunez eustearen garrantzia azpimarratu du, nahiz eta bizi dugun unea oso gogorra izan. “Mezua da birusarekin bizitzen ikasi behar dugula eta gure jarduerarekin aurrera egin depresioan ez erortzeko.
Baikortasunak eta errealismoak eskutik helduta joan behar dute. Jarduera ekonomikoa ez dugu galdu behar, pultsua mantentzen saiatu behar gara, bestela ezingo baitugu ekitate soziala mantendu. Ekonomia edo osasuna ekuazioa ezin da planteatu. Ekonomia eta osasuna. Txanpon beraren bi aldeak. Biak zaindu behar dira. Oreka da behar duguna “.
Beste konfinamendu baten aukeraren aurrean Tapiak honako hau nabarmendu du: “Edozein kasutan, gertatuko balitz, eta agertoki guztiak kontuan hartu behar badira, Europak egiten duen bezala aztertu behar dira, alderdi ekonomikoa eta hezkuntza mantenduz, eta jarduera ekonomiakoari euts aurrez aurreko jardunarekin edo telematikoki”.
Martxoko geldialdi ekonomikoa saihesteko beharra ezinbestekoa da: “Konparatu nahi ditugun herrialdeek horrela egiten dute. Gaur egungo neurrien ondorioak ebaluatu behar ditugu, une bakoitza aztertu eta hainbat agertoki prest izan.
Jarduera ekonomikoak ahalbidetzen digun orekari eusten saiatu behar dugu. Orain Asia hazten ari da, eta gure enpresek presentzia dute han “.
Hauek dira elkarrizketan nabarmendu diren beste gai batzuk:
Ekonomiaren hazkundea
“Hirugarren hiruhilekoaren emaitzak lehen olatua kontrolatu osteko hazkunde orokorraren ondorioa da, baina Europako bigarren olatu honek ekonomia moteldu dezake. Horrela izango da, zerra hortzak, denbora luzez gainera. Mundu osoa atera behar da egoera konplexu honetatik. Familia askotan ere egoera ez da batere ona, langabeziak gora egin duelako.
Euskadiko eredu ekonomikoa aldatzeko unea da, gure enpresak lehiakorrak eta multinazionalen hornitzaileak izaten jarrai dezaten. Mundu guztia ari da hori egiten, trantsizioak aprobetxatzeko unea da gure lehiakortasuna eraldatzeko. Aukera aprobetxatuko dugu, beti bezala.
Prest gaude, nahiz eta krisi batzuetan sektore batzuek besteek baino gehiago sufritzen duten. Garrantzitsuena dibertsifikazioa da merkatu dibertsifikatuekin.
Halaber, ikasi dugu hornidura-kateetan, pandemiagatik itxita zeuden herrialdetatik zetozen osagai batzuk ezin lortu izanak tentsionatu egin gintuela. Krisi orotan aukera bat sortzen da. Ondo egiten dugun hori berriro abiaraziko dugu, eta aukerak baliatuko ditugu negozio berriak sortzeko. Enpresa bat eraldatu egin daiteke eta oso lehiakorra izan daiteke. Hori da eredu aldaketa, ez da daukaguna hautsi eta zerbait berria egitea.
Estibatze zerbitzuaren greba
Egoera kafkianoa da, ez dira gutxieneko zerbitzuak errespetatzen. Enpresen gaineko eragina nabarmena da. Jarduera gelditzea ez da ulergarria. Estibatze-zerbitzuak nolakoa izan behar duen ebatzi da. Orain dena geldiarazten ari dira eta hori ulertezina da. Espero dut konpondu ahal izatea, galtzen diren trafikoak ez direlako berreskuratuko.
Dieselaren gaineko zerga
Ez gaude ados. Automobilgintzari eragingo dio eta dagoeneko sufritzen ari den ekonomia zergapetzen ari dira. Familia askok dute auto diesela, ibilgailu elektriko bat ordaindu ezin dutelako. Oso garestia gerta daiteke familia askoretntzat. Eta errepideko garraioa zaildu egiten da. Inpaktu horiek kontuan hartu behar dira.
Berderantz jo behar da, baina trantsizioak denbora behar du, ezin da egun batetik bestera gertatu. Ibilgailu zaharrak ibilgailu berriekin ordezkatzea aurrerapauso bat da. Baina familia batzuek ezin dute ibilgailu elektrikorik erabili. Eta ibilgailu elektriko baten ekoizpenean CO2 isuriak ere gertatzen dira. Azter dezagun dena eta egin dezagun trantsizio ordenatu bat.
Europako funtsak
Ez dugu dena Europako funtsen baitan utzi behar. Oso jarduera zehatzetarako eta proiektu askotarako funtsak dira. Eraldaketari ekiteko proiekturik onenak zein diren jakin behar dugu, dena Europako diruaren menpe utzi gabe.
Administrazioekin lanean ari gara, proiektu publikoak eta pribatuak egongo dira. Kontuan hartu behar dugu guretzat garrantzitsua dela Jasangarritasun Energetikoaren Legea garatzen saiatzea, adibidez, edo eraikin publikoetan eta etxebizitza pribatuetan efizientzia lortzeko proiektuak aurrera ateratzea. Hori guztia administrazioak jartzen du martxan, baina enpresa pribatuek garatzen dute. Enplegua eta aberastasuna sortzen dira. Horixe bilatzen dugu Europako proiektu horiekin.
Arabako Errioxako ardoak
Espero dut errazago lan egin ahal izatea AEBn administrazio desberdin bat badago, baina ez da egun batetik bestera izango.
Uzta handia izan da. Beste batzuetan ordaindu ez diren arren, egoera horretan uzta ona izan da, eta bidezko prezioa izan du. Jarrai dezagun esportazioan eta Euskadik hobeto ezagut ditzala Arabako Errioxako ardoak
Lotutako albisteak
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Eusko Jaurlaritzak Bikaintek programa zabaldu du enpresetan ikerlariak kontratatzea sustatzeko
2025erako planak 5,7 milioi euroko aurrekontua du eta urtean 60.000 euro bitarteko dirulaguntzak eskaintzen ditu kontratazio bakoitzarentzat
Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
"Gure helburua da gero eta ikertzaile eta ekintzaile gehiago egoteko baldintza egokienak sortzea"
Bianditz, esku-erremintak, doitasuneko piezak eta kautxuzko injekzio-moldeak fabrikatzen dituen 60 urteko enpresa
Irunen kokatuta dagoen konpainiak, azken urtean fakturazioa % 30 handitu duenak, SPRI Taldearen zibersegurtasun-programako laguntza jaso du
“Innovation Land” lelopean, Euskadik Transfiere 2025 Europako zientzia, teknologia eta berrikuntzarako fororik handienean parte hartuko du
Euskadik presentzia nabarmena izango du programa ofizialean, Basque Research and Technology Alliance (BRTA) aliantzako, SPRI Taldeko, Tecnaliako eta ZITUko arduradunek parte hartuko baitute
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Etxetar, errekuntzako motorrentzako eta ibilgailu elektrikoentzako ekoizpen-sistema aurreratuak egiten dituen munduko ingeniaritza liderra
Elgoibarko enpresak SPRI Taldearen zibersegurtasuneko dirulaguntza-programa jaso du eta proiektu bat egin du freno-diskoen kutsadura mugatzeko.