“Gure ADNan dago beti aurrerantz begiratzea”
Ternua kirol-arropa taldea outdoor segmentuko liderra da Estatuan, eta 50 herrialdetan saltzen ditu bere produktuak
Ternua Taldea 1986an sortu zen Arrasaten (Gipuzkoa). Astore, Ternua eta Lorpen markak barne hartzen ditu, eta gaur egun outdoor segmentuko liderra da Estatuan. Gainera, 50 herrialdetan saltzen ditu bere produktuak, eta presentzia fisikoa du Amerikan, Europan nahiz Asian. Une honetan 175 lagun enplegatzen ditu, euren artean Jokin Umerez zuzendari nagusia, zeinak Made in Basque Country irratsaioan hainbat argitasun eman dizkigun bere hazpidea nazioarteko merkatuan daukan konpainia honi buruz.
Arrasateko lehen denda hura inauguratu ondoren, gutxik amestuko zuten iritsi zareten lekuraino iristea…
Arrasate Kirolak izeneko lehen denda hura sortu zutenek proiektuaren parte aktibo izaten jarraitzen dute. Oso jende ekintzailea da, lanerako gaitasun handikoa. Suposatzen dut 1986an ilusio handiz hasi zutela abentura hura, eta ziurrenik euren ametsa zela zerbait handia egitea. Esango nuke konpainiaren ADNan dagoela beti aurrerantz begiratzea.
Zer izan da zailena bide horretan?
Nire iritziz egokitzea izan da zailena, bai fase desberdinetako denboretara eta bai merkatuko egoeretara. Ternua proiektua bizirik dago eta eboluzionatu egin behar du; nire ustez gai izan gara enpresaren errealitatea aldaketa handi askotara moldatzeko (fabrikatzeko modua, saltzeko modua, produktuen erabilera, e.a), eta horixe izan da zailena baina baita ere positiboena. Funtsean, gai izan gara kirol modaren merkatu lehiakorrera egokitzeko –azken 30 urteetan izugarri eboluzionatu duena- eta kontsumitzailea jartzeko gure erabaki guztien erdigunean. Erosleak gaur egun beste gauza batzuk eskatzen ditu, beste modu batean erosten du, eta hori jakitea ezinbestekoa da guretzat.
Ternua enpresaren AMIA analisi bat egingo bagenu, zeintzuk dira zure ustez konpainiaren indar-gune eta mehatxu nagusiak?
Indar-guneen artean hiru azpimarratuko nituzke: enpresako giza taldea; markak, gai izan direnak garatzeko eta espazioak okupatzeko, hala dendetan nola gutako askoren buruan; eta, azkenik, Ternua taldearen gaitasuna eta negozio-eredua.
Eta mehatxuak?
Oso txikiak gara, mundu honetan konpainia handiak direlako nagusi eta urte askotako abantaila dutelako gure aldean. Horregatik, lanean jarraitu behar dugu nitxo berriak aurkitu eta horietan sartzeko.
Ternua erreferentziazkoa da Estatuko ipar-zonalde osoan, baina agian ez beste eskualde batzuetan… Hori zuzentzea al da zuen epe laburreko helburuetako bat?
Hala da bai, zalantzarik gabe. Eremu geografiko batzuetan gertatzen zaigu gure merkatu-kuota handiagoa dela markaren sona baino, hau da, markaren pertzepzioak erakutsi lezakeena baino gehiago saltzen dugula. Erronka da merkatu-kuota mantentzea, hori baita lider egiten gaituena, baina baita ere geure burua ezagutaraztea eta gure irudiaren ospea handitzea, adibidez, Mediterraneo inguruan eta Katalunian.
Hegoaldean ere bai?
Ez hainbeste. Eremu hori oso beroa da, eta hango klimatologia ez da oso egokia gure negozioarentzat. Zaila da hegoaldean berokiak edo galtzerdi termikoak saltzea.
Orduan esan genezake atzerriko salmentak handitzean datzala zuen hazkunde marjina?
Bai, dudarik gabe. Une honetan presentzia fisikoa dugu Hong Kong eta Puebla (Mexiko) hirietan, non biltegi bana baitaukagu. Lokal horiek hub modura erabiltzen ditugu munduko puntu estrategikoetara iristeko, baina jarduera handitu nahi dugu eta %35eko gaitasun esportatzailea gainditu.
Ba al dago munduan euskal gizarteak adina goretex kontsumitzen duen beste gizarterik?
Bai, Koreakoa da munduko merkatu garrantzitsuena, Estatu Batuak kontuan hartu gabe jakina, bera baita liderra tamainagatik eta biztanleriagatik. Baina bai, Korean hemen baino goretex gehiago kontsumitzen da.
Zenbateko garrantzia du berrikuntzak eta garapenak zuen eguneroko lanean?
Handia eta anitza. Esan bezala, gure ADNaren barruan dago, hau da, gai izan behar dugu gainerakoengandik bereiziz eta modu desberdinean hazteko, bi ardatz garrantzitsuri jarraiki: modu arduratsuan haztea eta hazkunde horretan I+G sostengarria txertatzea. Azken horri esker proiektu berriak garatzen ditugu, adibidez, Bermeoko kofradia eta arrantzaleekin batera egin duguna arrantza-sareak birziklatzeko: dagoeneko erabiltzen ez ziren eta arrantzaleentzat arazo baino ez ziren sareak tratatu eta birziklatu ditugu, euretatik nylona ateratzeko, gure produktu batzuk nylonezkoak direlako.
Lotutako albisteak
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.
Teknikerrek errepideen mantentze adimenduna bultzatzen du teknologia robotiko aurreratuaren bidez
Zentro teknologikoak errepideak diseinatzeko, eraikitzeko eta mantentzeko teknologia robotikoak eta automatizazio adimendunak hornitzeko lanak gidatu ditu Europako Omicron proiektuan.
Robtwin proiektuak fabrikazio aurreratuaren aldeko apustua egin du automobilgintza-sektorean
Ingematek biki digitalaren kontzeptu aurreratu berri bat inplementatzen duen tresna bat garatu du, eta SPRI Taldearen Hazitek Laguntza Programaren babesa jaso du.
EKOHOOD, garraioen ontziratzeko soluzio jasangarria
Plastigaur buru duen proiektuaren helburua da kontsumo osteko material birziklatuarekin film-sorta berri bat sortzea hirugarren mailako packaging-erako. SPRI Taldearen Hazitek Laguntza Programaren babesa izan du.