Euskal enpresaren blog-a Zure enpresarentzat garrantzitsua den eguneroko informazioa

27 urria, 2020
Tapia: Bayer-en operazioari esker, Euskadik nazioartean sektore biosanitarioan posizionatzeko eta hazteko aukera izango du

 Viralgenek bihar jakinaraziko ditu operazioaren xehetasunak. Eusko Jaurlaritzak enpresari jakinarazi dio enpresaren proiektua lurraldeari lotuta mantentzeko interesa duela, bere garaian hasitako plan estrategikoari eutsiz
Urkullu lehendakaria, bileran.

 

Iñigo Urkullu Lehendakariak eta Arantxa Tapia Ekonomiaren Garapen, Jasangarritasun eta Ingurumen sailburuak Viralgen enpresako zuzendaritza eta talde zientifikoa hartu dituzte gaur goizean Lehendakaritzan. Bilera hori Bayer farmazialari multinazionalak atzo jakitera eman zuen albistearen testuinguruan egin da; izan ere, Bayer terapia genikoaren alorrean hasiko da AskBio eta Viralgenen eskutik eta hauen erosketaren ondorioz.

 

Javier García, Viralgeneko zuzendari nagusiak operazioaren xehetasunak eman ditu bilera honetan, eta Gipuzkoako Zientzia eta Teknologia Parkean egoitza duen Viralgen enpresari ere eragin dio.

 

Aurrerantzean, Viralgen Bayer multinazional horretako kide izango da, baina bere jarduerak, kokapenak, egoitza sozialak eta proiektuak bere horretan jarraituko dute, orain arte adierazitakoaren ildotik.

 

Eusko Jaurlaritzak, Viralgen-en kapitalaren parte denak, enpresaren zuzendaritzari jakinarazi dio hasierako proiektuari eutsi egin nahi diola, txertoak sortzeko balizko terapia genikoaren ikerketari eta prestakuntzari buruz eta arlo biosanitarioan enplegu berria sortzeari buruz ezarritako baldintzetan.

 

Bilera amaitutakoan, Arantxa Tapia sailburuak positiboki baloratu du Bayer farmazeutikoaren sarrerarekin egin den eragiketa; izan ere, Euskadiko jarduera biosanitarioa nazioarteko mapan kokatzen du, hedatzeko, hazteko eta eskualde osorako jarduera-potentzial handiagoko aukera berriak irekiz, hogei urtetan hainbeste inbertitu dugun sektore berritzaile honetan.

 

Era berean, bilera honetan, Jaurlaritzak Viralgen-i esan dio enpresaren proiektua lurraldeari lotuta mantentzeko interesa duela, bere garaian hasitako plan estrategikoari eutsiz.

 

Tapiak adierazi duenez, “operazio honekin, Viralgen, Gipuzkoa eta Euskadi osoa jarduera biosanitarioaren txapeldunen ligako mapan kokatzen dira Bayerren eskutik. Aukera paregabea da Euskadin gure kabuz proiektuak bultzatzeko ditugun gaitasunak erakusteko, gure laguntzekin eta lankidetza publiko-pribatuarekin, eta ondoren gai direnak sektorean eta mundu mailan dimentsioa berria hartzeko.

 

Albiste horrek, gainera, 2020-2024 legealdirako konpromisorik garrantzitsuenetako batekin bat egiten du, joan den ostiralean sailburuak osoko bilkuran adierazi bezala, osasunaren industriari beste bultzada bat emango zitzaiolako.

Bio osasuna 8 ekaina, 2021
Food 4 Future-ek Euskadi FoodTech industriaren munduko erreferente bihurtuko du

Food 4 Future – ExpoFoodTech 2021ek 20 herrialde baino gehiagotako elikaduraren eta edarien...Leer más

Bio osasuna 19 maiatza, 2021
“Euskadi Next” Programak Euskal Autonomia Erkidegoaren eraldaketa ekonomikoaren eta bertako sendotasunen alde egiten du

Eusko Jaurlaritzak Euskadi Next 2021-2026 Programa eguneratzea onartu du gaur. Programa horretan,...Leer más

Biolan Health
Bio osasuna 11 maiatza, 2021
Euskadiko Bio-osasunaren sektoreak % 5 egin du gora enpleguan eta fakturazioan 2020an

2020an, Covid 19aren pandemiaren ondorioak nagusi izan diren urtean, Bio-osasunaren sektoreak...Leer más

Bio osasuna 5 maiatza, 2021
Zientzia eta Teknologiaren Euskal Sareak Leartiker gehitu du Foku Anitzeko Teknologi Zentro gisa

  Zientzia, Teknologia eta Berrikuntzaren Euskal Sareak Foku Anitzeko Teknologi Zentro izendatu...Leer más

Ternua Group
Bio osasuna 28 apirila, 2021
Ternuako jantzi baten bizi-zikloaren jasangarritasuna Europako proiektu batean aztertua

Orienting proiektu europarrak produktuen eta zerbitzuen bizi-zikloaren iraunkortasuna aztertuko du...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?