Euskal enpresaren blog-a Zure enpresarentzat garrantzitsua den eguneroko informazioa

8 azaroa, 2019
Grafenozko nanoimanak informazio-teknologia azkarrago eta jasangarriagoak lortzeko

Nanogune

Europar Batasunak finantzatutako H2020 proiektu bat koordinatuko du CIC nanoGUNEk lankidetzan, Donostia International Physics Centerrekin, IBMrekin (Suitza), Santiago de Compostelako Unibertsitatearekin, Delfteko Unibertsitate Teknikoarekin (Herbehereak) eta Oxfordeko Unibertsitatearekin (Erresuma Batua)

 

‘SPRING’ ikerketa-proiektuak 3,5 milioi euro jaso ditu, eta grafenoan oinarritutako osagai magnetiko berriak egitea du helburu, ingurumena errespetatzen duten osagai elektronikoak sortzen laguntzeko

 

Europar Batasunak finantzatutako SPRING (SPin Research IN Graphene) ikerketa-proiektuaren abiatze-bilera antolatu du CIC nanoGUNEk. Bilera Donostian izan da, 2019ko azaroaren 7an eta 8an. Ikerketa-proiektuak lau urteko iraupena izango du, eta kide hauez osatuta dago: IBM Research, Donostia International Physics Center, Santiago de Compostelako Unibertsitatea, Delfteko Unibertsitate Teknikoa eta Oxfordeko Unibertsitatea. Bileran, proiektuaren abiapuntua ezarri da. Europan aitzindari diren sei ikerketa-erakunde hauen partzuergoak 3,5 milioi euroko funtsa jaso du Europar Batzordetik. Horizon 2020 FET-Open deialdi oso lehiakorrean izan da hautatua; hain zuzen ere, arrisku handiko eta eragin handiko abangoardiako diziplinarteko zenbait ikerketa-proiektu finantzatzen dituzte, etorkizuneko teknologia erabat berrietarako oinarriak ezarri behar dituztenak.

Neurrira egindako grafenozko nanoegitura magnetikoak fabrikatzeko eta horien ahalmena gailu kuantiko espintronikoen oinarrizko elementu gisa probatzeko partzuergoko kideek egin dituzten azken aurrerapen zientifikoak konbinatzen dira SPRING proiektuan. Epe luzeko helburu gisa ezarri dute grafeno hutseko plataforma bat garatzea, ingurumena errespetatzen duena, eta zeinetan spinak erabili ahal izango diren informazioa garraiatzeko, metatzeko eta prozesatzeko.

Oro har, esan dezakegu spina dela materiaren oinarrizko partikula baten biraketa bere ardatzaren inguruan. Esaterako, material ororen elektroi guztiek daukate karga bat eta spin bat, azken hori erabakigarria da magnetismoan.

Zientzialarien komunitatea bat dator spina dela materiaren propietate ideala kargan oinarritutako egungo nanoelektronikatik haratago joan eta beste osagai azkarrago eta energetikoki eraginkorrago batzuk lortzeko; horixe da hain zuzen ere espintronika kuantiko esaten zaion teknologia berriaren oinarria. Grafenoan spinak sortu eta detektatzeko oinarrizko legeak ikertuko ditu SPRING proiektuak, alegia, nola irakurri eta idatzi spinak, eta nola erabili informazioa transmititzeko.

Jose Ignacio Pascual Ikerbasque Ikerlaria da CIC nanoGUNEn, eta proiektuaren koordinatzaile zientifikoa ere bada; Pascualek azaldu duenez, “grafenoa egokia da etorkizuneko informazioaren teknologietarako, forma zehatza duten pusketak  zehaztatzun atomikoarekin ekoitz ditzakegulako. Proiektu honetan bere propietate magnetikoak aztertuko ditugu eta gailu kuantikoetan txertatzeko aukerak ikusiko ditugu”.

Nanoteknologia 17 ekaina, 2020
CIC nanoGUNEk koordinatutako proiektu batek 4 milioi euro inguru jaso ditu Europako Batzordetik

  CIC nanoGUNEk SPEAR proiektua koordinatzen du, Europako Batzordearen ITN programak...Leer más

Nanoteknologia 14 apirila, 2020
CIC nanoGUNEk eta INTELek MESO teknologia errealitatetik hurbilago jarri dute

  nanoGUNEk eta INTELek 10.000 aldiz handitu dute MESO teknologiaren “irakurketa”...Leer más

Nanoteknologia 19 abendua, 2019
Bioekonomiaren Euskal Aliantza sortu da, Euskadiko ekonomia dibertsifikatzeko eta garapen jasangarrian laguntzeko

Aliantza publiko-pribatu hau 10 proiekturen partaidetzaz abiatu da, eta bioekonomian ekimenen bat...Leer más

Nanoteknologia 31 urria, 2019
Aurrerapauso berriak nanoegituren ekoizpenean

Ceit-IK4 zentro teknologikoa medikuntza arloko gailuetarako materialen kalitatea hobetzeko europar...Leer más

Nanoteknologia 11 iraila, 2019
NMBP, Energia, IKTak, Garraio, Osasun eta Elikadura Segurtasunean Horizonte 2020 diru-laguntzak jasotzeko gakoak

  EEN Basque partzuergoak gai horien inguruko proiektuetarako azkenengo H2020 deialdiak...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?