Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 22 otsaila, 2018 Berrikuntza Digitalizazioa Berrikuntza soziala Fast Track Innobideak programa Ris3 Euskadi

Kultura eta Sormen Industriak berrikuntzaren motor gisa

Otsailaren 28an Europako RICC sarearen topaketa bat egingo da Tabakaleran

 

Otsailaren 28an Europako RICC sarearen topaketa bat egingo da Tabakaleran

Kultura eta Sormen Industrien sektoreak garapen ekonomiko eta sozial handia izan du Euskadin. 71.000 lagun inguru enplegatzen ditu, eta %3-5 bitarteko ekarpena egiten dio Euskadiko BPGri; portzentaje hori %7koa da Europar Batasun osoa kontuan hartuz gero. Gainera, berrikuntzarako potentzial handia duen sektorea da, eta horregatik, 2015az geroztik Kultura eta Sormen Industriak Espezializazio Adimenduneko RIS3 Euskal Estrategian sartuta daude, Aukera-esparru gisa.

 

Kultura eta Sorkuntzarako Eskualde mailako Ekimena sareak (RICC) -Eusko Jaurlaritza liderkide delarik Kultura eta Hizkuntza Politika Sailaren bitartez- RIS3 – Berrikuntza, Kultura eta Sormen Industriak: lurraldeak artikulatzeko aukera bat izeneko Europa mailako topaketa antolatu du Donostian, otsailaren 28an. Sektoreko agenteei eta arduradun publikoei zuzendutako jardunaldi horren helburua da arreta jartzea Kultura eta Sormen Industriek eskualdearen garapenerako duten potentzialean.

 

Workshop horren barruan aurkeztuko da CREADIS3, berrikuntza ez-teknologikoko estrategien bidez lurralde-garapena bilatzen duen ekimen europarra. Proiektu horren arabera, Kultura eta Sormen Industriek berrikuntza eta garapen ekonomikoa sortzen dute eta gauza dira konponbide berriak emateko erronka sozialei. CREADIS3 ekimenaren helburu nagusia da eskualdeetako agenda politikoak lerrokatzea, Kultura eta Sormen Industriak sustatzeko eta sinergiak sortzeko sektore horren eta beste jarduera esparru batzuen artean, hala nola berrikuntza edo industria. Eusko Jaurlaritzak lideratzen du proiektu hori Kultura Sailaren bitartez, eta baditu Europako beste bost bazkide: Eslovakia, Italiako Emilia-Romagna eskualdea, Erdialdeko Finlandia, Walonia eskualdea eta Mendebaldeko Grezia. Partzuergoaren mugarrietako bat izango da eskualde horietan Espezializazio Adimenduneko Sorkuntza Barrutiak sortzen laguntzea.

 

RICC sareak otsailaren 28rako antolatu duen jardunaldi horretan orobat aurkeztuko da Cultural and Creative Cities Monitor 2017 argitalpena. Txosten horretan Europako 168 hiri aztertu dira jakiteko nolako potentziala duten kultura eta sormen arloetan, bai maila ekonomikoan eta bai sozialean. Aztertutako hirien artean daude Donostia eta Bilbo.

Lotutako albisteak

27 Marzo, 2024 Berrikuntza
INCONEF, termodinamika- eta kontrol-ingeniaritza, mahasti artean
Irakurri gehiago
26 Marzo, 2024 Berrikuntza
Sustatu berrikuntza-proiektuak zure enpresan Fast Track Innobideak ekimenarekin
Irakurri gehiago
Bikote Solar AMercado de la Ribera 25 Marzo, 2024 Berrikuntza
Bikote Solar, 18 urte eguzki-energia enpresa-sektorera eskaintzen
Irakurri gehiago
21 Marzo, 2024 Berrikuntza
Azalera bertikal eta altuetan korrosioaren aurkako estalduren egoera sentsoreekin neurtzen duten droneak
Irakurri gehiago
21 Marzo, 2024 Berrikuntza
Elkor, teknologia eta berrikuntza altzarien eta zuraren sektorerako
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak