Euskal enpresaren blog-a Zure enpresarentzat garrantzitsua den eguneroko informazioa

16 otsaila, 2021
Navacel, egurretik itsas-energia eolikora pasatzeko bide luzea

1964an sortu zen Bizkaiko enpresak bere jarduera berregin du sektore berriztagarrian erreferente izateko, ildo horretan, bezeroen behar espezifikoen araberako ekipamendu-ondasun handiak fabrikatzen ditu, hala nola PLEM, PLET edo torretak
Navacel

Navacel 1964an jaio zen, egurra eraldatzeko ekipoak ekoizteko tailer gisa. Baina 60 urte beranduago talde bizkaitarrak bere jarduera berregin du energiaren sektorean erreferentzia bihurtzeko asmoarekin, Oil & Gas eta itsas-energia eolikoaren merkatuetarako ekipamendu-ondasun handien hornitzaile gisa.

Denbora horretan, hainbat sektoretan lan egin du enpresa honek, hala nola siderurgian, ontzigintzan, Oil & Gasen sektorean eta energia berriztagarrietan. 2016tik itsas-sektore eolikoan (offshore wind) zentratu da, eta zuzeneko 150 langile baino gehiago ditu. Langile horiei enpresa laguntzaileak gehitu behar zaizkie.

Bilakaera horretan inbertitzaile berriek lagundu dute enpresa joan den urteko martxotik. Izan ere, horiek “esperientzia handia ematen dute hainbat merkatutan, eskala handiko ikuspegi eta hazkunde-proiektuekin”, aitortu du Maria Goitiandia Navaceleko Merkataritza Saileko zuzendariak.

Navacel bezeroen eta haien proiektuen behar espezifikoetara egokitzen da. Horrela, gaur egun Oil & Gas sektorerako egiturak, hodiak eta adarrak fabrikatzen dituzte, hala nola: Pipeline End Manifold (PLEM) and Pipeline End Termination (PLET), multiflows, ILT edo ITS. Gainera, era guztietako egiturak eraikitzen dituzte subsea sektorerako eta instalazio flotatzaileen zatiak (FPSO), hala nola torretak, torretetarako uztaiak edo buiak. “‘Boutique fabricator’ bat garela esan genezake. Hau da, mota guztietako pieza bereziak egiten ditugu, ohikoetaz haratago. Betiere bezeroaren diseinu eta eskakizunen arabera “, adierazi du Maria Goitiandiak.

Murgilduta dauden hazkunde-proiektuak barne hartzeko eta mota guztietako piezak eraiki ahal izateko, enpresak etengabe handitzen ari diren instalazioak ditu Trapagaranen eta Erandion (Bizkaian) eta Alegria-Dulantzin (Araban). “Bilboko Portuko gure lantegian 30.000 metro karratuko zablatzea egin dugu. Eta Dulantziko lantegian itsas sektore eolikorako zerbitzuak hobetzeko makinerian inbertitzen ari gara “, adierazi du Maria Goitiandiak.

Sektore horri esker, konpainiak aurrerapauso handia eman du negozioaren hazkundean eta garapenean, batez ere Europako merkatuetan, Oil & Gas eta subsea itsas eoliko finko eta flotagarrian zentratuta.

Seapower euskal patzuergoa

Navacel Seapower euskal partzuergoa osatzen duen Offshore sektore eolikoko erreferentziazko hamar euskal enpresetako bat da. Patzuergo horren helburua da itsas eolikoko egitura, dorre eta sistema osagarrietarako teknologien eta soluzioen ikerketa eta elkarlaneko garapena bultzatzen jarraitzea, potentzia handiko haize-sorgailuen belaunaldi berrirako (10MW+).

Proiektua Eusko Jaurlaritzaren Hazitek programak finantzatzen du, Eskualde Garapeneko Europako Funtsaren (FEDER) laguntzarekin. “Guretzat esperientzia handia izan da. Navacelen ekarpena ‘know-how’-a da, hau da, azken 50 urteetan merkatuan eta hainbat sektoretan lortutako esperientzia “, gogorarazi du.

SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri.

Energia 25 otsaila, 2021
Industria sailburuordeak azpimarratu du Eusko Jaurlaritzaren laguntzak “edozein enpresaren neurrikoak” direla

  Javier Zarraonandiak, Eusko Jaurlaritzako Industria sailburuordeak, ostegun honetan...Leer más

Energia 12 otsaila, 2021
SPRI Taldeak teknologia berriak bultzatzen ditu Resboard uretako erreskate-taularekin

  SPRI Taldeak urtero plazaratzen duen I+G-ko Hazitek laguntza-programari esker, Bizintek eta...Leer más

Energia 29 urtarrila, 2021
Adimen artifiziala energia biltegiratzeko gai diren materialen identifikazioa bizkortzeko

CIC energiGUNE, energia elektrokimikoa eta termikoa biltegiratzearen arloan Europan erreferentea...Leer más

Energia 22 urtarrila, 2021
2020an SPRI Taldeak atzerriko 31 inbertsio erakartzen lagundu zuen

  Iaz SPRI Taldeko Invest in the Basque Country atalak atzerriko 31 inbertsio-proiektu itxi...Leer más

Energia 13 urtarrila, 2021
San Juan Grupo: “Mugikortasun elektrikoaren aldeko apustua borondate eta kontzientzia kontua da”

  San Juan Grupo konpainiak Agurainen (Araba) du egoitza, eta lotura estua eta konpromiso...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?